Ɛfɛsikaw 5:2 - ALA KA KUMA

² Aw ka koo bɛɛ kɛ ni kanuya ye, i n'a fɔ Krista, ale min y'an kanu k'a yɛrɛ di ka kɛ saraka ye an kosɔn min diyara Ala ye i n'a fɔ wusulan.

Jula NT of Côte d’Ivoire

² Aw ye tagama kanuya ra i n’a fɔ Kirisita* yɛrɛ ka an kanu cogo min na, fɔ ka a yɛrɛ di Ala ma an kosɔn, i ko sarakafɛn, ani saraka fagata min kasa ka di Ala ye.

LAYIDUKURA

² Aw ka koo bɛɛ kɛ ni kanuya ye, i n'a fɔ Krista, ale min y'an kanu k'a yɛrɛ di ka kɛ saraka ye an kɔsɔn o min diyara Ala ye i n'a fɔ wusulan.

Ɛfɛsikaw 5:2 Iomraidhean Croise

Damina 8:21

Masaba y'o kasa diman mɛn, a y'a fɔ a yɛrɛ kɔnɔ ko: «Adamaden ka miiriyaw si ma ɲi kabini a daminɛ na. O bɛɛ n'a ta, ne tena dugukolo danga mɔgɔw kosɔn tugu abada. Ne tena nimanfɛnw bɛɛ faga tugu fewu i n'a fɔ ne y'a kɛ cogo min na.

Bɔri 29:18

k'a bɛɛ jɛni sarakabɔyɔrɔ kan. Saraka jɛnita lo, min be bɔ ne Masaba ye ka jɛni pewu. A kasa ka di n ye.

Bɔri 29:25

O kɔ, i b'o minɛ u bolo, k'u ni saraka jɛnita jɛni sarakabɔyɔrɔ kan. A kasa ka di n ye. Saraka lo, min ka kan ka jɛni pewu ne Masaba ye.

Sarakalasebagaw 1:13

A k'a nugu n'a seenw ko jii la. Sarakalasebaga k'o bɛɛ jɛni sarakabɔyɔrɔ kan. Saraka jɛnita lo pewu, a kasa ka di ne Masaba ye.

Sarakalasebagaw 1:17

A k'a faran a gamanw furancɛ la, nga a kan'a tigɛ ka bɔ ɲɔgɔn na. O kɔ, a k'a la lɔgɔ kan tasuma la k'a jɛni sarakabɔyɔrɔ kan. Saraka jɛnita lo pewu, a kasa ka di ne Masaba ye.

Sarakalasebagaw 1:9

Sarakabɔbaga ka nugu n'i seenw ko jii la. O kɔ, sarakalasebaga k'o bɛɛ jɛni sarakabɔyɔrɔ kan. Saraka jɛnita lo pewu, a kasa ka di ne Masaba ye.

Sarakalasebagaw 3:16

Sarakalasebaga k'olu jɛni sarakabɔyɔrɔ kan. Dumunifɛn lo, min be jɛni pewu, a kasa ka di ne Masaba ye. «Begɛn tulu bɛɛ ye ne ta ye.

Amɔsi 5:21

Masaba ko: «Aw ka ɲanagwɛw kɛcogo man di n ye, u ka go n ye haali! N te se k'aw ka ɲɔgɔnlajɛnbabaw muɲu.

Matiyu 20:28

O cogo la, Mɔgɔ Dencɛ ma na waasa mɔgɔw ka baara kɛ a ye. Nga, a nana ka mɔgɔw mako ɲa, ani k'a yɛrɛ nii di ka kɛ mɔgɔ bɛɛ nii kunmabɔ sara ye.»

Yuhana 13:34

«Ne be cikura di aw ma ko: aw ka ɲɔgɔn kanu, ne y'aw kanu cogo min na, aw fana ka ɲɔgɔn kanu ten.

Yuhana 6:51

«Dumuni ɲanaman min bɔra sankolo la, ne lo. Ni min y'o dumu, o tigi be to nii na tuma bɛɛ. Ne bena dumuni min di, o ye ne fari yɛrɛ le ye. Ne be n yɛrɛ di waasa diɲɛ ka se ka nii banbali sɔrɔ.»

Rɔmukaw 15:16

a ye min kɛ ne ye ka ne kɛ Yezu Krista ka baarakɛla ye siya wɛrɛw cɛma. Ne be Ala ka kibaru diman fɔ u ye, janko olu fana ka kɛ saraka diman ye Ala fɛ, min saniyanin be Nii Senuman barika la.

