Bɔri 10:21 - ALA KA KUMA

²¹ O kɔ, Masaba y'a fɔ Musa ye ko: «I bolo wili sanfɛ, waasa dibiba ka don Ezipiti jamana faan bɛɛ la.»

Jula NT of Côte d’Ivoire

²¹ Matigi Ala ko Musa ma tuun ko: «I ta bere mina i boro k’a kɔrɔta san fɛ, janko dibikuruba ye don Misiran jamana fan bɛɛ ra; o dibi bɛna bonya fɔ k’a kɛ i n’a fɔ mɔgɔ bɛna maga a ra.»

Bɔri 10:21 Iomraidhean Croise

Ayuba 5:14

U be talon dibi kɔnɔ tilefɛ, u be mɔmɔni kɛ dibi kɔnɔ, k'a sɔrɔ tilegwanfɛ lo.

Zaburu 105:28

A y'a kɛ dibi donna, nga u ma sɔn a ka kuma ma.

Zaburu 35:6

Mɛlɛkɛ bena u gwɛn tuma min na, u tɛmɛyɔrɔ ka kɛ dibiyɔrɔ ye min be nɔgɔnɔgɔ.

Zaburu 78:49

A y'a ka dimi n'a ka fariya yira u la. A ye cɛnnikɛmɛlɛkɛw ci k'u halaki.

Bɔri 7:19

Masaba y'a fɔ Musa ye fana ko: «A fɔ Arɔn ye ko a k'a ka bere ta k'a bolo wili Ezipiti jiyɔrɔw sanfɛ, u ka bajiw n'u ka kɔɔw n'u ka wolonkotow n'u ka jii lɔyɔrɔ bɛɛ. U bena kɛ joli ye. Joli bena kɛ Ezipiti faan bɛɛ la, hali minan yirilamanw ni kabakurulamanw kɔnɔ.»

Bɔri 9:22

O kɔ, Masaba y'a fɔ Musa ye ko: «E k'i bolo wili sanfɛ, waasa sanbɛrɛ ka ben mɔgɔw kan, ni begɛnw, ani suman sifaw bɛɛ kan forow kɔnɔ, Ezipiti jamana faan bɛɛ la.»

Zanaw 4:19

Mɔgɔjugu ka sira dibinin lo. A m'a lɔn a bena talon fɛɛn min na.

Waajurikɛbaga 2:14

Hakilitigi b'a taayɔrɔ lɔn, nga naloman kɔni be dibi la. O bɛɛ n'a ta, ne y'a ye ko koo kelen le b'u fila bɛɛ kɔnɔna.

Waajurikɛbaga 6:4

Bari deen nin woloko ma foyi ɲa, a wolola, a ma kɛnɛ ye, a tɛmɛna. A tɔgɔ fana tununa.

Ezekiyɛli 32:7

Ni ne y'i ka ɲanamaya ban tuma min na, ne bena sankolo datugu k'a kɛ lolow te manamana tugu. Ne bena tile datugu ni sankaba ye, kalo tena yeelen bɔ.

Matiyu 27:45

Tilegwangwanfɛ, dibi donna yɔrɔ bɛɛ la, fɔɔ ka taga se tile sumawaati ma.

Marika 15:33

Tilegwangwan fɛ, dibi donna yɔrɔ bɛɛ fɔɔ ka lɛrɛ saba kɛ.

Luka 23:44

Tilegwangwanfɛ, dibi donna yɔrɔ bɛɛ fɔɔ ka lɛrɛ saba kɛ.

Sariya 1:30

Ko Masaba aw ka Ala min be taga aw ɲafɛ, ale bena kɛlɛ kɛ aw nɔɔ na, i n'a fɔ a y'a kɛ aw ɲana cogo min na Ezipiti,

Sariya 28:29

Tilegwanfɛ, aw taamatɔ bena to ka mɔmɔni kɛ i n'a fɔ fiɲɛntɔ, dibi kɔnɔ. Aw ka koo si tena ɲa. Mɔgɔw bena to k'aw tɔɲɔ le, k'aw soɲa, mɔgɔ si tena na aw dɛmɛ.

Sariya 4:34

Masaba aw ka Ala ye koo min bɛɛ kɛ aw ye Ezipiti jamana na, aw y'o ye. Batofɛn wɛrɛ be yen min y'o ɲɔgɔn kɛ wa? Ka siya dɔ ta ka bɔ ni sebagaya ye siya wɛrɛ cɛma ni taamasiɲɛw ani kabakow ye, ani ka kɛlɛ kɛ, ka siranyakow kɛ.

Piy 2nan 2:17

O mɔgɔ nunu be i n'a fɔ kɔlɔnw, jii te minw kɔnɔ, ani sankabaw, fɔɲɔ be taga ni minw ye. Olu kɔni niyɔrɔ ye dibijugu ye.

Piy 2nan 2:4

Mɛlɛkɛ minw ye hakɛ kɛ, Ala ma olu yɛrɛ to, nga a y'u siri ni jɔrɔkɔw ye k'u bila dingɛba kɔnɔ dibi la ka kitilon kɔnɔ.

Zude 1:13

U kɛra i n'a fɔ jikuruw kɔgɔji kan, u ka kɛta be i n'a fɔ jii kanga min b'u maloya. U be i n'a fɔ lolo minw be bɔ sankolo la ka ben. Ala y'u mara dibiba kama min te tɛmɛ.

Zude 1:6

Mɛlɛkɛ minw ma se ka wasa u ka lɔyɔrɔw la n'u bɔra yen, Ala ye olu siri ni jɔrɔkɔ tigɛbali ye k'u mara dibi kɔnɔ sini kitiba kama.

Yirari 8:12

Naaninan y'a ta fiyɛ, tile tilan sabanan dibira, ni kalo, ani lolow. O la, yeelen bɛrɛ tun te yen tilefɛ, suu dibira kosɔbɛ.