Ɛfɛsikaw 4:31 - ALA KA KUMA

³¹ Aw ka kɔnɔnajuguya dabila, aw kana dimi mara, aw dusu kana bɔ. Aw ka mankan caaman dabila, ka tɔgɔcɛn dabila, ani juguya sifa bɛɛ.

Jula NT of Côte d’Ivoire

³¹ O le kosɔn aw ye jusumangboya ni dimi ni jusubɔ ni wɔyɔ ni ɲɔgɔnkɔrɔfɔ bɛɛ dabla; aw ye juguya suguya bɛɛ dabla.

LAYIDUKURA

³¹ Aw ka kɔnɔnajuguya dabila, aw kana dimi mara, aw dusu kana bɔ. Aw ka mankan caaman dabila, ka tɔgɔcɛn dabila, ani juguya sifa bɛɛ.

Ɛfɛsikaw 4:31 Iomraidhean Croise

Damina 27:41

U faa ye duba min kɛ Yakuba ye, Ezawu y'o dimi mara a kɔnɔ Yakuba kama. A y'a fɔ a yɛrɛ kɔnɔ ko: «N faa satuma surunyana. N'o tɛmɛna ka ban, ne bena n dɔgɔcɛ Yakuba faga.»

Damina 37:21

Urubɛn, min ye u bɛɛ kɔrɔ ye, ale ye o mɛn minkɛ, a tun b'a fɛ k'a nii kisi. O la, a ko: «An kan'a faga.

Damina 37:4

A kɔrɔw nan'a ye k'u dɔgɔcɛ koo le ka di u facɛ ye ka tɛmɛ olu kan, u y'a kɔniya, fɔɔ u tun te se ka kumaɲuman fɔ a ye tugu.

Damina 4:8

O bɛɛ n'a ta, Kayɛn y'a fɔ a dɔgɔcɛ Abɛli ye ko u ka taga kongo la. K'u to kongo la, Kayɛn wilil'a dɔgɔcɛ Abɛli kama k'a faga.

Sam 2nan 13:22

Abisalɔn y'a daa tigɛ Amunɔn na. A y'a kɔniya, bari a y'a dɔgɔmuso Tamari ka sunguruya cɛn.

Sam 2nan 19:27

A ye masacɛ jaabi ko: «Masacɛ, ne matigi, ne ka baaraden le ye n ɲagami. I ka baaraden ye muruku ye. Ne tun y'a fɔ ko ne bena n ka fali labɛn ka wili ka tugu i kɔ. Ne ka baaraden le ye n ɲagami.

Sam 2nan 19:43

Zuda kɔmɔgɔw bɛɛ y'u jaabi ko: «An y'o kɛ bari an le ka surun masacɛ la. Mun na aw yɛrɛ be dimi o la? An ye masacɛ ka dumunifɛn dɔ dumu wa? Walima an ye fɛɛn dɔ minɛ wa?»

Zaburu 101:5

Mɔgɔ min b'a tɔɲɔgɔn tɔgɔ cɛn dogo la, ne b'o tigi halaki. Ne te se ka dabayatigi ni yɛrɛboɲala ka koo muɲu.

Zaburu 140:11

Takami ka bɔn u kan, u ka ɲɔti ka fili tasuma kɔnɔ. U ka fili dingɛ kɔnɔ, u tena se ka bɔ yɔrɔ min na.

Zaburu 15:3

A te mɔgɔ tɔgɔjugu fɔ, a te kojugu kɛ a tɔɲɔgɔn na, a fana t'a sigiɲɔgɔn nɛni.

Zaburu 37:8

I ka dimi dabila, e dusu kana bɔ. I kana dimi, o bena kɛ kojugu ye.

Zaburu 50:20

I be to k'i balima kɔrɔfɔ, e b'i baden tɔgɔ cɛn.

Zaburu 64:3

Ne bɔ mɔgɔjuguw ka janfa na. Ne bɔ kojugukɛlaw ka labɛnko la.

Zanaw 10:12

Ɲɔgɔnkɔniya be na ni kɛlɛ ye. Nga kanuya sababu la, fili bɛɛ be yafa.

Zanaw 10:18

Mɔgɔ min b'a tɔɲɔgɔn kɔniya dogo la, o tigi ye galontigɛla le ye. Min be galon tigɛ ka mɔgɔ tɔgɔ cɛn, o tigi ye naloman le ye.

Zanaw 14:17

Dusutigi be nalomanyako le kɛ. Mɔgɔ kɔnɔnajugu koo ka go mɔgɔw ye.