Rɔmukaw 4:25

Yezu fagara an ka hakɛw kosɔn, nga a kununna janko k'an kɛ mɔgɔtilenninw ye.

Rɔmukaw 8:3

Sariya siginin tun te se ka koo min kɛ, farisogo ka barikatanya kosɔn, Ala y'o kɛ, a y'a yɛrɛ Dencɛ ci, ale nana wolo i n'a fɔ hakɛkɛla, ka kɛ saraka ye hakɛ sara kosɔn. A ye hakɛ ka baga faga,

Rɔmukaw 8:37

Nga o bɛɛ n'a ta, an kɛra sesɔrɔlaw ye kosɔbɛ, Krista barika la, ale min y'an kanu.

Kor fɔlɔ 16:14

N'aw be fɛɛn o fɛɛn kɛ, aw k'o kɛ ni kanuya ye.

Kor fɔlɔ 5:7

Aw kɛra mɔgɔɲumanw ye minkɛ, aw k'o kojugu nin bɔ aw cɛma, waasa aw ka kɛ mɔgɔɲumanw yɛrɛ yɛrɛ ye, bari Krista min kɛra saraka ye k'an hɔrɔnya, ale fagara o kosɔn.

Kor 2nan 2:14

Barika ka la Ala ye ale min b'a to an be niyɔrɔ sɔrɔ Krista ka sesɔrɔko la tuma bɛɛ, ale lo b'an ta ka baara kɛ n'an ye ka Krista yira yɔrɔ bɛɛ, i n'a fɔ wusulan min kasa be taga yɔrɔ bɛɛ.

Kor 2nan 2:15

Mɔgɔ minw be kisili sira kan, ani minw be halaki sira kan, olu fɛ an kɛra i ko wusulan kasadiman Krista be min di Ala ma.

Kor 2nan 8:9

Bari aw b'an Matigi Yezu Krista ka ɲumanya lɔn, ale min tun ye fɛntigi ye, a y'a yɛrɛ kɛ fantan ye aw kosɔn, waasa aw ka se ka kɛ fɛntigiw ye.

Galasikaw 1:4

Ale Krista min y'a yɛrɛ nii di k'an kunmabɔ an ka hakɛw la, waasa k'an tila ka bɔ bii diɲɛ juguman nin bolo, ka kɛɲɛ n'an Faa Ala sago ye.

Galasikaw 2:20

Hali n'aw y'a ye ko ne be nii na halibi, o te ne yɛrɛ ye tugu, Krista le nii be ne la. Bari n'aw y'a ye ko ne ɲanaman lo farisogo la, o kɛra Ala Dencɛ barika la, ne ye n jigi la min kan. A ye ne kanu fɔɔ k'a yɛrɛ di ne kosɔn.

Ɛfɛsikaw 1:4

Bari, ale Krista le barika la Ala y'an woloma kabini diɲɛ ma dan fɔlɔ, waasa an ka kɛ mɔgɔɲumanw ye a ɲakɔrɔ, jalakiyɔrɔ te minw na kanuya barika la.

Ɛfɛsikaw 3:17

janko Krista ka koo ka se ka sigi aw kɔnɔ jigi barika la, kanuyasɔbɛ ka se ka sɔrɔ aw kɔnɔ fɔɔ ka ɲa.

Ɛfɛsikaw 3:19

Krista ka kanuya min tɛmɛna lɔnniya bɛɛ kan, aw bena se k'o faamu, ka fa Ala la.

Ɛfɛsikaw 4:15

Nga n'an be tiɲɛ fɔ kanuya la, an bena se ka taga ɲa fɔɔ ka se ka jɛn ni Krista ye kosɔbɛ, ale min ye Kuntigi ye.

Ɛfɛsikaw 4:2

k'aw yɛrɛ majigi koo bɛɛ la ka kɛ mɔgɔsabalininw ye, ka muɲuli kɛ, ka ɲɔgɔn dɛmɛdɛmɛ kanuya la.

Ɛfɛsikaw 5:15

Aw k'aw yɛrɛ kɔlɔsi kosɔbɛ, aw kana kɛ nalomanw ye, nga hakilitigiw.

Ɛfɛsikaw 5:25

Cɛɛw, aw k'aw ka musow kanu, i n'a fɔ Krista ye a ka jama kanu cogo min na, fɔɔ k'a nii di a kosɔn,

Sariya 27:6

Kabakuru minw ma lɛsɛ, aw k'olu le ta k'o sarakabɔyɔrɔ nin lɔ Masaba aw ka Ala ye, ka saraka jɛnitaw bɔ a ye o kan.

