Ɛfɛsikaw 6:9 - ALA KA KUMA

⁹ Kuntigiw, aw fana k'o koo ɲɔgɔn kɛ u ye. Aw kana fariya u ma, bari aw b'a lɔn k'u Kuntigi n'aw fana ta ye kelen ye min be sankolo la, ani ale te mɔgɔ woloma ka bɔ mɔgɔ la.

Jula NT of Côte d’Ivoire

⁹ Aw kuntigiw, aw fana ye aw ta baaradenw minako ɲa; aw kana fariya o ma, sabu aw k’a lɔn ko aw ni olugu bɛɛ ta Kuntigi bɛ sankolo ra; ale tɛ mɔgɔ bɔ mɔgɔ ra.

LAYIDUKURA

⁹ Kuntigiw, aw fana k'o koo nyɔgɔn kɛ u ye. Aw kana fariya u ma, bari aw b'a lɔn k'u ka Kuntigi n'aw fana ta ye kelen ye o min bɛ sankolo la, ani ale tɛ mɔgɔ woloma ka bɔ mɔgɔ la.

Ɛfɛsikaw 6:9 Iomraidhean Croise

Nehemi 5:5

U k'olu bɛɛ do ye fɛɛn kelen ye, k'olu deenw n'u deenw bɛɛ ye kelen ye, o bɛɛ n'a ta, ko wajibi lo olu b'u dencɛw n'u denmusow d'u ma ka kɛ jɔɔnw ye. K'olu denmusow dɔw dira ka ban, ko see te olu ye tugu, k'u ka ɛrɛzɛnforow n'u ka foro tɔw kɛra mɔgɔ wɛrɛw ta ye.

Ayuba 34:19

Ale min te ɲamɔgɔ fisaya ni tɔw ye, a te fantan bɔ fɛntigi la, bari ale lo y'u bɛɛ dan.

Zaburu 140:12

Minw be galon tigɛ ka mɔgɔ tɔgɔ cɛn, o kana to jamana kɔnɔ. Juguman ka mɔgɔ fariman kɔgwɛn tuma bɛɛ.

Waajurikɛbaga 5:8

Dugukolo nafa ye bɛɛ ta ye. Hali masacɛ niyɔrɔ fana b'a la.

Ezayi 47:6

Ne tun dimina n ka jama kɔrɔ. Minw kɛra ne taw ye, ne tun y'u dɔgɔya, k'u don i bolo. Nga i ma makari u la fewu, i ye tɔɔrɔ la cɛkɔrɔbaw kan kosɔbɛ.

Daniyɛli 3:15

Ayiwa, aw k'aw yɛrɛ labɛn ni buru kaan bɔra, ni filejan, ni gɔni ani kolonjo, ni soku, ni filesurun ani fɔliminan sifa bɛɛ kaan bɔra tuma min na, aw ka biri ka n ka jaa bato ne ye min dilan. N'aw m'a bato, o yɔrɔnin bɛɛ, aw bena fili dibi tasumaman kɔnɔ! Batofɛn jumɛn le bena aw bɔsi ne bolo?»

Daniyɛli 3:6

Ni mɔgɔ min ma biri k'a bato, o tigi bena fili dibi tasumaman kɔnɔ o waati yɛrɛ la.»

Sarakalasebagaw 19:13

«Aw kana aw mɔgɔɲɔgɔn tɔɲɔ, walima k'a bololafɛn soɲa. Aw ka baaraden ka sara kana si aw bolo.

Malaki 3:5

Masaba, Setigi ko: «Ne bena gwɛrɛ aw la kiti kama. Ne bena teliya ka lagwɛlikɛla le jalaki, ni ɲamɔgɔyakɛlaw ni minw be kali ka sɔrɔ tiɲɛ tɛ, ni minw be baaradenw namara, ani minw be firiyamusow, ni falatɔw, ni lonanw tɔɲɔ n'u te siran ne ɲa, ne bena olu bɛɛ jalaki.»

