Ɛfɛsikaw 4:5 - ALA KA KUMA

⁵ Matigi kelen le be yen, lanaya kelen fana le be yen, ani batizeli kelen le be yen.

Jula NT of Côte d’Ivoire

⁵ Matigi kelen le bɛ yi, ani lanaya kelen, ani batizeri kelen.

LAYIDUKURA

⁵ Matigi kelen le bɛ yen, jigi kelen fana le bɛ yen, ani batizeli kelen le bɛ yen.

Ɛfɛsikaw 4:5 Iomraidhean Croise

Jakariya 14:9

O tuma na, Masaba bena dugukolo bɛɛ mara. O waati la, Masaba bena kɛ kelen ye mɔgɔ bɛɛ fɛ, ale kelen tɔgɔ le bena fɔ.

Matiyu 28:19

O la, aw ye taga siyaw bɛɛ kɛ ne ka kalandenw ye k'u batize Faa, ni Dencɛ ni Nii Senuman tɔgɔ la,

Kɛwalew 10:36

Kibaru diman, min ye hɛrɛ sɔrɔ kuma ye, Ala y'o fɔ Isirayɛlidenw ye Yezu Krista sababu la, ale min ye mɔgɔw bɛɛ ka Matigi ye.

Kɛwalew 2:36

Ayiwa, aw Isirayɛli jama, aw k'a faamu kosɔbɛ ko aw ye Yezu min faga lɔgɔ kan, Ala y'ale lo woloma k'a kɛ an Matigi ye.»

Rɔmukaw 3:30

Bari Ala kelenpe le be yen ale min bena mɔgɔkɛnɛkɛnɛninw jati mɔgɔtilenninw ye u jigi barika la, ka kɛnɛkɛnɛbaliw jati mɔgɔtilenninw ye o jigi kelen barika la.

Kor fɔlɔ 1:13

A kɛra ten, Krista tilannin lo wa? Yala Pɔli lo gwengwenna lɔgɔ kan aw kosɔn wa? Aw batizera Pɔli lo tɔgɔ la wa?

Kor fɔlɔ 1:2

be bataki nin ci Korɛntikaw ma minw lara Ala la, Yezu Krista ye minw wele k'u saniya k'u kɛ Ala ta ye. A cira mɔgɔ bɛɛ ma fana, minw be yɔrɔ bɛɛ la n'u be an Matigi Yezu Krista bato. Olu ka Matigi lo, ani an fana ta lo.

Kor fɔlɔ 12:13

bari an bɛɛ batizera Nii Senuman kelen le barika la, an ka se ka kɛ farikolo kelen ye, k'a ta zuwifu ma wo, walima siya wɛrɛ, jɔɔn, walima hɔrɔn, o Nii Senuman kelen lo be an bɛɛ la.

Kor fɔlɔ 12:5

Baara sifa caaman fana be yen, nga Kuntigi kelen le b'o la.

Kor fɔlɔ 8:6

an kɔni fɛ, Ala kelen le be yen. Ale lo y'an Faa ye, koo bɛɛ be bɔ ale fɛ, an fana be taga ale fɛ, ani Matigi kelenpe le be yen, o ye Yezu Krista ye, ale min barika la fɛɛn bɛɛ be yen, anw fana be yen ale barika la.

Kor 2nan 11:4

Mɔgɔ wɛrɛ be na ka Yezu wɛrɛ koo fɔ aw ye, a ka fɔta be danna an ta la, aw be sɔn o ma, ka sɔn nii wɛrɛ ma, min be danna Nii Senuman na, ka sɔn kibaru diman wɛrɛ ma, min be danna ni aw tun sɔnna min na.

Galasikaw 5:6

N'an lanin be Yezu Krista la, i kɛnɛkɛnɛna wo, i ma kɛnɛkɛnɛ wo, o si te foyi ye. Min ye koo kuun ye, o ye jigi ye, min b'a to an be koo kɛ kanuya la.

