Bɔri 10:3 - ALA KA KUMA

³ Musa ni Arɔn tagara masacɛ fɛ k'a fɔ a ye ko: «Masaba, eburuw ka Ala ko i bena ban k'i yɛrɛ majigi ale kɔrɔ fɔɔ tuma jumɛn? Ko i k'a to ale ka jama ka ta'a bato.

Jula NT of Côte d’Ivoire

³ Musa ni Haruna tagara Farawona fɛ ka taga a fɔ a ye ko: «Matigi Ala, Heburuw ta Ala ko, ko lon juman le i bɛna sɔn ka i yɛrɛ majigi a le ye dɛ? A ko i ye a ta mɔgɔw bla o ye taga ale bato.

Bɔri 10:3 Iomraidhean Croise

Mas fɔlɔ 18:21

Eli tagara lɔ jama bɛɛ ɲa k'a fɔ u ye ko: «Aw nɔrɔnin bena to faan fila la fɔɔ ka taga se waati jumɛn ma? N'a kɛra ko Masaba le ye Ala ye, aw ka tugu ale kɔ. N'a kɛra ko *Baali lo fana, aw ka tugu ale kɔ.» Jama ma foyi fɔ.

Mas fɔlɔ 21:29

«Akabu y'a yɛrɛ majigi ne ɲakɔrɔ cogo min na, i y'o ye wa? A y'a yɛrɛ majigi ne ɲakɔrɔ, o la, ne tena bɔnɛ nin lase a ka tile la tugu, o bena kɛ a deen ka tile la, o tuma na, bɔnɛ nin bena se a ka soo ma.»

Mas 2nan 22:19

O digira i la, e y'i yɛrɛ majigi ne Masaba ɲakɔrɔ kuma nin mɛntɔ, ne ye min fɔ yɔrɔ nin, n'a kɔnɔ mɔgɔw kama ko a bena kɛ dusukasiyɔrɔ ni yɔrɔ danganin ye. E y'i ka fani faran, ani ka kasi ne ɲakɔrɔ minkɛ, o la, ne fana ye ele kaan mɛn. Ne Masaba ko ten.

Lok 2nan 33:12

K'a to dusukasi la, a ye Masaba a ka Ala daali k'a yɛrɛ majigi a faaw ka Ala ɲa kosɔbɛ.

Lok 2nan 33:19

A ka daalili, ani Ala y'a jaabi cogo min na, a ye kojugu ni tilenbaliyako minw bɛɛ kɛ, ani ka sɔnnikɛyɔrɔw dilan ka Asera jaaw ni joo wɛrɛw tutu yɔrɔ minw na sanni k'a yɛrɛ majigi, o bɛɛ be sɔrɔ Ozayi ka sɛbɛ kɔnɔ.

Lok 2nan 34:27

Ne Ala kumana yan yɔrɔ nin n'a kɔnɔ mɔgɔw kama ka min fɔ, i y'o mɛn tuma min na, i dusu kasira, i y'i yɛrɛ majigi ne ɲakɔrɔ. I y'i yɛrɛ majigi ne ɲakɔrɔ k'i ka faniw faran, ani ka kasi ne ɲakɔrɔ minkɛ, ne ye mɛnni kɛ. Ne Masaba le ko ten.

Lok 2nan 7:14

ne tɔgɔ be wele n ka jama min kan, ni u y'u yɛrɛ majigi ka ne daali ka n yɔrɔ ɲini, ani k'u ka kojuguw dabila, ne bena mɛnni kɛ u fɛ ka n to sankolo la, k'u ka hakɛ yafa, ani k'u ka jamana yiriwa.

Ayuba 42:6

O le kama ne be nimisa n ka fɔta la. N be lɔ n ka fili la ka nimisa ka sigi buguri ni bugurigwɛ kan dusukasi bolo.»

Bɔri 10:4

Ko n'i ma sɔn o la, sini, ko ale bena tɔɔnw ci i ka jamana kɔnɔ.

Bɔri 16:28

O la, Masaba y'a fɔ Musa ye ko: «Aw bena ban ka ne ka kuma, ni ne ka sariya bato fɔɔ tuma jumɛn?

Bɔri 4:23

Ko ne tun ko a k'a to ne deen be taga n bato. Ko a ma sɔn k'a to minkɛ, ne ben'a yɛrɛ dencɛ fɔlɔ faga.»

