Ɛsitɛri 3:12 - ALA KA KUMA

¹² U ye masacɛ ka sɛbɛnnikɛlaw wele kalo fɔlɔ nin tile tan ni sabanan loon. Olu ye sɛbɛ nunu sɛbɛn, ka kɛɲɛ ni Aman ka fɔta bɛɛ ye, k'u ci masacɛ ka dakɔrɔsigiw, n'a ka maraw kɔnɔ lasigidenw bɛɛ, ani siyaw bɛɛ kuntigiw ma, ka kɛɲɛ ni mara bɛɛ ka siyakan sɛbɛncogo ye. Sɛbɛ nunu sɛbɛnna ni masacɛ Sɛrisɛsi tɔgɔ ye k'a ka bololanigɛ kɛ ka taamasiɲɛ la u kan.

Jula NT of Côte d’Ivoire

¹² San karo fɔlɔ tere tan ni saba, o ka masacɛ ta sɛbɛrikɛbagaw wele. Olugu ka Haman ta ciw bɛɛ sɛbɛ k’a ci masacɛ ta fagamaw ma, ani jamanatigiw, ani siyaw bɛɛ ta ɲamɔgɔw ma. O ka mara bɛɛ kelen kelen ta sɛbɛ o ta sɛbɛrikɛcogo ra, ani o ta mɔgɔw ta kan na. O tun k’a sɛbɛ masacɛ Sɛrisɛsi yɛrɛ tɔgɔ le ra, k’a yɛrɛ ta tagamasiyɛn sigi a kan.

Ɛsitɛri 3:12 Iomraidhean Croise

Mas fɔlɔ 21:8

A ye batakiw sɛbɛn ni Akabu tɔgɔ ye, ka Akabu ka taamasiɲɛ la u kan, k'o ci Nabɔti ka dugu cɛkɔrɔbaw n'a ɲamɔgɔw ma.

Ɛsidarasi 8:36

U ye masacɛ ka cii d'a ka marakuntigiw, n'a ka lasigidenw ma, minw be baji kɔfɛ, olu ye jama dɛmɛ Ala ka soo lɔko la.

Ɛsitɛri 1:22

A ye batakiw ci a ka maraw bɛɛ la, ka kɛɲɛ ni siyakanw bɛɛ ka sɛbɛncogo ye maraw kɔnɔ. A tun fɔra o batakiw kɔnɔ ko cɛɛw le ka kan ka kɛ u ka soo kuntigi ye, ani a ka siyakan le ka kan ka fɔ a ka soo.

Ɛsitɛri 3:11

k'a fɔ a ye ko: «To n'i ka wari ye, siya nin fana b'i bolo. Fɛɛn min ka d'i ye, i k'o kɛ n'u ye.»

Ɛsitɛri 8:2

Masacɛ tun y'a ka bololanigɛ min di Aman ma ka sɔrɔ k'a minɛ a fɛ, a y'o bɔ k'a di Maridose ma. Ɛsitɛri fana ye Maridose sigi Aman ka soo kunna.

Ɛsitɛri 9:27

Zuwifuw y'a latigɛ u ni u kɔmɔgɔw ye, ani mɔgɔ minw tugura u kɔ, k'u bena to k'o loon fila nunu bato saan o saan o waati kelen na, ka kɛɲɛ ni min fɔr'a kɛcogo la.

Daniyɛli 3:10

Masa, e le tun m'a fɔ ko mɔgɔ o mɔgɔ mana buru kaan mɛn, ka filejan, ni gɔni, ani kolonjo, ni soku, ni filesurun ani fɔliminan sifa bɛɛ kaan mɛn tuma min na, a ka biri ka jaa sanulaman nin bato wa?

Daniyɛli 6:12

Mɔgɔ nunu girinna ka taga Daniyɛli fɛ k'a sɔrɔ daalili la, n'a be dɛmɛ ɲinina a ka Ala fɛ.

Daniyɛli 6:15

Masacɛ y'o kuma nin mɛn tuma min na, a dusu kasira kosɔbɛ. A ko ale bena Daniyɛli kisi, a tora o miiri la furututu fɔɔ tilekun tagara don.

Daniyɛli 6:25

O tuma na, masacɛ y'a fɔ ko mɔgɔ minw tun ye Daniyɛli jalaki, k'u ka na n'u ye k'u fili jaraw fɛ dingɛ nin kɔnɔ, olu n'u ka musow n'u deenw. U y'u fili dingɛ kɔnɔ, sanni u ka se dingɛ daan na, jaraw girinna u kan k'u kolow karikari.

Daniyɛli 6:8

Jamana ɲamɔgɔw bɛɛ, dugutigiw, ni marakuntigiw, ani ladibagaw ani cinɲamɔgɔw, bɛɛ ye ɲɔgɔnye kɛ ka bɛn a la ko e masacɛ ka sariya sigi ko tile bi saba kɔnɔ, ni mɔgɔ o mɔgɔ ye fɛɛn wɛrɛ bato, walima ka mɔgɔ dɔ bato min be danna ele masacɛ la, k'o tigi bena fili jaraw fɛ u ka dingɛ kɔnɔ. Ko i ka mɔgɔw wajibiya k'o bato.