Ɛfɛsikaw 6:6 - ALA KA KUMA

⁶ Aw kana o kɛ u ɲana dɔrɔn k'aw koo diya u ye, nga aw k'o kɛ i n'a fɔ Krista ka jɔɔnw, ka Ala sago kɛ sɔbɛ la.

Jula NT of Côte d’Ivoire

⁶ Aw kana baara kɛ o ɲa kɔrɔ k’a kɛ i n’a fɔ aw b’a fɛ ka aw yɛrɛ ko diya o ye dɔrɔn; aw ye baara kɛ ni aw jusukun bɛɛ ye ka kaɲa ni Ala sago ye, i ko Kirisita ta baaradenw.

LAYIDUKURA

⁶ Aw kana o kɛ u nyana dɔrɔn k'aw koo diya u ye, nga aw k'o kɛ i n'a fɔ Krista ka jɔɔnw, ka Ala sago kɛ sɛbɛ la.

Ɛfɛsikaw 6:6 Iomraidhean Croise

Yeremi 24:7

Ne bena hakili di u ma min ben'a to u k'a lɔn ko ne le ye Masaba ye. Ne be kɛ u ka Ala ye, u be kɛ ne ka mɔgɔw ye. Bari u bena sɔn ne ma n'u dusu bɛɛ ye.

Yeremi 3:10

O bɛɛ kɔ, a balimamuso Zuda mara janfamɔgɔ nunu ma u ɲaa sin ne ma n'u kɔnɔ bɛɛ ye. U y'o kɛ ni kɔnɔfin ye. Ne Masaba le ko ten.»

Matiyu 12:50

bari mɔgɔ min be ne Faa Ala sago kɛ, o tigi le ye ne dɔgɔcɛ, walima ne dɔgɔmuso, ani ne bamuso ye.»

Matiyu 7:21

«Mɔgɔ minw be ne wele ko ‹Matigi, Matigi,› olu bɛɛ tena don *sankolo masaya la, fɔɔ ne Faa min be sankolo la, ale sagokɛlaw.

Marika 3:35

Mɔgɔ o mɔgɔ be Ala sago kɛ, o tigi ye ne dɔgɔcɛ, walima ne dɔgɔmuso, walima ne baa ye.»

Rɔmukaw 6:17

An be barika la Ala ye bari aw tun ye hakɛ ka jɔɔnw ye, nga sisan u y'aw kalan min na, aw sɔnna o la n'aw dusu bɛɛ ye,

Kor fɔlɔ 7:22

Bari Ala ye mɔgɔ min wele k'o tigi to jɔnya la, ale kɛra hɔrɔn ye Matigi fɛ. O cogo la, a ye mɔgɔ min wele n'o tigi tun ye hɔrɔn ye, ale be kɛ jɔɔn ye Krista fɛ.

Galasikaw 1:10

O tuma na, sisan a fɔra ko ne b'a fɛ ne koo ka diya mɔgɔ ye wa, walima Ala ye? Walima ne b'a fɛ ka mɔgɔ diyanako le kɛ? Ni ne tun b'a fɛ k'o kɛ, ne tun tena kɛ Krista ka baarakɛla ye.

Ɛfɛsikaw 5:17

O la, aw kana kɛ kolɔnbaliw ye, nga aw ka Matigi sago ɲini k'o lɔn.

Filipikaw 2:12

Ne teriw, aw tun be ne ka kuma bato ka ne to aw fɛ, halibi aw ka taga ɲa ka dɔ fara o kan, aw ka jija ka baara kɛ aw ka kisili kosɔn ni Alaɲasiran ye kosɔbɛ.

Kɔlɔsikaw 1:9

O le y'a to, kabini an ye aw koo mɛn, an be Ala daali aw ye tuma bɛɛ. An b'a daali ko a ka hakilitigiya di aw ma Nii Senuman barika la, janko aw ka se k'a sago lɔn kosɔbɛ.

Kɔlɔsikaw 4:12

Epafarasi b'aw fo, ale min ye aw balima dɔ ye, min kɛra Yezu Krista ka baarakɛla ye. A be to ka Ala daali aw ye tuma bɛɛ, waasa aw ka se ka kɔgɔ Ala koo la ani ka sɔn a sago ma kosɔbɛ.

Tes fɔlɔ 2:4

Nga Ala yɛrɛ y'a ye ko an be se, o la, a y'o kibaru diman fɔko kalifa an ma, an fana b'a fɔ a cogo la. An te mɔgɔ diyanako ɲinina, nga Ala min b'an kɔnɔnakow lɔn, an be ale ta le kɛ.

Tes fɔlɔ 4:3

Ala be min fɛ, o ye aw dusu saniyako ye, aw kana kakalaya kɛ.

Heburuw 10:36

O la, fɔɔ aw ka jija janko n'aw ye Ala sago kɛ ka ban tuma min na, a y'a daa di min na, aw k'o sɔrɔ.

Heburuw 13:21

a yɛrɛ ka barika don aw la, aw ka se ka koɲuman sifa bɛɛ kɛ, k'a sago kɛ. Koo min ka di a yɛrɛ ye, a k'o kɛ an ye Yezu Krista barika la. Boɲa ka la ale kan tuma bɛɛ. Amiina.

Piy fɔlɔ 2:15

Ala sago ye nin ye: Aw ka koɲuman kɛ, o la, kofaamubaliw tena kumayɔrɔ sɔrɔ.

Piy fɔlɔ 4:2

O la, k'a to diɲɛ na, a bena Ala sago dama kɛ, a tena to nigɛjuguw la.

Zan fɔlɔ 2:17

Mɔgɔw be boli diɲɛ n'a kɔnɔnafɛn minw kɔ, olu do ye banta le ye. Nga ni mɔgɔ min be Ala sago kɛ, o tigi ka koo tena ban.