Ɛfɛsikaw 4:13 - ALA KA KUMA

¹³ A kɛra ten, an bɛɛ be se ka jɛn ka kɛ kelen ye an jigi barika la ani Ala Dencɛ lɔnniya barika la, ka kɛ mɔgɔkɔrɔbaw ye, ka kