Ɛsitɛri 3:1 - ALA KA KUMA

¹ O koow tɛmɛnin kɔ, masacɛ Sɛrisɛsi ye Agagi kɔmɔgɔ Amedata dencɛ Aman minɛ k'a sigi kuntigiya la a ka ɲamɔgɔw bɛɛ kunna.

Jula NT of Côte d’Ivoire

¹ Ayiwa, o kow kɔ fɛ, Hamedata min tun ye Agagi ta mɔgɔ dɔ ye, masacɛ Sɛrisɛsi ka ale dencɛ Haman bonya. A k’a kɔrɔta k’a sigi kuntigi tɔw bɛɛ kunna.

Ɛsitɛri 3:1 Iomraidhean Croise

Damina 41:40

Ne b'i sigi ne ka soo kunna. Jamanadenw bɛɛ bena mɛnni kɛ i fɛ, ne ka masasigilan dama le bena ne ni ele daan bɔ ɲɔgɔn na.»

Damina 41:55

Kɔngɔ fana nana se Ezipiti yɔrɔ bɛɛ la tuma min na, jamanadenw kasira Ezipiti masacɛ nɔɔ fɛ janko a ka dumuni d'u ma. Masacɛ y'a fɔ u bɛɛ ye k'u ka taga Yusufu fɛ, ko n'a ye fɛɛn min fɔ u ye, u k'o kɛ.

Ɛsidarasi 7:14

Ne ni n ladibaga mɔgɔ wolonwula nunu b'i ci janko i ka taga kɔlɔsili kɛ Zuda mara, ni Zeruzalɛmu, ka kɛɲɛ n'i ka Ala ka sariya ye, min b'i bolo.

Ɛsitɛri 1:14

Koɲanabagaw tun ye Karisena ni Setari ani Adimata ni Tarisisi ani Mɛrɛsi ni Marisena, ani Memukan ye, olu ye Pɛrɛsi ni Mɛdi ka ɲamɔgɔ wolonwula ye, olu le tun tuguni be masacɛ kɔ, n'u be se k'a ye.

Ɛsitɛri 3:10

O la, masacɛ y'a ka bololanigɛ bɔ k'a di Agagi kɔmɔgɔ Amedata dencɛ Aman ma, min ye zuwifuw jugu ye,

Ɛsitɛri 5:11

Aman y'a daminɛ k'a ka nafoloba, n'a deenw ka caya koo fɔ u ye. Masacɛ ye boɲa min la a kan, n'a kɛra masacɛ ka baara kuntigi, ni baaradenw bɛɛ kuntigi ye cogo min na, a y'o bɛɛ fɔ u ye.

Ɛsitɛri 7:6

Ɛsitɛri y'a fɔ k'o cɛnnikɛbaga nin n'o jugu nin ye Aman ye, mɔgɔjugu nin! Siranya ye Aman minɛ k'a to masacɛ n'a ka muso ɲakɔrɔ.

Ɛsitɛri 8:3

O kɔ, Ɛsitɛri tagar'a kunbiri gwan masacɛ ɲakɔrɔ ka kuma a fɛ tugu. A tun be kasira k'a daali ko a k'a to Agagi kɔmɔgɔ Aman ye baarajugu min ŋaniya zuwifuw kama, o ka dabila.

Zaburu 12:8

Ee, Masaba! An mara. An tanga o mɔgɔ sugu ɲɔgɔn ma tuma bɛɛ.

Zanaw 29:2

Ni mɔgɔtilenninw be fanga la, fasodenw be nisɔndiya. Nga ni mɔgɔjugu lo, fasodenw be ŋunan.

Waajurikɛbaga 10:6

Lɔyɔrɔɲuman be di naloman ma, k'a sɔrɔ mɔgɔ minw ka kan ka jati, olu be to kɔfɛ.

Daniyɛli 6:2

Dariyusi y'a ye ko a ka ɲi a be marakuntigiw sigi jamana kɔnɔ yɔrɔ bɛɛ la, o la, a ye mɔgɔ kɛmɛ ni mugan sigi,

Jateri 24:7

U ka jibɔyɔrɔw fanin be, u ka sumanw bena jii sɔrɔ kosɔbɛ. U ka masacɛ bena tɛmɛ Agagi kan, u ka masaya bena barika sɔrɔ.

Sam fɔlɔ 15:33

Samuyɛli y'a fɔ a ye ko: «I y'i ka murujan kɛ ka musow bɔnɔ u deenw na cogo min na, o cogo kelen na i bamuso fana bena bɔnɔ a deen na.» O kɔ, a y'a faga Masaba ɲakɔrɔ Giligali.

Sam fɔlɔ 15:8

A ye amalɛkiw ka masacɛ Agagi minɛ ka mɔgɔ bɛɛ halaki pewu ni murujan ye.