Ɛsitɛri 2:16 - ALA KA KUMA

¹⁶ Masacɛ Sɛrisɛsi ka masaya saan wolonwulanan kalo tannan na, min ye *Tebɛti kalo ye, u tagara ni Ɛsitɛri ye o loon masacɛ fɛ.

Jula NT of Côte d’Ivoire

¹⁶ O tagara ni Ɛsitɛri ye masacɛ Sɛrisɛsi fɛ, a ta masaso kɔnɔ; o kɛra Tebɛti karo tere tan na, masacɛ ta masaya san wolonflanan na.

Ɛsitɛri 2:16 Iomraidhean Croise

Ɛsidarasi 4:6

Sɛrisɛsi nana kɛ masacɛ ye tuma min na, a ka masaya daminɛ waati la, u ye sɛbɛ sɛbɛn k'a ci a ma ka Zuda mara mɔgɔw ni Zeruzalɛmukaw jalaki.

Ɛsidarasi 7:8

Ɛsidirasi sera Zeruzalɛmu masacɛ nin ka masaya saan wolonwulanan kalo duurunan na.

Ɛsitɛri 2:1

O koo nunu tɛmɛnin kɔ, masacɛ Sɛrisɛsi dusu sumana tuma min na, a hakili jigira Vasiti la n'a ka koo kɛnin na, ani min latigɛr'a kama.

Ɛsitɛri 2:15

Maridose facɛfitini Abiyayili denmuso Ɛsitɛri, Maridose tun ye min lamɔ, ale taalon sera masacɛ ka soo kɔnɔ tuma min na, masacɛ ka sunguruw kɔlɔsibaga Ege tun ye min fɔ a ye, a ma fɛɛn wɛrɛ daali o kɔ. Ɛsitɛri koo diyar'a yebagaw bɛɛ ye.

Ɛsitɛri 2:17

Ɛsitɛri koo diyar'a ye ka tɛmɛ muso tɔw bɛɛ kan, a jarabir'a la ka tɛmɛ sunguruw bɛɛ kan. A ye masafugulan biri a kuun na, a kɛra ten, Ɛsitɛri kɛra masacɛ ka muso ye ka bila Vasiti nɔɔ na.

Ɛsitɛri 2:3

U ko masacɛ ka mɔgɔw woloma k'u sigi a ka maraw bɛɛ la, u ka sunguruɲumanw woloma minw ma cɛko lɔn fɔlɔ, ka na n'u ye Suzi, min ye masadugu ye, ka na u bila musow ka luu kɔnɔ, a ka baarakɛla Ege ka to k'u kɔlɔsi. Masacɛ tun y'ale kɔɔ bɔ k'a kɛ a ka musow kɔlɔsibaga ye, ale ka kan k'u ka yɛrɛlalagafɛn bɛɛ d'u ma.

Ɛsitɛri 8:9

O waati yɛrɛ la, u ye masacɛ ka sɛbɛnnikɛlaw wele. U ye batakiw sɛbɛn, ka kɛɲɛ ni Maridose ka fɔta bɛɛ ye, saan nin kalo sabanan tile mugan ni saba loon, min ye *Siwan kalo ye, k'u ci zuwifuw ni masacɛ ka dakɔrɔsigiw ma, ni masacɛ ka lasigidenw, an'a ka mara kɛmɛ ni mugan ni wolonwula kuntigiw ma, k'a ta Ɛndi jamana na fɔɔ ka ta'a bila Etiyopi jamana na. U y'a sɛbɛn ka kɛɲɛ ni mara kelen kelen bɛɛ ka siyakan n'u ka sɛbɛnni kɛcogo ye, ka zuwifuw ta sɛbɛn ka kɛɲɛ n'u ka kaan sɛbɛncogo ye fana.