Ɛfɛsikaw 5:15 - ALA KA KUMA

¹⁵ Aw k'aw yɛrɛ kɔlɔsi kosɔbɛ, aw kana kɛ nalomanw ye, nga hakilitigiw.

Jula NT of Côte d’Ivoire

¹⁵ Ayiwa, aw ye aw yɛrɛ kɔrɔsi ka aw tagamacogo lɔn. Aw kana kɛ hakirintanw ye, nka aw ye kɛ hakiritigiw ye.

LAYIDUKURA

¹⁵ Aw k'aw yɛrɛ kɔlɔsi kosɛbɛ, aw kana kɛ nalomanw ye, nga hakilitigiw.

Ɛfɛsikaw 5:15 Iomraidhean Croise

Sam 2nan 24:10

Mɔgɔw jatinin kɔ, Dawuda dusu tora ka panpan. A y'a fɔ Masaba ye ko ale ye mɔgɔw jati minkɛ, k'o kɛra hakɛba ye. Ko sisan Masaba ka yafa a ka baarakɛla ma, ko bari ale ye hakilitanya baara le kɛ.

Ayuba 2:10

Zɔbu y'a fɔ a ye ko: «E be kuma i ko naloman. Ala mana koɲuman kɛ an ye, an b'o fɛ. Mun na an be ban a juguman na?» O bɛɛ la, Zɔbu ma kumajugu fɔ.

Zaburu 73:22

Ne tun ye naloman ye, n tun te foyi faamu. Ne tun kɛra i ko begɛn, e ɲakɔrɔ.

Bɔri 23:13

«Ne ye koo minw fɔ aw ye, aw ka jija k'olu bɛɛ bato. Aw kana dɛmɛ ɲini joo si fɛ, aw kan'a to u tɔgɔ ka mɛn aw daa la.

Zanaw 14:8

Yɛrɛkɔlɔsibaga ka lɔnniya, o ye k'a ka kɛta gwɛya. Nga naloman ka fatɔya b'a yɛrɛ fili.

Zanaw 15:21

Nalomanyako le ka di hakilitan ye. Nga hakilitigi kɔni ka sira tilennin lo.

Matiyu 10:16

«Ayiwa, ne b'aw ci i n'a fɔ sagaw, waraw cɛma. O la, aw ka kɛ yɛrɛkɔlɔsibagaw ye i n'a fɔ saa, aw ka koo ka nɔgɔya i n'a fɔ jɛnɛtuba.

Matiyu 25:2

Mɔgɔ duuru tun ye hakilitanw ye, duuru tun ye hakilitigiw ye.

Matiyu 27:24

Pilati y'a ye ko jama be murutira ka taga minkɛ, ko ale tena se ka foyi kɛ, a ye jii ɲini k'a tigɛ ko u bɛɛ ɲana, k'a fɔ u ye ko: «Ne seen te mɔgɔtilennin nin ka fagako la, o y'aw yɛrɛ ka koo ye.»

Matiyu 27:4

k'a fɔ u ye ko: «Ne ye hakɛ kɛ ka mɔgɔ jalakibali don aw bolo n'a bena faga.» Olu y'a jaabi ko: «O te an ka sira la, o y'i ka koo ye.»

Matiyu 8:4

Nga Yezu y'a fɔ a ye ko: «I yɛrɛ kɔlɔsi, i kan'a fɔ mɔgɔ si ye ko ne le y'i kɛnɛya dɛ. Nga, taga i yɛrɛ yira sarakalasebaga la, Musa tun ye saraka min koo fɔ farisogobanatigi ka kɛnɛya koo la, i k'o bɔ k'a yira mɔgɔw la ko i kɛnɛyara.»

Luka 24:25

O tuma na, Yezu y'a fɔ u ye ko: «Aw ye hakilitanw ye dɛ! Aw te la kiraw ka kuma fɔnin na joona fana.

Kor fɔlɔ 14:20

N balimaw, aw ka miiricogo la, aw kana kɛ denmisɛnw ye tugu. Kojugu faan fɛ, ɔnhɔn, aw ka kɛ i n'a fɔ denmisɛnw, nga aw ka miiriya la, aw ka kɛ mɔgɔkɔrɔbaw ye.

