Ɛsitɛri 2:5 - ALA KA KUMA

⁵ O y'a sɔrɔ cɛɛ dɔ tun be Suzi, min ye masadugu ye, zuwifu tun lo. A tɔgɔ ko Maridose, a facɛ tun ye Yayiri ye, ale fana faa tun ye Simeyi ye, Simeyi faa tun ye Kisi ye. Bɛnzamɛn kɔmɔgɔ tun lo.

Jula NT of Côte d’Ivoire

⁵ Ayiwa, Yahudiyacɛ dɔ tun bɛ Suzi masadugu kɔnɔ, min tɔgɔ tun ye ko Maridose. A facɛ tɔgɔ tun ye ko Yahiri, Yahiri facɛ tun ye Simɛyi ye, Simɛyi facɛ tun ye Kisi ye. O tun bɛ bɔ Boniyaminu ta gba le ra.

Ɛsitɛri 2:5 Iomraidhean Croise

Sam 2nan 16:5

Masacɛ Dawuda sera Bawurimu tuma min na, Sayuli ka fadenyabolo mɔgɔ dɔ bɔra o yɔrɔ la. A tɔgɔ tun ko Simeyi, Gera dencɛ tun lo. A tun be Dawuda dangara.

Mas 2nan 24:12

O la, Zuda mara masacɛ Yoyakin bɔra dugu kɔnɔ n'a bamuso, n'a ka dakɔrɔsigiw, n'a ka ɲamɔgɔw, n'a ka kɛlɛkuntigiw, k'a yɛrɛ d'a ma. Babilɔni masacɛ y'a minɛ ale ka masaya saan seeginan na.

Mas 2nan 24:15

A ye masacɛ Yoyakin minɛ ka taga n'a ye Babilɔni. A ye masacɛ bamuso, n'a ka musow, n'a ka soo kɔnɔ baarakɛbagaw, ni jamana kɔnɔ mɔgɔbabaw fana minɛ ka bɔ n'u ye Zeruzalɛmu ka taga n'u ye Babilɔni.

Ɛsitɛri 1:2

A tun siginin be a ka masasigiyɔrɔ la Suzi, min tun y'a ka masadugu ye.

Ɛsitɛri 10:3

Tiɲɛ na, Maridose le tun gwanna masacɛ Sɛrisɛsi kɔ. Zuwifuw tun b'a jati kosɔbɛ, ani a koo tun ka di u bɛɛ ye. Bari a tun be to k'a ka siya ka hɛrɛ le ɲini, ani u ka nafa be sɔrɔ koo minw na, a tun be to k'o le fɔ.

Ɛsitɛri 2:3

U ko masacɛ ka mɔgɔw woloma k'u sigi a ka maraw bɛɛ la, u ka sunguruɲumanw woloma minw ma cɛko lɔn fɔlɔ, ka na n'u ye Suzi, min ye masadugu ye, ka na u bila musow ka luu kɔnɔ, a ka baarakɛla Ege ka to k'u kɔlɔsi. Masacɛ tun y'ale kɔɔ bɔ k'a kɛ a ka musow kɔlɔsibaga ye, ale ka kan k'u ka yɛrɛlalagafɛn bɛɛ d'u ma.

Ɛsitɛri 2:4

Ko ni sunguru min koo nana diya masacɛ ye, o le bena kɛ masacɛ ka muso ye Vasiti nɔɔ na. O diyara masacɛ ye, u y'a kɛ ten fana.

Ɛsitɛri 5:1

Tile sabanan loon, Ɛsitɛri y'a ka masamusofaniw don ka taga don masacɛ ka luu ɲafɛla la ka lɔ a ka boon daa la. O y'a sɔrɔ masacɛ tun siginin be a ka masasigilan kan a ka soo kɔnɔ k'a ɲaa sin soo donda la.

Sam fɔlɔ 9:1

O waati la, Bɛnzamɛn kɔmɔgɔ dɔ tun be u ka mara la. A tɔgɔ tun ko Kisi, a facɛ tɔgɔ tun ko Abiyɛli, ale fana facɛ tun ye Serɔri ye, Serɔri facɛ tun ye Bekorati ye, Bekorati facɛ fana tun ye Afiya ye. See tun b'a ye kosɔbɛ.