Ɛfɛsikaw 5:3 - ALA KA KUMA

³ Kakalaya, walima mɔgɔkolonya, ani wasabaliya, o koo si kana mɛn aw cɛma, bari Ala ka mɔgɔw man kan k'o kɛ.

Jula NT of Côte d’Ivoire

³ Ayiwa, jatɔya, ani ko saninyabari suguya o suguya, ani natabaya, o tɔgɔ yɛrɛ kana fɔ aw cɛ ra; sabu o kow tɛ bɛn Ala ta mɔgɔ saninmanw cɛ ra.

LAYIDUKURA

³ Kakalaya, walima mɔgɔkolonya, ani wasabaliya, o koo si kana mɛn aw cɛma, bari Ala ka mɔgɔw man kan k'o kɛ.

Ɛfɛsikaw 5:3 Iomraidhean Croise

Zaburu 10:3

Mɔgɔjugu b'a yɛrɛ tanu a ka miiriyajugu la. Wasabali be Masaba nɛni k'a dɔgɔya.

Zaburu 119:36

A to ne ka miiri ka to i ka sariyaw la ka tɛmɛ ne yɛrɛ ka tɔnɔ ɲini kan.

Bɔri 18:21

I ka mɔgɔsɔbɛ dɔw woloma fana jama cɛma, minw be siran Ala ɲa, lanamɔgɔw, mɔgɔ te se ka minw daa san, k'u kɛ kuntigiw ye jama kunna, dɔw ka kɛ mɔgɔ waa kelen kelen kunna, dɔw ka kɛ mɔgɔ kɛmɛ kɛmɛ kunna, dɔw ka kɛ mɔgɔ bi duuru duuru kunna, ani dɔw ka kɛ mɔgɔ tan tan kunna.

Bɔri 20:17

«Aw ɲaa kana bɔ aw mɔgɔɲɔgɔn ka soo fɛ. Aw ɲaa kana bɔ aw mɔgɔɲɔgɔn muso fɛ, walima a ka jɔncɛ, walima a ka jɔnmuso, walima a ka misi, walima a ka fali, walima a bololafɛn si fɛ.»

Bɔri 23:13

«Ne ye koo minw fɔ aw ye, aw ka jija k'olu bɛɛ bato. Aw kana dɛmɛ ɲini joo si fɛ, aw kan'a to u tɔgɔ ka mɛn aw daa la.

Zanaw 28:16

Ɲamɔgɔ hakilitan kɔni be to ka bagamako kɛ dɔrɔn. Min te sɔn namarafɛn ɲini la, ale bena sijan sɔrɔ.

Yeremi 22:17

Nga ele, yan i dusu sinnin te foyi ma fɔɔ i yɛrɛ nafa ɲiniko dama, ka jalakibaliw faga, ani ka tɔɲɔli ni benkannikow kɛ.»

Yeremi 6:13

Denmisɛn ni mɔgɔkɔrɔbaw bɛɛ b'u ka tɔnɔ dɔrɔn le ɲinina. Kiraw ni sarakalasebagaw bɛɛ be namara le kɛ.

Yeremi 8:10

«O kama, ne bena u ka musow di mɔgɔ wɛrɛw ma, k'u ka forow di tigi wɛrɛw ma. Bari, denmisɛn fara mɔgɔkɔrɔba kan, u bɛɛ b'u ka tɔnɔ dɔrɔn le ɲinina. Kiraw ni sarakalasebagaw bɛɛ be namara le kɛ.

Ezekiyɛli 33:31

O kɔ, ne ka jama be taga lajɛn i fɛ ka sigi i ɲakɔrɔ k'i ka kumaw mɛn, nga i ye min fɔ, u t'o kɛ. U dalakuma ka di k'a sɔrɔ u ka miiriya bɛɛ be tɔnɔjugu ɲiniko le kan.