Galasikaw 3:1

Aw Galatika nalomanw, mɔgɔ jumɛn le y'aw ɲaa ɲini ten? K'a sɔrɔ Yezu Krista ka sayako lɔgɔ kan fɔra ka gwɛ aw ye kosɔbɛ.

Galasikaw 3:3

Aw ka nalomanya nin sera o bɛɛ ma wa? Aw daminɛna ni Nii Senuman ye, aw b'a fɛ k'o koo laban adamadenya la wa?

Ɛfɛsikaw 5:2

Aw ka koo bɛɛ kɛ ni kanuya ye, i n'a fɔ Krista, ale min y'an kanu k'a yɛrɛ di ka kɛ saraka ye an kosɔn min diyara Ala ye i n'a fɔ wusulan.

Ɛfɛsikaw 5:33

O kɔ, aw kɔni, aw kelen kelen bɛɛ k'a ka muso kanu i n'a fɔ aw yɛrɛ, musow fana k'u ka cɛɛw boɲa.

Filipikaw 1:27

Min ka gwɛlɛ, o ye nin ye: Aw ka taamacogo ka kan ka bɛn Krista ka koo ma, waasa hali ni ne nana aw fɛ, walima ne ma se ka na wo, ne k'a mɛn ko aw jijanin lo, ka bɛn ka baara kɛ ni miiriya kelen ye ani dusu kelen ye kibaru diman kosɔn aw y'aw jigi la min kan.

Kɔlɔsikaw 1:9

O le y'a to, kabini an ye aw koo mɛn, an be Ala daali aw ye tuma bɛɛ. An b'a daali ko a ka hakilitigiya di aw ma Nii Senuman barika la, janko aw ka se k'a sago lɔn kosɔbɛ.

Kɔlɔsikaw 4:5

Minw ma la Matigi la, aw ka taama ni hakilitigiya ye olu cɛma, n'aw ye sababuɲuman sɔrɔ, aw ka banba ka Matigi koo fɔ u ye.

Tes fɔlɔ 5:15

Aw k'aw yɛrɛ kɔlɔsi, aw la mɔgɔ si kana kojugu juru sara ni juguya ye, aw ka koɲuman kɛ tuma bɛɛ ɲɔgɔn ye ani tɔw ye.

Tim fɔlɔ 6:9

Nga mɔgɔ minw b'a fɛ ka kɛ fɛntigiw ye, olu nigɛra ka sɔrɔ miirijugu fɛ, minw be mɔgɔw cɛn ani k'u bila halakili la,

Heburuw 12:25

Min be kumana aw fɛ, aw ye jija, aw kana ban a ka kuma na. Bari fɔlɔ mɔgɔw banna Ala ka kuma fɔbaga ma, min tun b'u cɛma dugukolo kan. O la, u ma kisi ɲagwan ma. Min be to arijana na ka kuma an fɛ, n'an banna ale la, an ka ɲagwan tena tɛmɛ fɔlɔ mɔgɔw ta kan wa?

Yakuba 3:13

Jɔn ye hakilitigi ye aw cɛma? O tigi k'a yira a ka kɛwaliɲumanw fɛ a be minw kɛ ni yɛrɛmajigi ani hakilitigiya ye.

Piy fɔlɔ 1:22

Aw sɔnna Ala ka tiɲɛkuma ma minkɛ, o le y'aw dusu saniya, waasa aw ka se ka ɲɔgɔn kanu badenya la ni kɔnɔgwɛ ye. Aw ka ɲɔgɔn kanu kosɔbɛ n'aw dusu bɛɛ ye.

Yirari 19:10

Ayiwa, ne birila a kɔrɔ ko n b'a bato, nga a y'a fɔ ne ye ko: «Ayi! Kana o kɛ, bari ne fana ye Ala ka baarakɛla le ye i n'a fɔ e n'i tɔɲɔgɔnw, minw ye Yezu ka kuma minɛ ka ɲa. I ka kan ka Ala le bato.» Yezu ye tiɲɛko min fɔ, kiraw tun ye o sɔrɔ Nii Senuman barika la.