Ɛfɛsikaw 6:11 - ALA KA KUMA

¹¹ Aw ka Ala ka kɛlɛkɛminanw bɛɛ ta waasa aw ka se ka lɔ ka ɲa ka Sutana ka namaraw kunbɛn.

Jula NT of Côte d’Ivoire

¹¹ O ra, Ala bɛ kɛrɛkɛminan minw di, aw ye o bɛɛ don aw yɛrɛ ra, janko aw ye se ka lɔ ka Setana ni a ta nanbarakow kɛrɛ.

LAYIDUKURA

¹¹ Aw ka Ala ka kɛlɛkɛminanw bɛɛ ta waasa aw ka se ka lɔ ka nya ka Sutana ka nanbaranw kunbɛn.

Ɛfɛsikaw 6:11 Iomraidhean Croise

Nehemi 4:13

N y'a fɔ ɲamɔgɔw ni kititigɛlaw, ani jama tɔɔ ye ko: «Baara nin ka ca, a fana te yɔrɔ kelen na, an jɛnsɛnnin be kogo kan, an yɔrɔ ka jan ɲɔgɔn na.

Marika 13:22

Mɔgɔ dɔw bena galon tigɛ k'olu ye Ala ka Mɔgɔ wolomanin nin ye. Dɔw fana bena galon tigɛ k'olu ye kiraw ye. U bena kabakow kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Rɔmukaw 13:12

Dugu tilara ka ban, kɛnɛ be ɲini ka ci. O la, an ka dibidibiko dabila ka kogwɛnin kɛ.

Rɔmukaw 13:14

Aw k'a to Matigi Yezu Krista ka koo ka sigi aw kɔnɔ, aw kana miiri farisogo koo la ka tɛmɛ janko nigɛjugu kana se aw kɔrɔ.

Kor fɔlɔ 10:13

Kɔrɔbɔli minw y'aw sɔrɔ, o bɛɛ ɲɔgɔn delila ka adamaden sɔrɔ. Ala ye kantigi ye, ale tena sɔn aw ka kɔrɔbɔ fɔɔ ka taga tɛmɛ aw barika danyɔrɔ kan. Ni kɔrɔbɔli sera, a bena bɔyɔrɔ d'aw ma ani ka barika don aw la ka se k'o muɲu.

Kor 2nan 10:4

An ka kɛlɛkɛminanw te adamaden ta ye, Ala ta lo, barika b'u la ka juguw ka fanga cɛn k'u ka miirijuguw cɛn,

Kor 2nan 11:3

Nga ne be siran ko aw hakili kana ɲagami, k'aw yɔrɔ jaɲa Krista ka kɔnɔgwɛ la, i n'a fɔ saa ye Awa namara n'a ka cekuya ye cogo min na.

Kor 2nan 2:11

waasa an kana sira di Sutana ma a ka see an kɔrɔ bari an b'a ka miiriya lɔn.

Kor 2nan 4:4

Minw te la Ala la, diɲɛ kuntigi Sutana ye olu hakili dibi waasa u ka na se ka kibaru diman yeelen ye min be Krista ka nɔɔrɔ yira, ale min ye Ala jaa ye.

Kor 2nan 6:7

an ka tiɲɛ fɔli, ni Ala ka sebagaya fɛ. An be kotilennin ta k'o kɛ i n'a fɔ an ka maramafɛn, ka kɛlɛ kɛ n'o ye ani k'an yɛrɛ mara n'o ye fana.

Ɛfɛsikaw 4:14

O la, aw tena kɛ i n'a fɔ denmisɛnw tugu, minw te se ka lɔ kelen kan, kalanjugu sifa bɛɛ ni namara be se ka minw hakili yɛlɛma k'u kunna cɛn, i n'a fɔ kurundennin be cogo min na jii kan.

Ɛfɛsikaw 4:24

ka jogokura ta, ka kɛ Ala jaa ye, ka kɛ mɔgɔtilenninw ni mɔgɔɲumanw ye, minw be sɔrɔ Ala ka tiɲɛ barika la.

Ɛfɛsikaw 6:13

O la, aw ka Ala ka kɛlɛkɛminanw bɛɛ ta waasa ni lonjugu sera, aw ka se ka lɔ kelen kan fɔɔ ka se a laban ma.

Kɔlɔsikaw 3:10

ka jogokura ta, min be sabati tuma bɛɛ Ala ka lɔnniya barika la, ka kɛ i n'a fɔ aw danbaga.

Tes fɔlɔ 5:8

Nga an minw ye kɛnɛ kan mɔgɔw ye, an k'an yɛrɛ labɛn, ka jigi ni kanuya kɛ i n'a fɔ nigɛkunbɛnnan, k'o don an kaan na, ani k'an jigi la an ka kisili kan i n'a fɔ nigɛfugulan.

Heburuw 7:25

O kama, mɔgɔ minw be gwɛrɛ Ala la ale sababu la, see b'a ye k'olu kisi bii ani sini, bari a be yen tuma bɛɛ ka Ala dali u ye.

Yakuba 4:7

Aw k'aw yɛrɛ majigi Ala ye ka ban Sutana ma. O la, a bena aw ye k'aw to yen.

Piy fɔlɔ 5:8

Aw k'aw yɛrɛ kɔlɔsi dɛ! Aw labɛnnin ka to. Bari aw jugu Sutana be munumununa i n'a fɔ jara, a b'a fɛ ka dɔ le minɛ k'a ɲimi.

Zude 1:24

Ala min be se k'aw tanga aw kana ben, ani k'aw kɛ jalakibaliw ye ka nisɔndiya di aw ma kosɔbɛ a ɲakɔrɔ,

Yirari 12:9

Misɛli ye Sogojuguba nin n'a kɔmɔgɔw gwɛn ka jigi dugukolo kan. U b'ale Sogojugu nin le wele fana ko sakɔrɔ, jinaw kuntigi, Sutana, diɲɛ ɲagamibaga.

Yirari 19:20

Nga u ye Sogo nin kɛlɛ k'a minɛ, ka kira galontigɛla minɛ. Ale min tun be to ka kabakow kɛ a ɲana ka mɔgɔw lafili ka di Sogo nin ma, k'a kɛ Sogo nin ka taamasiɲɛ bilara mɔgɔw kan, n'u y'a bato. U ye Sogo nin, ani kira galontigɛla minɛ k'u fili jahanama na. Tasuma ni kiribi le mananin be yen.

Yirari 2:24

Aw tɔw, aw minw be Tiyatiri n'aw ma sɔn ka kɛ a kɔmɔgɔw ye, aw minw ma Sutana ka gundo ɲini k'a lɔn, aw kɔni, n tena koo wɛrɛ la aw kan.

Kititigɛbagaw 3:2

Isirayɛliden minw tun wilila o waati la ni u tun ma kɛlɛ kɛ ka ye, janko olu ka kɛlɛ dege.