Bɔri 10:16 - ALA KA KUMA

¹⁶ Masacɛ ye Musa ni Arɔn wele teliya la, k'a fɔ ko: «Ne ye Masaba aw ka Ala hakɛ ta, k'aw fana hakɛ ta.

Jula NT of Côte d’Ivoire

¹⁶ Farawona teliyara ka Musa ni Haruna wele, ka na a fɔ o ye ko: «Ne ka aw ta Matigi Ala hakɛ ta, ka aw fana hakɛ ta.

Bɔri 10:16 Iomraidhean Croise

Sam 2nan 19:20

k'a fɔ a ye ko: «Ne matigi, ne ka hakɛ yafa! Kan'a mara i hakili la ko i ka baaraden tun ye kojugu kɛ, masacɛ ne matigi bɔlon na Zeruzalɛmu. Masacɛ, ɲinɛ n'o ye.

Sam 2nan 24:10

Mɔgɔw jatinin kɔ, Dawuda dusu tora ka panpan. A y'a fɔ Masaba ye ko ale ye mɔgɔw jati minkɛ, k'o kɛra hakɛba ye. Ko sisan Masaba ka yafa a ka baarakɛla ma, ko bari ale ye hakilitanya baara le kɛ.

Sam 2nan 24:17

Dawuda y'a ye ko mɛlɛkɛ tun b'a la ka mɔgɔw faga jama cɛma. A y'a fɔ Masaba ye ko: «Ne le ye hakɛ kɛ, ne le filila, mɔgɔ nunu ma foyi kɛ. Ne bugɔ, ani n ka somɔgɔw.»

Bɔri 8:25

Musa ko: «Ni ne bɔra i fɛ yan dɔrɔn, ne bena Masaba daali. Sini, limɔgɔw bena bɔ masacɛ n'a ka mɔgɔbabaw, n'a ka mɔgɔw cɛma, nga i kana anw nigɛ tugu, ka ban ko mɔgɔw te taga saraka bɔ Masaba ye.»

Bɔri 8:8

Musa ni Arɔn bɔra masacɛ ka soo. Masaba ye masacɛ tɔɔrɔ ni tɔrisenjan minw ye, Musa ye Masaba daali u kosɔn.

Bɔri 9:27

Ezipiti masacɛ ye Musa ni Arɔn wele k'a fɔ u ye ko: «Sisan, ne ye hakɛ kɛ. Tiɲɛ be Masaba fɛ, ne ni n ka mɔgɔw le filila.

Zanaw 28:13

Mɔgɔ min te lɔ a ka kojugu kɛnin na, o ka koo te ɲa. Nga min be lɔ a ta la, ani ka nimisa u la, Ala be makari ale la.

Jateri 21:7

Jama nana Musa fɛ k'a fɔ ko: «An ye kumajugu fɔ e ni Masaba ma tuma min na, an ye hakɛ kɛ. I ka Masaba daali ko a ka saa nunu bɔ an cɛma.» Musa ye Masaba daali jama ye.

Jateri 22:34

Balamu y'a fɔ Masaba ka mɛlɛkɛ ye ko: «Ne ye hakɛ kɛ. Ne tun m'a lɔn ko i lɔnin be sira kan ka ne ɲaa tigɛ. Sisan, ni taga nin man d'i ye, ne bena kɔsegi.»

Matiyu 27:4

k'a fɔ u ye ko: «Ne ye hakɛ kɛ ka mɔgɔ jalakibali don aw bolo n'a bena faga.» Olu y'a jaabi ko: «O te an ka sira la, o y'i ka koo ye.»

Sam fɔlɔ 15:24

Sayuli y'a fɔ Samuyɛli ye ko: «Ne ye hakɛ kɛ, ne ye Masaba ka sariya cɛn, ne m'a ka kuma bato. Ne tun siranna jama ɲa ka mɛnni kɛ u fɛ.

Sam fɔlɔ 15:30

Sayuli y'a fɔ tugu ko ale ye hakɛ kɛ, ko sisan ale b'a daali, a k'ale boɲa a ka siya cɛkɔrɔbaw ni Isirayɛliden tɔw ɲana, ko a ka kɔsegi ka na u be taga ɲɔgɔn fɛ, ale be Masaba a ka Ala bato.

Sam fɔlɔ 26:21

Sayuli y'a fɔ a ye ko: «Ne ye hakɛ kɛ. Ne dencɛ Dawuda, segi ka na. Ne tena i hakɛ ta tugu, bari bii i ye ne nii bɔko jati koba ye. Ne ye nalomanyabaara le kɛ, ne filila kosɔbɛ.»