Ɛsitɛri 7:3 - ALA KA KUMA

³ O tuma na, a y'a fɔ masacɛ ye ko: «Ni ne koo ka di ele masacɛ ye, n'i be sɔn ka ne nii kisi, ani ne ka siya fana, o le ye ne ka ɲinifɛn ye masacɛ fɛ ani n ka daalili.

Jula NT of Côte d’Ivoire

³ Masamuso Ɛsitɛri k’a jaabi ko: «E, masacɛ, ni ne ko diyara i ye, ni ele masacɛ sɔnna, sabari i ye ne nin kisi. Ne bɛ o le fɛ. Ne ta mɔgɔw bɔsi! Ne ta daariri ye o le ye;

Ɛsitɛri 7:3 Iomraidhean Croise

Mas fɔlɔ 20:31

Bɛnadadi ka dakɔrɔsigiw y'a fɔ a ye ko: «An y'a mɛn ko Isirayɛli mara masacɛw be makari. O la, a to an be dusukasifaniw ta k'o siri an cɛɛ la, ani ka juruw kɛ k'an kuun siri, ka bɔ ka taga Isirayɛli mara masacɛ nin fɛ. N'a sɔrɔ a bena i to, a tena i faga.»

Mas 2nan 1:13

O kɔ, masacɛ ye kɛlɛden mɔgɔ bi duuru n'u kuntigi wɛrɛ ci a siɲɛ sabanan na. O kuntigi sabanan nin tagara se dɔrɔn, a y'a kunbiri gwan Eli ɲakɔrɔ k'a daali ko: «Ala ka mɔgɔ, sabali, n b'i daali, ne n'i ka baaraden mɔgɔ bi duuru nunu nii kisi!

Ɛsitɛri 4:8

U fagako min tun fɔra Suzi dugu kɔnɔ, a y'o sɛbɛ dɔ di Ataki ma, janko a ka taga o yira Ɛsitɛri la k'a ɲafɔ a ye. A y'a ɲini Ɛsitɛri fɛ ko a ka taga masacɛ fɛ k'a daali ko a ka sabali ka makari a ka siya la.

Ɛsitɛri 5:8

Ni ne koo ka di masacɛ ye, n'a be sɔn ne ka daali ma, ka ne ka laɲini kɛ n ye, masacɛ ni Aman ka kɔsegi ka na sini tugu ne ka dumuni labɛn aw ye. Ne bena masacɛ jaabi sini.»

Ɛsitɛri 7:7

Masacɛ dimininba wilila ka bɔ dumunikɛyɔrɔ la ka ta'a ka nankɔ kɔnɔ. Aman tora yen ko a be masacɛ ka muso Ɛsitɛri daali janko u kan'a faga, bari a tun y'a ye ko ale fagako le be masacɛ kɔnɔ ka ban.

Ɛsitɛri 8:5

k'a fɔ a ye ko: «Masacɛ, n'i be sɔn, ni ne koo ka d'i ye, n'i y'a ye ko koo nin ka ɲi, ani ko ne koo ka d'i ye sɔbɛ la, a to u be sɛbɛ dɔ sɛbɛn min b'a yira ko Agagi kɔmɔgɔ Amedata dencɛ Aman ka bataki kɔnɔnako daa fagara, a tun ye min latigɛ k'a sɛbɛn janko u k'i ka maraw bɛɛ kɔnɔ zuwifuw faga.

Ayuba 2:4

Sutana y'a fɔ Masaba ye ko: «Farisogo kɔni ye farisogo ye. Adamaden b'a bololafɛn bɛɛ kɛ k'a nii kisi le.

Yeremi 38:26

I bena u jaabi ko: ‹Ne ye masacɛ daali ko a kana n bila ka taga Yonatan ka soo, n'o tɛ, n bena sa yen.› »