Sarakalasebagaw 15:18

«Ni cɛɛ jɛnna ni muso ye, u fila bɛɛ ka ko. U nɔgɔnin bena to fɔɔ wulafɛ.

Mise 2:2

N'u ɲaa bɔra mɔgɔw ka forow la, u b'u bɔsi. N'u ɲaa bɔra mɔgɔw ka soo la, u b'u minɛ. U be lutigi n'a ka somɔgɔw bololafɛnw bɔsi, u b'u ka forow minɛ.

Jateri 25:1

Isirayɛlidenw tun siginin be Sitimu tuma min na, u y'a daminɛ ka kakalaya kɛ ni mowabumusow ye.

Matiyu 15:19

Bari miiriyajuguw be bɔ mɔgɔ dusu le la, ani mɔgɔfaga, ni ɲamɔgɔya, kakalaya, soɲali, galontigɛ, ani nɛnili.

Luka 12:15

O kɔ, Yezu y'a fɔ jama ye ko: «Aw k'aw yɛrɛ kɔlɔsi nafoloko hamikojugu ma, bari hali ni nafolo ka ca mɔgɔ fɛ cogo o cogo, o te se ka kɛ a tigi nii suturanin ye.»

Luka 16:14

Nafolo koo ka di *Fariziɲɛw ye minkɛ, u y'o kuma bɛɛ mɛn tuma min na, u tun be yɛlɛla Yezu ma.

Kɛwalew 15:20

An ka sɛbɛ ci u ma k'a fɔ u ye k'u kana josɔnsogo ɲimi, u k'u yɛrɛ tanga kakalaya ma, sogo min kaan ma tigɛ, u kana o ɲimi, u kana sogo joli dumu.

Kɛwalew 20:33

Ne ma n ɲaa bɔ aw si ka wari fɛ, walima sanu, walima fani.

Rɔmukaw 1:29

Tilenbaliyako sifa bɛɛ b'u kɔnɔ: u be kojugu kɛ, u kɛra wasabaliw ni mɔgɔjuguw ye, ɲagoya fana b'u la, ɲɔgɔnfagako le b'u kɔnɔ, ni kɛlɛko, ni benkanni, ni juguya, ani u be galon la mɔgɔw kan k'u jalaki.

Rɔmukaw 16:2

Aw k'a minɛ ka ɲa i n'a fɔ Ala ka mɔgɔw be mɔgɔ minɛ cogo min na, n'a mako be aw ka dɛmɛli la koo minw na, aw k'a dɛmɛ o la. Bari a ye mɔgɔ caaman dɛmɛ kosɔbɛ, hali ne yɛrɛ.

Rɔmukaw 6:13

Aw kana aw farikolo yɔrɔ si kɛ kojugukɛfɛn ye ka to hakɛ la. Nga aw k'aw yɛrɛ di Ala ma. Aw ka kɛ i n'a fɔ mɔgɔ min sara ka kunun, k'aw farikolo yɔrɔ bɛɛ kɛ koɲumankɛ ta ye.

Kor fɔlɔ 10:8

An kana kɛ kakalaw ye, i n'a fɔ u dɔw tun y'a kɛ cogo min na. O la, loon kelen pewu, mɔgɔ waa mugan ni saba (23 000) sara u cɛma.

Kor fɔlɔ 5:1

A be fɔra yɔrɔ bɛɛ ko kakalaya dɔ kɛra aw cɛma, o min ɲɔgɔn te sɔrɔ Alalɔnbaliw yɛrɛ fɛ. Mɔgɔ dɔ b'aw cɛma min y'a facɛ ka muso bɔsi.

Kor fɔlɔ 6:13

U fana ko dumunifɛn dilanna kɔnɔbara kama, kɔnɔbara fana be yen dumuni kama. Nga Ala do bena u fila bɛɛ halaki. Mɔgɔ farisogo ma kɛ kakalaya kama, o ye Matigi ta ye ani Matigi be janto a la.