Zanaw 18:8

Nafigi ka kuma be i ko nigɛladumuni, dumuni diman.

Zanaw 19:12

Masacɛ diminin be i ko jara sɔngɔtɔ. Nga a ka ɲumanya be i ko komiji, biin kan.

Zanaw 25:23

Kɔrɔnfɛ fɔɲɔ be na ni sanji ye. Kumakolon be na ni ɲakumu ye.

Zanaw 26:20

Ni lɔgɔ dɛsɛra gwaa la, tasuma be faga. Ni nafigi bɔra aw cɛ la, kɛlɛ be ban.

Zanaw 29:22

Dusubatigi be kɛlɛ wili. Dusubatigi be kojugu caaman kɛ.

Zanaw 29:9

Ni kiti donna hakilitigi ni naloman cɛ, hakilitigi dimina wo, a yɛlɛla wo, hɛrɛ tena sɔrɔ a fɛ.

Zanaw 6:19

galonseereya, ani ka balimaw bila ɲɔgɔn na.

Waajurikɛbaga 7:9

Kana kɔn k'i dusu gwan, bari dusugwan ye nalomanw ta ye.

Yeremi 6:28

U bɛɛ kɛra mɔgɔmurutininw yɛrɛ le ye, u be galon la mɔgɔ kan k'a tɔgɔ cɛn. U dusu be i ko zira, ani nigɛ, u bɛɛ ye cɛnnikɛlaw ye.

Yeremi 9:4

U be ɲɔgɔn janfa, u te tiɲɛ fɔ. U y'u yɛrɛ deli galontigɛ la, u b'u seko bɛɛ kɛ ka kokolon kɛ.

Kɛwalew 21:30

Mankan boɲana fɔɔ ka se dugu faan bɛɛ la. Mɔgɔw girinna ka bɔ faan bɛɛ. U ye Pɔli sama ka bɔ n'a ye ka daaw tugu.

Rɔmukaw 3:14

Danga ni kumajugu le fanin b'u daa la.

Kor fɔlɔ 14:20

N balimaw, aw ka miiricogo la, aw kana kɛ denmisɛnw ye tugu. Kojugu faan fɛ, ɔnhɔn, aw ka kɛ i n'a fɔ denmisɛnw, nga aw ka miiriya la, aw ka kɛ mɔgɔkɔrɔbaw ye.

Kor fɔlɔ 5:8

O tuma na, an k'an ka ɲanagwɛ kɛ ni buru ye, fununan te min na, o kɔrɔ, juguya ni mɔgɔkolonya kana kɛ aw cɛma, nga aw k'o kɛ ni kɔnɔgwɛ ani tilenninya ye.

Kor 2nan 12:20

Ne be siran ko ni ne sera aw fɛ waati min na, ne b'aw jati cogo min na, ne kana taga aw sɔrɔ cogo wɛrɛ la, aw tun be ne jati cogo min na, aw fana kana ne ye cogo wɛrɛ la. N be siran ko kɛlɛ ni keliya, ni dimi, ni sɔnjuguya ni ɲɔgɔnnɛni, ni kumakolonfɔ, ni yɛrɛboɲa ni koferekenin kana sɔrɔ aw cɛma.

Galasikaw 5:20

josɔn, ni subagaya, ani juguya, kɛlɛ ni keliya, dimi ni sɔsɔli, ani tilanni, ani ka faran ka kɛ jɛnkuluw ye,

Ɛfɛsikaw 4:22

O la, aw k'aw jogokɔrɔ bila, min tun ye juguya ni nigɛjuguw ye, olu sababu la, aw tun be fili.

Ɛfɛsikaw 4:25

O kama, aw ka galontigɛ dabila! Mɔgɔ kelen kelen bɛɛ ka tiɲɛ fɔ ɲɔgɔn ye, bari an kɛra farisogo kelen ye.

Ɛfɛsikaw 4:26

N'aw dimina, aw kana hakɛ kɛ, aw kana dimi mara fɔɔ ka tilekun don.

Kɔlɔsikaw 3:19

Cɛɛw, aw k'aw ka musow kanu, aw kana fariya u ma.

Kɔlɔsikaw 3:8

Nga sisan aw ka nin koow bɛɛ dabila, o ye dimi, dusubɔ, juguya, ni mɔgɔ tɔgɔcɛn, ani malobaliya kuma ye minw bɛɛ be se ka bɔ aw daa la.

