Ɛsitɛri 2:7 - ALA KA KUMA

⁷ A facɛfitini denmuso Adasa, min ye Ɛsitɛri ye, tun b'a fɛ lamɔ na, bari a faa n'a baa tun te yen. Sunguru nin tun cɛɛ ka ɲi kosɔbɛ, a filɛ tun ka di. A facɛ n'a bamuso tun sara tuma min na, Maridose y'a ta k'a kɛ a ka lamɔden ye.

Jula NT of Côte d’Ivoire

⁷ Maridose le tun ka Hadasa lamɔ, Hadasa min bɛ wele fana ko Ɛsitɛri. A belencɛ denmuso tun lo. Ɛsitɛri facɛ ni a bamuso tun sara. A facɛ ni a bamuso sanin kɔ, Maridose tun k’a kɛ a yɛrɛ denmuso ye. A tun cɛ ka ɲi kosɛbɛ.

Ɛsitɛri 2:7 Iomraidhean Croise

Damina 48:5

Ayiwa, sisan i dencɛ fila minw wolola Ezipiti jamana na sanni ne ka na i fɛ yan, olu bena jati ne taw ye. Efarayimu ni Manase bena kɛ ne taw ye i n'a fɔ Urubɛn ni Simeyɔn.

Ɛsitɛri 1:11

u ka ta'a ka muso Vasiti wele ka na n'a ka masaya fugulan ye a kuun na, janko k'a ka cɛɲa yira mɔgɔbabaw ni jama la bari a tun cɛɛ ka ɲi kosɔbɛ.

Ɛsitɛri 2:15

Maridose facɛfitini Abiyayili denmuso Ɛsitɛri, Maridose tun ye min lamɔ, ale taalon sera masacɛ ka soo kɔnɔ tuma min na, masacɛ ka sunguruw kɔlɔsibaga Ege tun ye min fɔ a ye, a ma fɛɛn wɛrɛ daali o kɔ. Ɛsitɛri koo diyar'a yebagaw bɛɛ ye.

Ɛsitɛri 2:20

Ɛsitɛri tun ma sɔn k'a ka siya n'a ka mɔgɔw yira fɔlɔ, bari Maridose tun ye kangari la a ye o kama. A tun tora o kantigiya la i n'a fɔ a tun be to k'a kɛ cogo min na k'a to Maridose bolo.

Ɛsitɛri 8:1

O loon kelen yɛrɛ la, masacɛ Sɛrisɛsi ye Aman ka soo bɛɛ di a ka muso Ɛsitɛri ma, Aman min tun kɛra zuwifuw jugu ye. O loon yɛrɛ la fana, Maridose tagara to masacɛ kɔrɔ, bari Ɛsitɛri tun y'a fɔ ko Maridose ye ale ka mɔgɔ dɔ ye.

Ayuba 31:17

ne ma n ka dumuni kɛ n kelen, ni n ma falatɔ sɔn.

Ayuba 31:18

Ne tun ye falatɔ faa ye kabini n denmisɛn tuma, ne kɔrɔbayara firiyamuso dɛmɛ na.

Kor 2nan 6:18

Matigi, min ye Setigi ye, ale tun y'a fɔ ko ale bena kɛ aw Faa ye, aw fana bena kɛ a dencɛw n'a denmusow ye.

Ɛfɛsikaw 6:4

Wolobagaw, aw fana, aw kana fariya aw deenw ma fɔɔ u be muruti, nga aw k'u kolo k'u ladi, ani k'u kalan ka kɛɲɛ ni Matigi sago ye.

Zan fɔlɔ 3:1

Aw m'a ye an koo diyara Faa Ala ye cogo min na wa, fɔɔ an be wele yɛrɛ ko Ala deenw. An ye Ala deenw ye tiɲɛ na! O kama, Ala juguw t'an lɔn, bari u te Ala lɔn.