Kor fɔlɔ 6:18

Aw ka kakalaya dabila, mɔgɔ be kojugu minw bɛɛ kɛ, o si te se a farisogo ma fɔɔ kakalaya. Min be kakalaya kɛ, o tigi b'a yɛrɛ hakɛ le ta.

Kor 2nan 12:21

Ne be siran fana ko ne mana se aw fɛ tuma min na, ne ka Ala kana ne majigi aw cɛma. Mɔgɔ minw tun ye hakɛ kɛ n'u ma sɔn ka nimisa ka faran u ka kakalaya la, n'u ka mɔgɔkolonya n'u ka malobaliya la, ne dusu kana kasi olu kosɔn.

Ɛfɛsikaw 5:12

bari u be koo minw kɛ dogo la, o fɔko yɛrɛ ye maloya ye.

Ɛfɛsikaw 5:5

Aw k'a faamu kosɔbɛ ko kakalaw ni mɔgɔnɔgɔninw, ni wasabaliw tena don Krista ni Ala ka masaya la. Wasabaliya ni josɔn bɛɛ ye kelen ye.

Filipikaw 1:27

Min ka gwɛlɛ, o ye nin ye: Aw ka taamacogo ka kan ka bɛn Krista ka koo ma, waasa hali ni ne nana aw fɛ, walima ne ma se ka na wo, ne k'a mɛn ko aw jijanin lo, ka bɛn ka baara kɛ ni miiriya kelen ye ani dusu kelen ye kibaru diman kosɔn aw y'aw jigi la min kan.

Kɔlɔsikaw 3:5

Koo minw ye dugukolo kan koow ye, aw ka olu bɛɛ dabila, i n'a fɔ kakalaya, ni mɔgɔkolonya, ani miirijugu, ni kojugu nigɛ, ani wasabaliya, min ni josɔn bɛɛ ye kelen ye.

Tes fɔlɔ 4:3

Ala be min fɛ, o ye aw dusu saniyako ye, aw kana kakalaya kɛ.

Tes fɔlɔ 4:7

Ala m'an wele kakalaya kama, nga a y'an wele ka kɛ mɔgɔ senumanw le ye.

Tim fɔlɔ 2:10

Nga u ka masirifɛnw ka kɛ koɲuman kɛli ye, i n'a fɔ a bɛnnin be musow fɛ cogo min na olu minw ko u be siran Ala ɲa.

Tim fɔlɔ 3:3

A man kan ka kɛ dɔrɔtɔ ye, walima mɔgɔ fariman, nga mɔgɔsabalinin. A kana kɛ kɛlɛtigɛla ye, walima mɔgɔ ye min be wari kanu.

Tim fɔlɔ 6:10

bari wari nigɛ ye kojugu sifa bɛɛ bɔyɔrɔ ye. Mɔgɔ dɔw tugur'a nɔɔ fɛ k'u jigi bɔ Krista kan, ka tɔɔrɔ la u yɛrɛ kan.

Tim 2nan 3:2

Mɔgɔw bena kɛ sɔnjuguw ye, wari koo bena diya u ye kosɔbɛ, u bena kɛ yɛrɛboɲalaw ye. U bena Ala tɔgɔ cɛn, u tena mɛnni kɛ u wolobagaw fɛ, u bena kɛ ɲumanlɔnbaliw ye, u tena Ala ka koow jati.

Tite 1:11

I ka kan k'u bali u kana kuma. U be se ka faaw n'u deenw kunna cɛn, n'u ka kalanjugu ye u be min kɛ tɔnɔjugu kama.

Tite 1:7

Krista ka jama ɲamɔgɔ, min ye a marabaga ye, o ka kan ka kɛ mɔgɔ ye jalakiyɔrɔ te min na. A kana kɛ yɛrɛboɲanla ye, a kana kɛ dusutigi ye fana, walima dɔrɔtɔ, walima mɔgɔ fariman ye, ani a kana kɛ mɔgɔ ye min be namara kɛ ka tɔnɔ sɔrɔ.