Tim fɔlɔ 3:11

Muso minw b'a fɛ k'o baara ɲɔgɔn kɛ fana, olu ka kan ka kɛ mɔgɔsɔbɛw ye. U kana kɛ mɔgɔ tɔgɔcɛnbagaw ye. U ka kan k'u yɛrɛ kɔlɔsi kosɔbɛ ani ka tilenninya kɛ koo bɛɛ la.

Tim fɔlɔ 3:3

A man kan ka kɛ dɔrɔtɔ ye, walima mɔgɔ fariman, nga mɔgɔsabalinin. A kana kɛ kɛlɛtigɛla ye, walima mɔgɔ ye min be wari kanu.

Tim fɔlɔ 5:13

Ani ka fara o kan, u be kɛ salabagatɔw ye, ka to ka yaalayaala sodaw la. O dama tɛ, u daa ka ca, u daa be don mɔgɔ ka koow la, u man kan k'u daa don minw na.

Tim 2nan 2:23

I ka ban sɔsɔli gwansanw ma, i b'a lɔn k'olu be kɛlɛw wili dɔrɔn.

Tim 2nan 3:3

U bena kɛ mɔgɔ kogwɛlɛnw ye, makari tena sɔrɔ u la, u bena kɛ mɔgɔ tɔgɔcɛnbagaw ye, ni mɔgɔ farimanw, ani mɔgɔjuguw. Koɲuman tena diya u ye.

Tite 1:7

Krista ka jama ɲamɔgɔ, min ye a marabaga ye, o ka kan ka kɛ mɔgɔ ye jalakiyɔrɔ te min na. A kana kɛ yɛrɛboɲanla ye, a kana kɛ dusutigi ye fana, walima dɔrɔtɔ, walima mɔgɔ fariman ye, ani a kana kɛ mɔgɔ ye min be namara kɛ ka tɔnɔ sɔrɔ.

Tite 2:3

O cogo kelen na fana, i k'a fɔ musokɔrɔbaw ye k'olu taamacogo ka bɛn ni mɔgɔsɔbɛya ye Ala faan fɛ. U kana kɛ mɔgɔ tɔgɔcɛnlaw ye, ani u fana kana kɛ dɔrɔtɔw ye. Olu ka mɔgɔw dege koɲuman kɛli la.

Yakuba 1:19

N badenw, aw minw koo ka di ne ye, aw k'a lɔn kosɔbɛ ko mɔgɔ kelen kelen bɛɛ ka kan ka lamɛnni kɛ ka ɲa, nga a kana teliya ka kuma, a kana dimi joona.

Yakuba 3:14

Nga ni min kɔnɔ ka jugu, ni keliya be min na, o tigi kan'a yɛrɛ wanso k'a ka galon kɛ ka tiɲɛ datugu.

Yakuba 4:11

N balimaw, aw kana ɲɔgɔn tɔgɔjugu fɔ, ni min y'a tɔɲɔgɔn tɔgɔjugu fɔ, walima k'a jalaki, o tigi be kumajugu fɔ Ala ka sariya la, k'a dɔgɔya. K'a sɔrɔ mɔgɔ min be sariya dɔgɔya, o tigi te sariya batobaga ye, nga a b'a dɔgɔya le.

Piy fɔlɔ 2:1

O la, aw ka namarakow bɛɛ dabila, ni kɔnɔ fila fila koo, ni ɲagoya, ani kumajugu, ni kojugu sifa bɛɛ. Aw ka faran o bɛɛ la.

Zan fɔlɔ 3:12

An man kan ka Kayɛn ladege, min kɛra Sutana ka mɔgɔ ye k'a dɔgɔnin faga. Mun na a y'a faga? A y'a faga bari ale Kayɛn tun ye baarajugukɛla ye, k'a sɔrɔ a dɔgɔnin tun ye mɔgɔɲuman ye.

Zan fɔlɔ 3:15

Mɔgɔ o mɔgɔ b'a mɔgɔɲɔgɔn kɔniya, o tigi ye mɔgɔfagala le ye. Aw b'a lɔn ko mɔgɔfagala si te se ka nii banbali sɔrɔ.

Yirari 12:10

O kɔ, pɛrɛnkan dɔ bɔra arijana na ko: «K'a ta bii ma, an ka Ala ka kisili n'a ka sebagaya n'a ka masaya waati sera. Ala ka Mɔgɔ wolomanin ka setigiya waati lo, bari an badenw jalakibaga ka fanga nagasira. Ale lo tun b'u jalaki suu ni tile k'u lɔ kiti la Ala ɲafɛ.