Ɛfɛsikaw 5:18 - ALA KA KUMA

¹⁸ Aw kana fa duvɛn na, o be mɔgɔ mako sa, aw ka fa Nii Senuman na.

Jula NT of Côte d’Ivoire

¹⁸ Aw kana dɔrɔ min ka ɲanamini; o bɛ mɔgɔ bla koɲagamininw le ra. Nka aw y’a to Nin Saninman* ye aw fa.

LAYIDUKURA

¹⁸ Aw kana kɛ dɔrɔtɔw ye, o bɛ mɔgɔ bila kakalaya la, aw k'aw yɛrɛ bɛɛ di Nii Senuman ma.

Ɛfɛsikaw 5:18 Iomraidhean Croise

Damina 9:21

Loon dɔ, a ye duvɛn min ka fa, ka taga la a ka fanibugu kɔnɔ a farilakolon.

Zaburu 69:12

Ni ne ye dusukasifani don, u be yɛlɛ ne ma.

Zanaw 20:1

Dɔrɔ be mɔgɔ bila yɛrɛboɲa na, minnifɛn fariman be mankan wili. Hakilitan le b'a min ka fa.

Dɔnkiriw 1:4

Ne minɛ ka tugu i kɔ, an ka boli! Masa, don ni ne ye i ka soo. An ka nisɔndiya kosɔbɛ e kosɔn! An b'i ka koo diya fɔ ko a tɛmɛna duvɛn kan. Tiɲɛ be sunguruw fɛ n'u b'i kanu!

Dɔnkiriw 7:9

Ne ko: Fɔɔ ne ka yɛlɛ tamarosun nin kan k'a deen sɔrɔ. E sinbara nunu ka maga ne bolo i ko *ɛrɛzɛn mɔnnin. I nunfiɲɛ ka kɛ i ko yiriden kasadiman dɔ.

Ezayi 25:6

Masaba, Setigi bena dumuniba labɛn siyaw bɛɛ ye kulu nin kan, sogo tulumanw ni duvɛn dimanw bena sɔrɔ a la, sogo tuluman tobikoɲuman, ni duvɛn diman labɛnkoɲuman bena sɔrɔ a la.

Ezayi 5:22

Mɔgɔ minw ye dɔrɔminlawaraw ye, minw ye dɔrɔtobilaŋanaw ye, bɔnɛ ye olu ta ye.

Ezayi 55:1

«Minnɔgɔ be aw minw bɛɛ la, aw ye na jiyɔrɔ la. Hali ni wari te mɔgɔ min fɛ, o tigi ka na dumuni bɔ k'a dumu gwansan. Aw ye na duvɛn ni nɔnɔ minɛ, a te sara.

Sarakalasebagaw 10:9

«N'aw be don Ɲɔgɔnkunbɛn fanibugu kɔnɔ tuma min na, ele n'i dencɛw, aw kana duvɛn, walima minnifɛn fariman wɛrɛ min, n'o tɛ, aw bena sa. O ye sariya ye aw kɔmɔgɔw bɛɛ fɛ, min tena dabila abada,

Matiyu 23:25

Bɔnɛ b'aw ye, aw sariya karamɔgɔw ani Fariziɲɛ namaramɔgɔw, aw be jifilen ni tasa kɔfɛlaw ko k'o gwɛ, k'a sɔrɔ benkanni ni miirijuguw le fanin be aw kɔnɔ.

Matiyu 24:49

o la, n'a y'a daminɛ ka to k'a tɔɲɔgɔnw bugɔ, ka to dumunibaba la ni ka minni kɛ ni dɔrɔtɔw ye,

Luka 1:15

A bena kɛ mɔgɔbaba ye Matigi ɲakɔrɔ. A tena duvɛn, walima minnifɛn fariman si min. A bena fa Nii Senuman na kabini a wolotuma na.

Luka 11:13

Aw minw ka jugu, n'aw be sɔn ka fɛnɲumanw di aw deenw ma, aw Faa min be sankolo la, ale tena Nii Senuman di a daalibagaw ma ka tɛmɛ aw ka fɛɛn ditaw kan wa?»

Luka 12:45

Nga ni baaraden nin miirila ko a kuntigi tena kɔsegi joona, o la, n'a y'a daminɛ ka to ka baaraden tɔw bugɔ, ka to dumunibaba la, ani ka to dɔrɔbaba min na,

Luka 21:34

«Aw k'aw yɛrɛw kɔlɔsi, aw kan'a to nugubagatɔya, ni dɔrɔtɔya, ani diɲɛ hamikow k'aw hakili ɲagami, n'o tɛ, laban loon bena bari aw la,

Yuhana 2:10

k'a fɔ a ye ko: «O ɲɔgɔn na, mɔgɔ bɛɛ be bɔ ni duvɛn diman le ye fɔlɔ. Ni mɔgɔ weleninw be ɲini ka fa tuma min na, u be sɔrɔ ka bɔ ni duvɛn kumunin ye. Nga ele kɔni ye duvɛn diman mara fɔɔ sisan!»

Kɛwalew 11:24

Barinabasi tun ye mɔgɔɲuman ye, a tun fanin be Nii Senuman na, a lanin tun be Yezu la kosɔbɛ. Mɔgɔ caaman lara Matigi la o la.

Rɔmukaw 13:13

An ka taama tilenninya la i n'a fɔ mɔgɔ be taama cogo min na tilefɛ. An kana kɛ nugubatɔw ni dɔrɔtɔw ye. An k'an yɛrɛ kɔlɔsi kakalaya sifa bɛɛ ma, an kana kɛ kɛlɛtigɛlaw ye, ani keliya kana sɔrɔ an dusu la.

Kor fɔlɔ 11:21

N'aw b'a dumu tuma min na, mɔgɔ kelen kelen bɛɛ b'a ta ta k'a dumu fɔlɔ, dɔ be minni kɛ ka fa, k'a sɔrɔ a tɔɲɔgɔn be kɔngɔ la.

Kor fɔlɔ 5:11

Ne ye min fɔ aw ye bataki nin kɔnɔ, o ye nin ye, ko: ni mɔgɔ min b'a yɛrɛ kɛ aw dɔ ye, k'a sɔrɔ o tigi ye kakala ye, sɔnjugu, josɔnla, walima mɔgɔ tɔgɔcɛnbaga, walima dɔrɔtɔ, ani soon ye, aw kana jɛn n'o tigi ye fewu, hali ka dumuni yɛrɛ kɛ n'a ye.

Kor fɔlɔ 6:10

walima soonw, sɔnjuguw, dɔrɔtɔw, mɔgɔ tɔgɔcɛnlaw, walima benkannikɛlaw, olu si tena Ala ka masaya sɔrɔ.

Sariya 21:20

k'a fɔ u ye ko: ‹An ka deen filɛ nin ye, a tulo ka gwɛlɛ, a murutinin lo, a te mɛnni kɛ an fɛ. Kakalaya ni dɔrɔtɔya dɔrɔn le ka d'a ye.›

Tes fɔlɔ 5:7

bari mɔgɔ be sinɔgɔ sufɛ le, dɔrɔtɔw fana b'u ka dɔrɔtɔya kɛ sufɛ le.

Tite 1:6

O ɲamɔgɔ nunu ka kan ka kɛ mɔgɔ jalakibaliw ye, ani musokelentigiw. U deenw ka kɛ mɔgɔw ye lanaya be minw na, minw tɔgɔjugu te fɔ u ka taamacogo kosɔn, walima u ka murutili kama.