Ɛfɛsikaw 4:13

A kɛra ten, an bɛɛ be se ka jɛn ka kɛ kelen ye an jigi barika la ani Ala Dencɛ lɔnniya barika la, ka kɛ mɔgɔkɔrɔbaw ye, ka kɔgɔ fɔɔ ka kɛ mɔgɔdafaninw ye i n'a fɔ Krista.

Filipikaw 2:11

ani bɛɛ k'a fɔ ko Yezu Krista ye Matigi ye, ka boɲa la an Faa Ala tɔgɔ kan.

Filipikaw 3:8

Tiɲɛ na, ne sera ka n Matigi Yezu Krista lɔn minkɛ, n'o ye koba ye, o le kama, ne b'o koo bɛɛ filɛ fuu ye. Ale lo kosɔn ne sɔnna ka fɛɛn bɛɛ ye k'o to yen. Ani ne be fɛɛn bɛɛ filɛ i n'a fɔ ɲamaɲama, waasa ne ka Krista sɔrɔ,

Tite 1:1

Ne Pɔli min ye Ala ka barakɛla, ani Yezu Krista ka ciden ye, ne welela waasa ka Ala ka mɔgɔ wolomaninw dɛmɛ u ka se ka la Ala la, ani ka tiɲɛ lɔn min be bɛn ni Alaɲasiran ye.

Tite 1:4

Ne be bataki nin ci Titi ma min ye ne deen ye tigitigi lanaya kelen barika la, anw be min kɔ. Faa Ala ni Yezu Krista an kisibaga ka nɛɛma ni hɛrɛ kɛ i ye.

Heburuw 13:7

Aw k'aw hakili jigi aw ɲamɔgɔw la. Minw ye Ala ka kuma fɔ aw ye. U sii labanna cogo min na, aw k'o jati k'u ka lanaya ɲɔgɔn kɛ.

Heburuw 6:6

nga o bɛɛ n'a ta, u murutira. Olu kɔni, ka nimisa ka segi ka faran u ka kojugu la, o te se ka kɛ. Bari u ka kɛwali b'a yira k'u be Ala Dencɛ gwengwenna lɔgɔ kan tugu, ani k'a di a nɛnibagaw ma.

Yakuba 2:18

O la, dɔ be se k'a fɔ ko: «I ko i jigi be Ala kan, ne kɔni be kɛwaliɲumanw le kɛ. E k'i jigi yira ni kɛwali niin t'a la, ne bena n ta yira ni kɛwali ye.»

Piy fɔlɔ 3:21

O jii nin tun kɛra batizeli taamasiɲɛ ye, min b'aw kisi bii. O te fari saniyako ye. Nga ŋaniyaɲuman lo an be min ta Ala faan fɛ. A b'aw kisi Yezu Krista ka kununni barika la a sanin kɔ,

Piy 2nan 1:1

Ne Simɔn Piyɛri min ye Yezu Krista ka ciden, n'a ka baaraden ye, ne be bataki nin ci aw ma, aw minw ye an ka jigi ɲanaman ɲɔgɔn sɔrɔ anw ka Ala n'an kisibaga Yezu Krista ka tilenninya kosɔn.

Zude 1:20

Nga aw kɔni, ne teriw, aw ka jija ka taga ɲa aw jigi ka to Ala kan sɔbɛ la, ani ka Ala daali Nii Senuman barika la.

Zude 1:3

Ne teriw, ne tun y'a laɲini kosɔbɛ ka sɛbɛ ci aw ma an bɛɛ ka kisili koo la. Ne y'a ye k'o kɛra wajibi ye ne ma k'o kɛ waasa ka ladili di aw ma, ko aw ka jija janko lanaya kana cɛn. Ala y'e min di a ka jama ma siɲɛ kelen, o ɲɔgɔn tena kɛ tugu.