Bɔri 5:1

O kɔ, Musa ni Arɔn tagar'a fɔ Ezipiti masacɛ ye ko: «Masaba, Isirayɛli ka Ala y'a fɔ ko i k'a to a ka mɔgɔw be taama dɔ kɛ ka taga kongokolon kɔnɔ k'a bato yen.»

Bɔri 9:17

Ko halibi a b'a jaa gwɛlɛyara ka ne ka jama bali, a te sɔnna k'u to u be taga.

Zanaw 1:22

«Kolɔnbaliya bena diya aw kolɔnbaliw ye tuma jumɛn? Mɔgɔjagabɔbagaw bena to o la fɔɔ tuma jumɛn? Nalomanw bena ban lɔnniya ma tuma jumɛn?

Zanaw 1:24

Ne ye weleli kɛ, aw ma sɔn k'a laminɛ. Ne ye n bolo d'aw ma, mɔgɔ si ma janto a la.

Zanaw 18:12

Yɛrɛboɲa be na ni cɛnni ye. Yɛrɛmajigi kɔfɛ ye kunkɔrɔta ye.

Ezayi 1:5

Aw minw be muruti tuma bɛɛ, aw ka kan ka bugɔ aw fari yɔrɔ jumɛn la tugu? Bari kungolo bɛɛ ye joli ye, dusukun bɛɛ nagasira!

Ezayi 2:11

Yɛrɛboɲalaw bena majigi, mɔgɔ minw b'u yɛrɛ fisaya ni tɔw ye, olu kuun bena surun. O loon na, Masaba kelenpe le bena boɲa sɔrɔ.

Yeremi 13:10

Nin siyajugu, min banna ka ne ka kumaw mɛn k'u kuun gwɛlɛya k'u yɛrɛ sago kɛ ka boliboli batofɛn wɛrɛw kɔ janko k'u sɔn ani ka biri u ɲafɛ, a ka kɛ i n'a fɔ cɛsirilan nin, min te se ka foyi ɲa tugu.

Yeremi 13:18

Masaba y'a fɔ ne ye ko n k'a fɔ masacɛ n'a bamuso ye k'u ka jigi ka sigi duguma, bari u ka masafugulan nɔɔrɔmanw bɔra u kunna ka ben.

Yeremi 50:29

Mɔgɔ o mɔgɔ be se kalabon la, aw ka olu bɛɛ wele Babilɔni kama. Aw ka sigi k'a lamini, mɔgɔ si kana se ka bɔ. Aw k'a sara ka kɛɲɛ n'a ka kɛwaliw ye. A ye min kɛ, aw k'o ɲɔgɔn kɛ a la. Bari a tun wilila Masaba kama, Isirayɛli ka Ala kama.

Ezekiyɛli 5:6

A kɔnɔ mɔgɔw murutira ne sago ma. U juguyara ka tɛmɛ siya wɛrɛw kan. U murutira ne ka sariyaw ma ka tɛmɛ u lamini jamanaw kan. Bari, u ma sɔn ne sago ma, u ma ne ka sariyaw bato.

Daniyɛli 5:22

Ele Balitazari min y'a deen ye, i y'o koo nin bɛɛ lɔn, nga i ma i yɛrɛ majigi.

Jateri 14:27

«Jama nin ka jugu. U be ŋunuŋununa ne koo la. U bena to k'o kɛ fɔɔ tuma jumɛn? Ne ye Isirayɛliden nunu ŋunuŋunukan mɛn.

Rɔmukaw 2:4

Walima e te Ala ka ɲumanya dafanin n'a ka muɲuli, n'a ka timinadiyali jati foyi ye wa? K'a sɔrɔ a b'i dɛmɛ a ka ɲumanya barika la ka nimisa ka faran i ka kojugu la.

Heburuw 12:25

Min be kumana aw fɛ, aw ye jija, aw kana ban a ka kuma na. Bari fɔlɔ mɔgɔw banna Ala ka kuma fɔbaga ma, min tun b'u cɛma dugukolo kan. O la, u ma kisi ɲagwan ma. Min be to arijana na ka kuma an fɛ, n'an banna ale la, an ka ɲagwan tena tɛmɛ fɔlɔ mɔgɔw ta kan wa?

Yakuba 4:10

Aw k'aw yɛrɛ majigi Matigi ye, a bena kunkɔrɔta di aw ma.

Piy fɔlɔ 5:6

Aw k'aw yɛrɛ majigi Setigi Ala ye waasa n'aw kɔrɔtatuma sera a fɛ, a k'aw kɔrɔta.