Ɛfɛsikaw 5:1 - ALA KA KUMA

¹ Aw ka banba ka Ala ladege, bari aw y'a deenw ye minw koo ka d'a ye.

Jula NT of Côte d’Ivoire

¹ Ayiwa, ne balemaw, aw minw kɛra Ala den kanuninw ye, aw ka kan ka kɛ Ala ladegibagaw le ye.

LAYIDUKURA

¹ Aw ka banba ka Ala ladege, bari aw y'a deenw ye minw koo ka d'a ye.

Ɛfɛsikaw 5:1 Iomraidhean Croise

Yeremi 31:20

Efarayimu kɔmɔgɔw le te ne deenw ye, minw koo ka gwɛlɛ ne ma, ani minw koo ka di ne ye haali wa? Tuma o tuma ni ne ka kan k'o jalaki, ne be to ka miiri u la. O le y'a to u nigɛ be to ka kɛ ne la. Ne bena makari u la sɔbɛ la.» Masaba ko ten.

Sarakalasebagaw 11:45

Ne ye Masaba ye, ne le y'aw bɔ Ezipiti jamana na janko ka kɛ aw ka Ala ye. O la, aw ka kɛ mɔgɔɲumanw ye, bari ne ka ɲi.»

Matiyu 5:45

Aw k'o kɛ janko aw ka kɛ aw sankolo la Faa deenw ye, bari ale be tile bɔ mɔgɔjuguw ni mɔgɔɲumanw ye, ka sanji di koɲumankɛlaw ni kojugukɛlaw ma.

Matiyu 5:48

Aw ka kɛ mɔgɔɲumanw ye i n'a fɔ aw Faa min be sankolo la.

Yuhana 1:12

Nga minw sɔnn'a ma, ka l'a la, a ye see di olu ma ka kɛ Ala deenw ye.

Ɛfɛsikaw 4:32

Aw ye hinɛ ɲɔgɔn na ka koɲuman kɛ ɲɔgɔn ye, ka yafa ɲɔgɔn ma i n'a fɔ Ala fana yafara aw ma cogo min na Krista barika la.

Filipikaw 2:15

waasa aw ka kɛ mɔgɔ jalakibaliw ni mɔgɔɲumanw, ani Ala deenw ye, juguya te minw kɔnɔ fewu diɲɛ mɔgɔw cɛma, olu minw ka jugu ani u tilennin tɛ. Aw ka kɛ yeelen ye u cɛma i n'a fɔ lolow.

Kɔlɔsikaw 3:12

Ala ye aw woloma k'aw kɛ a ka mɔgɔw ye ani aw koo ka d'a ye kosɔbɛ. O la, aw ka kɛ mɔgɔɲumanw ye, minw be makari. Aw k'aw yɛrɛ majigi, ka kɛ mɔgɔsabalininw ye, minw be muɲuli kɛ.

Zan fɔlɔ 4:11

Ne terisɔbɛw, ni Ala y'an kanu ten, an fana ka kan ka ɲɔgɔn kanu dɛ!