Matiyu 22:10

Baaraden nunu tagara sira daaw la. U ye mɔgɔ o mɔgɔ sɔrɔ yen, u y'u wele, a ɲumaman fara jugumanw kan, fɔɔ kɔɲɔya dumuni labɛnna soo min kɔnɔ, o fara.

Matiyu 22:8

O kɔ, a y'a fɔ a ka baaraden dɔ wɛrɛw ye ko: ‹Kɔnyɔya dumuni labɛnna ka ban, nga minw tun welela, olu tun man kan n'a ye.

Matiyu 24:48

Nga n'o baaraden nin kɛra baaradenjugu ye, n'a y'a miiri ko a kuntigi bena mɛn ka sɔrɔ ka na,

Matiyu 24:51

A bena o baaraden nin bɔ yen k'a tɔɔrɔ namaramɔgɔw tɔɔrɔcogo la. A bena kasi ka kule yen.

Matiyu 7:12

«Aw b'a fɛ mɔgɔ tɔw ka koo min kɛ aw ye, aw fana k'o ɲɔgɔn kɛ u ye. O le fɔra sariya ni kiraw ka sɛbɛw kɔnɔ.

Luka 6:31

Aw b'a fɛ mɔgɔ tɔw ka koo min kɛ aw ye, aw k'o ɲɔgɔn kɛ u ye.

Yuhana 13:13

Aw be ne wele ko karamɔgɔ ani Matigi, o bɛnnin lo, bari ne y'o le ye.

Kɛwalew 10:34

O tuma na, Piyɛri ye kuma ta k'a fɔ ko: «Ne y'a lɔn sisan ko Ala te mɔgɔ bɔ mɔgɔ la,

Rɔmukaw 2:11

Bari Ala te mɔgɔ bɔ mɔgɔ la.

Kor fɔlɔ 1:2

be bataki nin ci Korɛntikaw ma minw lara Ala la, Yezu Krista ye minw wele k'u saniya k'u kɛ Ala ta ye. A cira mɔgɔ bɛɛ ma fana, minw be yɔrɔ bɛɛ la n'u be an Matigi Yezu Krista bato. Olu ka Matigi lo, ani an fana ta lo.

Kor fɔlɔ 7:22

Bari Ala ye mɔgɔ min wele k'o tigi to jɔnya la, ale kɛra hɔrɔn ye Matigi fɛ. O cogo la, a ye mɔgɔ min wele n'o tigi tun ye hɔrɔn ye, ale be kɛ jɔɔn ye Krista fɛ.

Sariya 10:17

bari batofɛn bɛɛ ka Ala lo, matigiw ka Matigi lo, a ka bon, see b'a ye, siranyafɛn lo. A te mɔgɔ woloma, boɲafɛn t'a ɲagami.

Kɔlɔsikaw 3:25

Ni mɔgɔ min ye baarajugu kɛ, o tigi bena o sara le sɔrɔ, Ala te mɔgɔ woloma ka bɔ mɔgɔ la.

Kɔlɔsikaw 4:1

Kuntigiw, koo minw ka ɲi ani minw bɛnnin lo, aw fana k'o kɛ aw ka jɔɔnw ye, aw ka l'a la ko kuntigi dɔ be aw fana fɛ arijana na.

Yakuba 2:13

Bari mɔgɔ min te makari tɔw la, kiti tigɛlon na, Ala fana tena makari o tigi la. Nga minw be makari, olu te siran kiti ɲa.

Yakuba 2:8

Sariya min fɔra Masa Ala ka kuma na ko: «E k'i tɔɲɔgɔn kanu i n'a fɔ i yɛrɛ.» N'aw b'o bato, o tuma na, aw ka kɛwali ka ɲi.

Yakuba 5:4

Baaraden minw ye baara kɛ aw ka foro kɔnɔ, aw ma olu ka saraw di u ma. Matigi, Setigi y'o baaraden nunu kasikan mɛn.

Sam fɔlɔ 15:17

Samuyɛli y'a fɔ ko: «E tun t'i yɛrɛ jati foyi ye tuma min na, i ma kɛ Isirayɛlidenw kuntigi ye wa? Masaba le y'i woloma ka sigi Isirayɛlidenw kunna.