Bɔri 1:7 - ALA KA KUMA

⁷ Isirayɛlidenw nana caya, ka caya, u tora ka buguya ani ka fanga sɔrɔ. U ye jamana fa.

Jula NT of Côte d’Ivoire

⁷ Izirayɛlimɔgɔw ka den caman sɔrɔ. O cayara minkɛ, dɔ ka kɛ fara ye o ta fanga kan fana lon o lon. A kɛra ten minkɛ, Misiran jamana fara Izirayɛlimɔgɔw ra.

Bɔri 1:7 Iomraidhean Croise

Damina 1:20

Ala ko: «Nimanfɛn ka kɛ jii kɔnɔ caaman yɔrɔ bɛɛ, ani kɔnɔw ka to ka van sanfɛ.»

Damina 1:28

Ala ye barika don u la k'a fɔ u ye ko: «Aw ka deenw wolo ka caya ka dugukolo fa k'a kolo. Aw ka kɛ jigɛw, ni kɔnɔw, ni fɛɛn ɲanamanw bɛɛ kunna, minw be yaala dugukolo kan.»

Damina 12:2

Ne bena i kɛ siya dɔ faa ye, min bena caya, ne bena hɛrɛ kɛ i ye, k'i tɔgɔ boɲa. Mɔgɔw bena hɛrɛ sɔrɔ i barika la.

Damina 13:16

Ne bena i kɔmɔgɔ caya i n'a fɔ cɛncɛn fɔɔ u te se ka jati, i n'a fɔ cɛncɛn te se ka jati cogo min na.

Damina 15:5

A bɔra ni Abramu ye kɛnɛma k'a fɔ a ye ko: «Sankolo filɛ, lolow jati, i be se k'u jati wa? I kɔmɔgɔw bena caya ten.»

Damina 17:16

Ne bena barika don a la, i bena dencɛ sɔrɔ n'a ye. Ne bena barika don a la janko a ka kɛ siya caaman bamuso ye. Siyaw ka masacɛ dɔw bena bɔ a la.»

Damina 22:17

ko ne kɔni bena hɛrɛ kɛ i ye k'i kɔmɔgɔw caya i n'a fɔ lolow ni kɔgɔjida la cɛncɛn. I kɔmɔgɔw bena u juguw ka duguw minɛ k'a kɛ u yɛrɛ ta ye.

Damina 26:22

A bɔra o yɔrɔ la ka taga kɔlɔn wɛrɛ sogi. Kɛlɛ ma kɛ o kama. A y'o tɔgɔ la Erewobɔti, bari a ko: «Masaba ye yɔrɔ d'an ma sisan, janko an ka koo ka yiriwa jamana kɔnɔ.»

Damina 26:4

Ne bena i kɔmɔgɔw caya i n'a fɔ lolow, ka mara nunu bɛɛ di u ma. Dugukolo kan siyaw bɛɛ bena hɛrɛ sɔrɔ i kɔmɔgɔw barika la

Damina 28:14

I kɔmɔgɔw bena caya i n'a fɔ cɛncɛn, u bena jɛnsɛn ka taga kɔrɔn ni tileben fɛ, ani kɔgɔdugu ni worodugu ɲafan fɛ. Dugukolo kan siyaw bɛɛ bena hɛrɛ sɔrɔ e, n'i kɔmɔgɔw barika la.

Damina 35:11

Ala y'a fɔ a ye ko: «Ne ye Setigi Ala ye. Ne bena deen caaman d'i ma, k'i kɔmɔgɔw caya. I bena kɛ siya faa ye, i yɛrɛ bena kɛ siya caaman faa ye. Masacɛw bena bɔ i kɔmɔgɔw la.

Damina 46:3

Ala ko: «Ne ye Ala ye, i faa ka Ala. I kana siran ka taga Ezipiti jamana na, bari n bena i kɛ siya dɔ faa ye, min bena caya o yɔrɔ la.

Damina 47:27

Isirayɛlidenw tora Gosɛn mara la Ezipiti jamana na. U ye deenw sɔrɔ ka caya kosɔbɛ, o yɔrɔ nana kɛ u ta ye.

Damina 48:16

mɛlɛkɛ min ye ne kisi kojugu bɛɛ ma, ale ka hɛrɛ kɛ deen nunu ye. Ala k'a to u ka kɛ sababu ye ne tɔgɔ kana tunu. U ka kɛ sababu ye fana, ne mamacɛ Ibrayima ni ne faa Isiyaka tɔgɔw kana tunu. U kɔmɔgɔw ka caya kosɔbɛ dugukolo kan.»

Damina 48:4

A y'a fɔ ne ye ko a bena deenw di ne ma, ka ne kɔmɔgɔw caya kosɔbɛ ka ne kɛ siya caaman faa ye. Ko a bena jamana nin di ne kɔmɔgɔw ma, a ka kɛ olu ta ye kudayi.

Damina 9:1

Ala ye hɛrɛ kɛ Nuhun n'a dencɛw ye, k'a fɔ u ye ko: «Aw ka deenw wolo ka caya ka dugukolo fa.

Nehemi 9:23

I y'u deenw caya kosɔbɛ i n'a fɔ lolow, i tun y'a fɔ u faaw ye ko u ka taga jamana min minɛ, i y'a kɛ u sera ka don o yɔrɔ la.

Zaburu 105:24

Masaba y'a kɛ a ka jama jidira kosɔbɛ, a fana y'u barika boɲa ka tɛmɛ u juguw kan.

Zaburu 107:38

Masaba y'u ta ɲa, u cayara kosɔbɛ. Foyi te bɔ u ka begɛn na fana.

Bɔri 1:12

Nga tuma min na u tora ka dɔ fara Isirayɛlidenw ka tɔɔrɔ kan, olu fana tora ka caya, ka yɛrɛkɛ ka tɛmɛ fɔlɔta kan fɔɔ Ezipitikaw nana siran u ɲa.

Bɔri 12:37

Isirayɛlidenw bɔra Aramusɛsi ka taga se Sukɔti. U tun be cɛɛ waa kɛmɛ wɔɔrɔ (600 000) bɔ, musow ni denmisɛnw ma jati.

Bɔri 5:5

Masacɛ y'a fɔ tugu ko: «Jama nin cayara jamana kɔnɔ sisan, aw b'a fɛ u ka baara dabila.»

Ezekiyɛli 16:7

Ne ye n janto i la, i ye barika sɔrɔ. I boɲana ka kɔgɔ ka kɛ sunguru cɛɲuman ye kosɔbɛ. I siin fara, i sera furu ma yɛrɛ, nga i fari lakolon tun lo.

Kɛwalew 13:17

Ala y'an zuwifuw bɛmaw koo diya a yɛrɛ ye. A y'a kɛ u cayara Ezipiti jamana na. O kɔ, a y'a ka setigiya yira, a y'an bɛmaw bɔ o yɔrɔ la.

Sariya 10:22

Tuma min na aw bɛmaw tun be tagara Ezipiti, u tun ye mɔgɔ bi wolonwula ye dɔrɔn, nga sisan, Masaba aw ka Ala y'aw caya i n'a fɔ lolow.

Sariya 26:5

«O kɔ, aw ben'a fɔ Masaba aw ka Ala ɲakɔrɔ ko: ‹Ne bɛmacɛ tun ye Aramuka ye, a tun be yaala. A tagara Ezipiti ni mɔgɔ damani ye, ka sigi yen. U kɛra siyaba barikaman ye, u tun ka ca.