Tite 2:3

O cogo kelen na fana, i k'a fɔ musokɔrɔbaw ye k'olu taamacogo ka bɛn ni mɔgɔsɔbɛya ye Ala faan fɛ. U kana kɛ mɔgɔ tɔgɔcɛnlaw ye, ani u fana kana kɛ dɔrɔtɔw ye. Olu ka mɔgɔw dege koɲuman kɛli la.

Heburuw 12:16

Mɔgɔ si kana kɛ kakala ye, walima Alaɲasiranbali ye, i n'a fɔ Ezawu, min y'a ka kɔrɔya falen dumuni na.

Yosuwe 7:21

Ne tun ye Babilɔni jamana forocaɲuman dɔ ye dugu mɔgɔ nunu ka minanw kɔnɔ, ani warigwɛ kuru kɛmɛ fila, ani sanukuru min ka gwiliya tɛmɛna kilo tilan kelen kan. Olu nigɛ tun ye ne minɛ, o la ne y'u ta ka taga dugukolo sogi n ka siyɔrɔ la k'u dogo yen, warigwɛ nin be fɔɔ jukɔrɔ.»

Piy fɔlɔ 5:2

Ala y'a ka sagakulu min kalifa aw ma, aw k'o kɔlɔsi ka ɲa ni dusuɲuman ye ka kɛɲɛ ni Ala sago ye. Nga o kana kɛ jagoyako ye. Aw k'o baara nin kɛ ni timinadiya ye, tɔnɔɲini kana sɔrɔ a la.

Piy 2nan 2:10

Minw be boliboli u ka nigɛlakow kɔ, n'u te Setigi Ala boɲa, u jaa ka gwɛlɛ, u daa ka bon. Ka arijana kɔnɔ fɛɛnw nɛni, o te foyi ye olu fɛ.

Piy 2nan 2:14

Kakalaya nigɛ te bɔ u la, u be hakɛ kɛ tuma bɛɛ. Fanga te minw na, u be olu kunna cɛn. Wariko ka di u ye kojugu. U danganin lo.

Piy 2nan 2:3

U ka wariɲini kojugu kosɔn, u bena galon labɛn k'aw ɲagami n'o ye tɔnɔ kama. U kitibaga labɛnnin lo a mɛnna. U halakiwaati tɔɔ man jan.

Yirari 2:14

O n'a ta bɛɛ, ne b'aw jalaki koo dɔw la. Bari aw cɛma, dɔw nɔrɔnin be Balamu ka kalan na, ale min tun be Balaki kɔnɔnasu waasa a ka Isirayɛlidenw nigɛ k'u bila josɔnsogo ɲimi na, ani ka kakalaya kɛ.

Yirari 2:21

N y'a to fɔlɔ waasa a k'a sɔɔn yɛlɛma. Nga a do t'a fɛ k'a ka kakalaya dabila.

Yirari 21:8

Nga siranbagatɔw kɔni, ani lanabaliw, ni mɔgɔjuguw, ni mɔgɔfagalaw, kakalaw, lagwɛlikɛlaw, josɔnlaw, ani galontigɛlaw bɛɛ, olu kɔni niyɔrɔ ye jahanama le ye. O le ye saya filanan ye.»

Yirari 22:15

Nga mɔgɔkolonw, ni lagwɛlikɛlaw, ni kakalaw, ni mɔgɔfagalaw, ni josɔnlaw ani galontigɛlaw, olu kɔni bena to dugu kɔɔ fɛ.

Yirari 9:21

Mɔgɔ nunu ma sɔn k'u ka mɔgɔfaga ni subagaya ani kakalaya ni soɲaliw dabila.

Sam fɔlɔ 8:3

Nga u ma sɔn k'u facɛ sɔɔn ta, u donna namara la ka to ka fɛɛnw minɛ mɔgɔw fɛ, u tun te kititilennin tigɛ tugu.