Ɛsitɛri 4:3 - ALA KA KUMA

³ Masacɛ ka cii ser'a ka mara o mara kɔnɔ, o yɔrɔ zuwifuw tun be makari la. U tun be to ka suun don, ka kasi kosɔbɛ. U caaman tun be to ka dusukasifaniw don ka la bugurigwɛ la.

Jula NT of Côte d’Ivoire

³ Masacɛ ta cira ni a ta sɛbɛ sera mara o mara ra, a kɛra ɲanasisiba le ye o yɔrɔ Yahudiyaw fɛ. O ka sun don, ka kasi, ka maɲumankokanw fɔ. O caman lara bɔrɔfaniw kan bugurigbɛ ra.

Ɛsitɛri 4:3 Iomraidhean Croise

Ɛsitɛri 1:1

Masacɛ Sɛrisɛsi min tun be mara kɛmɛ ni mugan ni wolonwula kunna, k'a ta Ɛndi jamana na fɔɔ ka ta'a bila Etiyopi jamana na, koo nin tun kɛra ale lo ka tile la.

Ɛsitɛri 3:12

U ye masacɛ ka sɛbɛnnikɛlaw wele kalo fɔlɔ nin tile tan ni sabanan loon. Olu ye sɛbɛ nunu sɛbɛn, ka kɛɲɛ ni Aman ka fɔta bɛɛ ye, k'u ci masacɛ ka dakɔrɔsigiw, n'a ka maraw kɔnɔ lasigidenw bɛɛ, ani siyaw bɛɛ kuntigiw ma, ka kɛɲɛ ni mara bɛɛ ka siyakan sɛbɛncogo ye. Sɛbɛ nunu sɛbɛnna ni masacɛ Sɛrisɛsi tɔgɔ ye k'a ka bololanigɛ kɛ ka taamasiɲɛ la u kan.

Ɛsitɛri 4:16

«Taga Suzi dugu kɔnɔ zuwifuw bɛɛ lajɛn. Aw ka suun don ne kama. Aw kana dumuni kɛ, aw kana minni kɛ tile saba kɔnɔ, suu fara tile kan. Ne fana bena suun don ni n ka baaraden musomanw ye, o kɔ, ne bena don masacɛ fɛ, hali n'o sariya nin be yen. N sara wo, n ma sa wo, o bɛɛ ka kan.»

Ɛsitɛri 4:2

A tagara se masacɛ ka luu daa la ka lɔ, bari a tun latigɛra ko dusukasifani be mɔgɔ min kaan na, o tigi man kan ka don yen.

Ɛsitɛri 4:4

Ɛsitɛri ka baaraden musomanw, ni masacɛ ka muso kɔlɔsibagaw donna k'o fɔ Ɛsitɛri ye. A hakili ɲagamina kosɔbɛ, a ye fani di k'u ka taga di Maridose ma janko a ka dusukasifani bɔ a kaan na, nga Maridose ma sɔn.

Ɛsitɛri 9:31

U cira janko Purimu ɲanagwɛlon nunu kɛwaati ka yira, ka kɛɲɛ ni zuwifucɛ Maridose ni masacɛ ka muso Ɛsitɛri ka koo latigɛli ye. U ye min latigɛ u yɛrɛw ye n'u deenw ye, u bena suun don ka kasi loon minw na.

Ayuba 2:8

Zɔbu tun be tɛgɛnɛkolon kɛ k'a yɛrɛ siɲɛ n'a ye, ani ka to ka sigi bugurigwɛ kɔnɔ.

Ezayi 22:12

O loon na, Matigi, Masaba, Setigi y'aw wele ko aw ka kasi kosɔbɛ, k'aw kuun li, ka dusukasifani don aw kaan na.

Ezayi 22:4

Ayiwa, sisan, aw ye ne to, n be kasi kosɔbɛ. Aw kana aw yɛrɛ sigɛn ka ne dusu saalo ne ka mɔgɔw halakiko la.

Ezayi 58:5

Yala, o sundoncogo lo ka di ne ye wa? Loon min na mɔgɔ b'a yɛrɛ majigi, k'a kuun biri duguma i ko biin, ka dusukasifani don, ka la bugurigwɛ kɔnɔ. Aw b'o le wele ko suun wa? K'o ye loon ye min ka di ne Masaba ye!

Ezekiyɛli 27:30

U bena kule ka kasi kosɔbɛ i kosɔn. U bena buguri seriseri u kuun na ka kolonkolon bugurigwɛ la.

Daniyɛli 9:3

O la, ne ye suun don ka dusukasifani don, ka bugurigwɛ kɛ n yɛrɛ kan, ka n ɲaa sin Matigi Ala ma k'a daali kosɔbɛ.

Yunusu 3:6

O kibaru sera Ninivu masacɛ ma tuma min na, a wilila ka bɔ a ka masasigilan kan k'a ka fani bɔ ka dusukasifani don ka taga sigi bugurigwɛ kɔnɔ,

Matiyu 13:42

Mɛlɛkɛw bena o mɔgɔjugu nunu fili tasuma kɔnɔ. U bena kasi ka kule yen.

Matiyu 22:13

Masacɛ y'a fɔ a ka baaradenw ye ko: ‹Aw k'a seen n'a bolow siri, k'a ta k'a fili kɛnɛma dibi la. A bena kasi ka kule yen.›

Matiyu 25:30

Baaradenjugu nin kɔni, aw y'ale minɛ k'a fili kɛnɛma dibi la. A bena kasi ka kule yen.›

Yosuwe 7:6

O la, Zozuwe y'a ka faniw faran k'a kunbiri gwan, k'a ɲaa biri duguma Masaba ka layidu taamasiɲɛ kɛsu ɲafɛ, fɔɔ ka taga se wulafɛ ma, ale ni Isirayɛli cɛkɔrɔbaw, u ye buguri kɛ u yɛrɛ kuun na.

Sam fɔlɔ 11:4

Ciden nunu sera Sayuli ka dugu Gibeya kɔnɔ ka kuma nin fɔ jama ye. Jama bɛɛ kasira kosɔbɛ.