Filipikaw 4:18

Sisan ne makoyafɛn bɛɛ be ne fɛ yɛrɛ, fɔɔ a tɛmɛn'a daan kan. Tuma min na Epaforaditi nana aw ka dɛmɛ di ne ma, o tuma na o cayara ka tɛmɛ yɛrɛ, min kɛra sarakaɲuman ye Ala sɔnna min na, a diyar'a ye fana.

Kɔlɔsikaw 3:14

Koo bɛɛ la, kanuya ka sɔrɔ aw kɔnɔ, ale sababu la, aw bena se ka ɲɔgɔn minɛ kosɔbɛ.

Tes fɔlɔ 4:9

Kuun t'a la tugu ka sɛbɛ ci aw ma ɲɔgɔnkanuko la, bari aw y'o dege ka ban Ala barika la.

Tim fɔlɔ 2:6

A y'a yɛrɛ saraka mɔgɔ bɛɛ kunmabɔli kosɔn. Ala y'o yira waati latigɛnin na.

Tim fɔlɔ 4:12

Kan'a to mɔgɔ si k'i dɔgɔya i ka denmisɛnya kama, nga siraɲuman yira u la, i ka kumacogo, n'i ka taamacogo fɛ, i ka mɔgɔ kanucogo, n'i ka lanaya, an'i ka senuya fɛ.

Tite 2:14

Ale lo y'a yɛrɛ di an kosɔn, waasa k'an kunmabɔ tilenbaliyakow bɛɛ la, ani k'an saniya k'an kɛ a yɛrɛ ka jama ye, k'an kɛ mɔgɔw ye minw labɛnnin be koɲuman kɛli kama.

Heburuw 8:3

Sarakalasebagaw kuntigibaw bɛɛ sigira ka sɔnnifɛn ni sarakaw di Ala ma. O la, fɔɔ Yezu fana ka dɔ sɔrɔ k'o di Ala ma.

Heburuw 9:14

N'a be ten Krista joli ma fisa ni begɛn ta ye wa bari Nii Senuman barika la, Krista y'a yɛrɛ kɛ saraka dafanin ye ka di Ala ma. An ka kɛwaliw minw te foyi ɲa, a joli b'an dusu saniya ka bɔ o la janko ka se ka Nitigi Ala bato.

Heburuw 9:23

Fɛɛn minw be arijana na, n'olu jaaw ka kan ka saniya ni kɛwali nunu ye, o tuma na, o fɛɛn nunu yɛrɛ yɛrɛ ka saniyako ka kan ni saraka wɛrɛw ye minw ka fisa ni fɔlɔtaw ye.

Heburuw 9:26

N'a tun be ten, a tun bena tɔɔrɔ siɲɛ caaman kabini diɲɛ dantuma. Nga a nana laban tuma na sisan le ka tɔɔrɔ siɲɛ kelenpe k'a yɛrɛ kɛ saraka ye ka hakɛ fanga cɛn.

Piy fɔlɔ 4:8

Ayiwa, a fɔlɔ, aw ka ɲɔgɔn kanu kosɔbɛ. Bari kanuya sababu la, hakɛ caaman be yafa.

Zan fɔlɔ 3:16

Yezu Krista y'a nii saraka anw kosɔn. An be kanuya lɔn o le fɛ. An fana ka kan k'an nii saraka an mɔgɔɲɔgɔn kosɔn.

Zan fɔlɔ 3:23

A ka sariya filɛ nin ye, ko an ka la a Deen Yezu Krista la, ani ka ɲɔgɔn kanu. Ale yɛrɛ le y'o cii nin don an bolo.

Yirari 1:5

Yezu Krista min ye Ala ka seeresɔbɛ ye, n'ale lo kɛra suu fɔlɔ ye ka kunun, n'a ye masaw ka Masa ye, ale ka nɛɛma ni hɛrɛ kɛ aw ye. An koo diyar'a ye, a y'an ka hakɛ yafa a joli bɔnnin sababu la,

Yirari 5:9

U tun be dɔnkilikura dɔ lara ko: «E ni wale, ele le be se ka sɛbɛ nin minɛ k'a taamasiɲɛ nunu walaka. Bari u tun y'i faga. I joli min tun bɔnna, o kɛra sababu ye i ye mɔgɔ dɔw kunmabɔ k'u kɛ Ala taw ye ka bɔ siyaw bɛɛ cɛma, ani jamanaw bɛɛ la.