Ɛsitɛri 10:3 - ALA KA KUMA

³ Tiɲɛ na, Maridose le tun gwanna masacɛ Sɛrisɛsi kɔ. Zuwifuw tun b'a jati kosɔbɛ, ani a koo tun ka di u bɛɛ ye. Bari a tun be to k'a ka siya ka hɛrɛ le ɲini, ani u ka nafa be sɔrɔ koo minw na, a tun be to k'o le fɔ.

Jula NT of Côte d’Ivoire

³ Yahudiyacɛ Maridose le tun gbanna masacɛ Sɛrisɛsi ra. Yahudiyaw tun bɛ Maridose jate kosɛbɛ. A ko tun ka di a ta siyamɔgɔw bɛɛ ye fana; sabu a tun bɛ a ta mɔgɔw ta ɲa le ɲini, ani a tun b’a fɛ a ta siyamɔgɔw bɛɛ ye o yɛrɛ sɔrɔ.

Ɛsitɛri 10:3 Iomraidhean Croise

Damina 41:40

Ne b'i sigi ne ka soo kunna. Jamanadenw bɛɛ bena mɛnni kɛ i fɛ, ne ka masasigilan dama le bena ne ni ele daan bɔ ɲɔgɔn na.»

Damina 45:10

A bena sigi Gosɛn mara la, ka to ne kɔrɔ, ale n'a deenw, n'a mamadenw n'a ka begɛnw, n'a bololafɛnw bɛɛ.

Damina 45:11

Ne bena n janto a la yen, ale n'a somɔgɔw, n'a ka begɛnw bɛɛ, waasa u kana fɔn foyi la. Bari, an bena saan duuru kɛ kɔngɔ la halibi.

Lok 2nan 28:7

Efarayimu kɔmɔgɔ cɛfari Zikiri ye masacɛ dencɛ Maaseyawu faga, ni masaso ɲamɔgɔ Azirikamu, ani masacɛ lankan Ɛlikana.

Nehemi 2:10

Sanbala ka bɔ Oronayimu, ale ni Tobiya, min ye amoni ye n'a be masacɛ ka baara la, olu y'a mɛn tuma min na ko mɔgɔ dɔ be yen min be Isirayɛlidenw ka hɛrɛ ɲini dɔrɔn, o ma diya u ye fewu.

Ɛsitɛri 2:5

O y'a sɔrɔ cɛɛ dɔ tun be Suzi, min ye masadugu ye, zuwifu tun lo. A tɔgɔ ko Maridose, a facɛ tun ye Yayiri ye, ale fana faa tun ye Simeyi ye, Simeyi faa tun ye Kisi ye. Bɛnzamɛn kɔmɔgɔ tun lo.

Ɛsitɛri 3:2

Mɔgɔ minw bɛɛ tun be baara kɛ masacɛ ka luu kɔnɔ, olu bɛɛ tun be to k'u kunbiri gwan Aman ɲakɔrɔ k'a boɲa, bari masacɛ le tun y'o latigɛ, nga Maridose tun te sɔn k'o kɛ.

Daniyɛli 5:16

Ayiwa, ne y'a mɛn ko i be se ka sikow kɔrɔ fɔ, ani ka koo gwɛlɛmanw ɲanabɔ. Sisan, n'i ye sɛbɛ nin kalan k'a kɔrɔ fɔ n ye, delekeba wuleman, ni kannakɔnɔ sanulaman bena don i kaan na, i fana be kɛ mɔgɔ sabanan ye fanga nin kɔnɔ.»

Daniyɛli 5:29

O yɔrɔnin bɛɛ, Balitazari ko u ka deleke wuleman ɲanaman ni kannakɔnɔ sanulaman don Daniyɛli kaan na, ani k'a wango la ko a bena kɛ mɔgɔ sabanan ye ale ka fanga kɔnɔ.

Daniyɛli 6:3

ka mɔgɔ saba bila olu bɛɛ kunna, waasa u ka to k'u ka baara ɲafɔ o mɔgɔ saba ye janko masacɛ ka koo si kana cɛn. Daniyɛli tun ye o ɲamɔgɔ nunu dɔ ye.

Rɔmukaw 10:1

N balimaw, min be ne dusu la, ani n be min ɲini Ala fɛ Isirayɛlidenw ye, o ye u ka kisiliko ye.

Rɔmukaw 14:18

Bari mɔgɔ min be baara kɛ Krista ye ten, o tigi le koo ka di Ala ye, mɔgɔw fana b'a tɔgɔɲuman fɔ.

Sam fɔlɔ 18:16

Nga Dawuda koo tun ka di Isirayɛli ni Zuda mara mɔgɔw bɛɛ ye, bari a tun be to ka bɔ ka taga kɛlɛ kɛ n'u ye ka segi ka na.

Sam fɔlɔ 23:17

A y'a fɔ a ye ko: «I kana siran. Ne facɛ Sayuli bolo tena la i kan. Ele le bena kɛ masacɛ ye Isirayɛlidenw kunna, ne ka tugu i kɔ. Hali ne facɛ Sayuli be o kala ma.»