Ɛfɛsikaw 4:16 - ALA KA KUMA

¹⁶ Ale barika la, farikolo yɔrɔ bɛɛ be ɲɔgɔn minɛ ka ɲa, ka kɛ kelen ye. Bɛɛ n'a ka baara, o la a farisogo bɛɛ lajɛnnin be boɲa ka barika sɔrɔ kanuya la.

Jula NT of Côte d’Ivoire

¹⁶ O jɛnkuru yɔrɔw bɛɛ kelen kelen sirinin lo ɲɔgɔn na ka kɛ farikolo kelen ye ale Kirisita le baraka ra. Ni farikolo yɔrɔ bɛɛ kelen kelen bɛ a ta baara kɛ, farikolo bɛɛ lajɛnnin bɛ bonya o cogo le ra kanuya ra.

LAYIDUKURA

¹⁶ Ale barika la farikolo yɔrɔ bɛɛ bɛ nyɔgɔn minɛ ka nya, ka kɛ kelen ye. Bɛɛ n'a ka baara, o cogo la a farisogo bɛɛ lajɛnnin bɛ bonya ka barika sɔrɔ kanuya la.

Ɛfɛsikaw 4:16 Iomraidhean Croise

Yuhana 15:5

Ne ye ɛrɛzɛnsun ye, aw y'a bolow ye. Ni mɔgɔ min tora ne fɛ, ni ne fana be a tigi fɛ, o tigi bena se ka baara caaman kɛ. Ala ye, bari ni ne sababu tɛ, aw te se ka foyi kɛ aw yɛrɛ ma.

Rɔmukaw 12:4

Yɔrɔ caaman b'an farisogo la, u bɛɛ ka baara te kelen ye fana.

Kor fɔlɔ 10:17

Buru ye kelen ye, an minw ye mɔgɔ caaman ye, an kɛra farisogo kelen ye, bari an bɛɛ be kori o buru kelen le kan.

Kor fɔlɔ 13:13

Sisan fɛɛn saba nunu le be yen: lanaya, jigi, ani kanuya, nga o fɛɛn saba nunu na, kanuya le be ɲafɛ.

Kor fɔlɔ 8:1

Min ye josɔnsogo koo ye, an y'a lɔn ko an bɛɛ be koo lɔn. Nga lɔnniya be mɔgɔ don yɛrɛboɲa na, kanuya b'an dɛmɛ ka taga ɲa.

Galasikaw 5:22

Nga Nii Senuman be fɛɛn minw di, o ye nin ye: kanuya, nisɔndiya, hɛrɛ, muɲuli, ɲumanya, hinɛ, tilenninya, sabali, ni yɛrɛminɛ.

Galasikaw 5:6

N'an lanin be Yezu Krista la, i kɛnɛkɛnɛna wo, i ma kɛnɛkɛnɛ wo, o si te foyi ye. Min ye koo kuun ye, o ye jigi ye, min b'a to an be koo kɛ kanuya la.

Ɛfɛsikaw 1:4

Bari, ale Krista le barika la Ala y'an woloma kabini diɲɛ ma dan fɔlɔ, waasa an ka kɛ mɔgɔɲumanw ye a ɲakɔrɔ, jalakiyɔrɔ te minw na kanuya barika la.

Ɛfɛsikaw 3:17

janko Krista ka koo ka se ka sigi aw kɔnɔ jigi barika la, kanuyasɔbɛ ka se ka sɔrɔ aw kɔnɔ fɔɔ ka ɲa.

Ɛfɛsikaw 3:7

Ala ye nɛɛma kɛ ne ye a ka sebagaya barika la, ka ne kɛ kibaru diman nin fɔbaga ye.

Ɛfɛsikaw 4:12

A y'o kɛ waasa k'a ka mɔgɔw labɛn u ka se ka baara kɛ, janko Krista farisogo ka barika sɔrɔ.

Ɛfɛsikaw 4:15

Nga n'an be tiɲɛ fɔ kanuya la, an bena se ka taga ɲa fɔɔ ka se ka jɛn ni Krista ye kosɔbɛ, ale min ye Kuntigi ye.

Filipikaw 1:9

Ne be Ala daali aw ye ko a ka dɔ fara aw ka kanuya kan tuma bɛɛ, o ka kɛ lɔnniya ni hakilitigiya la,

Kɔlɔsikaw 2:19

Olu ma sɔn ka nɔrɔ Krista la ale min kɛra kungolo ye, ale min barika la farisogo be kɛ kelen ye k'a ka makoɲafɛnw sɔrɔ fasajuru ni joli siraw fɛ, ka sɔrɔ ka boɲa ka kɛɲɛ ni Ala sago ye.

Kɔlɔsikaw 2:2

waasa olu ka se ka jigitugu sɔrɔ, ani u ka se ka kɛ kelen ye kanuya la, fɛɛn min dogonin tun be Ala fɛ, ka hakili ɲanaman sɔrɔ ka se k'o lɔn, o min ye Krista ye.

Tes fɔlɔ 1:3

Aw lara Ala la ka jija ka baara kɛ a ye, baara gwɛlɛman, kanuya kosɔn cogo min na, ani aw be muɲuna cogo min na Matigi Yezu Krista kosɔn, an hakili b'o bɛɛ la an Faa Ala ɲakɔrɔ.

Tes fɔlɔ 2:13

O kama, an be barika la Ala ye tuma bɛɛ, bari, an ye Ala ka kuma min fɔ aw ye, aw m'o minɛ i n'a fɔ mɔgɔ dalakuma, nga i ko Ala ka kuma yɛrɛ yɛrɛ, a do ye o le ye tiɲɛ na, min be baara kɛ aw kɔnɔ, aw minw lara Yezu la.

Tes fɔlɔ 3:12

Kanuya min be aw ni ɲɔgɔn cɛ, ani mɔgɔ wɛrɛw faan fɛ, Matigi k'o sabati kosɔbɛ i n'a fɔ an b'aw kanu cogo min na.

Tes 2nan 1:3

N balimaw, an ka kan ka barika la Ala ye tuma bɛɛ aw kosɔn la, o ka ɲi. Bari aw jigi lanin lo Matigi kan kosɔbɛ ani kanuya min be aw ni ɲɔgɔn cɛ, o be boɲana ka taga ɲa,

Tim fɔlɔ 1:5

O ladikun ye min ye, o ye ka kanuya sɔrɔ min be bɔ dusu gwɛnin na, ni miiriɲuman na, ani jigisɔbɛ la.

Piy fɔlɔ 1:22

Aw sɔnna Ala ka tiɲɛkuma ma minkɛ, o le y'aw dusu saniya, waasa aw ka se ka ɲɔgɔn kanu badenya la ni kɔnɔgwɛ ye. Aw ka ɲɔgɔn kanu kosɔbɛ n'aw dusu bɛɛ ye.

Zan fɔlɔ 4:16

Ala b'an kanu cogo min na, anw kɔni b'o lɔn, ani anw lara o la. N'i ko Ala, i ko kanuya. Ni mɔgɔ min b'a mɔgɔɲɔgɔn kanu, o tigi nɔrɔnin be Ala la, Ala fana be n'o tigi ye.