Ɛsitɛri 9:3 - ALA KA KUMA

³ Masacɛ ka mara bɛɛ kuntigiw n'a ka dakɔrɔsigiw, n'a ka lasigidenw, n'a ka baarakɛlaw tun be zuwifuw dɛmɛ, bari u tun be siran Maridose ɲa kosɔbɛ.

Jula NT of Côte d’Ivoire

³ Jamana maraw ta ɲamɔgɔw, ani a fagamaw, ani a jamanatigiw, ani masacɛ ta jamana kuntigiw, olugu ka Yahudiyaw dɛmɛ, sabu Maridose ɲasiran tun ka o bɛɛ mina.

Ɛsitɛri 9:3 Iomraidhean Croise

Ɛsidarasi 2:2

U kɔsegira n'u ɲamɔgɔw ye: Zorobabɛli, ani Zozuwe, ni Neemiya, ani Seraya, ni Ereelaya ani Maridose, ni Bilisan, ani Misipari, ni Bigiwayi, ani Ereyumu, ni Baana ye. Olu jɛnkulu mɔgɔ cɛmanw daa filɛ nin ye:

Ɛsidarasi 8:36

U ye masacɛ ka cii d'a ka marakuntigiw, n'a ka lasigidenw ma, minw be baji kɔfɛ, olu ye jama dɛmɛ Ala ka soo lɔko la.

Ɛsitɛri 3:12

U ye masacɛ ka sɛbɛnnikɛlaw wele kalo fɔlɔ nin tile tan ni sabanan loon. Olu ye sɛbɛ nunu sɛbɛn, ka kɛɲɛ ni Aman ka fɔta bɛɛ ye, k'u ci masacɛ ka dakɔrɔsigiw, n'a ka maraw kɔnɔ lasigidenw bɛɛ, ani siyaw bɛɛ kuntigiw ma, ka kɛɲɛ ni mara bɛɛ ka siyakan sɛbɛncogo ye. Sɛbɛ nunu sɛbɛnna ni masacɛ Sɛrisɛsi tɔgɔ ye k'a ka bololanigɛ kɛ ka taamasiɲɛ la u kan.

Ɛsitɛri 8:17

Masacɛ ka cii sera mara o mara kɔnɔ, dugu o dugu kɔnɔ, o yɔrɔ zuwifuw tun nisɔndiyara kosɔbɛ, ka ɲanagwɛ, ka dumuni kɛ ɲɔgɔn fɛ. Jamana kɔnɔ siya wɛrɛ caaman y'u yɛrɛ yɛlɛma ka kɛ zuwifuw ye, bari u tun be siran u ɲa.

Ɛsitɛri 8:5

k'a fɔ a ye ko: «Masacɛ, n'i be sɔn, ni ne koo ka d'i ye, n'i y'a ye ko koo nin ka ɲi, ani ko ne koo ka d'i ye sɔbɛ la, a to u be sɛbɛ dɔ sɛbɛn min b'a yira ko Agagi kɔmɔgɔ Amedata dencɛ Aman ka bataki kɔnɔnako daa fagara, a tun ye min latigɛ k'a sɛbɛn janko u k'i ka maraw bɛɛ kɔnɔ zuwifuw faga.

Ɛsitɛri 8:9

O waati yɛrɛ la, u ye masacɛ ka sɛbɛnnikɛlaw wele. U ye batakiw sɛbɛn, ka kɛɲɛ ni Maridose ka fɔta bɛɛ ye, saan nin kalo sabanan tile mugan ni saba loon, min ye *Siwan kalo ye, k'u ci zuwifuw ni masacɛ ka dakɔrɔsigiw ma, ni masacɛ ka lasigidenw, an'a ka mara kɛmɛ ni mugan ni wolonwula kuntigiw ma, k'a ta Ɛndi jamana na fɔɔ ka ta'a bila Etiyopi jamana na. U y'a sɛbɛn ka kɛɲɛ ni mara kelen kelen bɛɛ ka siyakan n'u ka sɛbɛnni kɛcogo ye, ka zuwifuw ta sɛbɛn ka kɛɲɛ n'u ka kaan sɛbɛncogo ye fana.

Daniyɛli 3:2

O kɔ, a ye cii bila ka marakuntigiw wele ni dugutigiw, ani cinɲamɔgɔw, ni ladilikɛbagaw ni warimarabagaw, ani sariyalɔnbagaw, ni kititigɛlaw ani jamana kɔnɔ ɲamɔgɔ tɔw bɛɛ, k'u ka na jaa nin dilanko ɲanagwɛ kɛ.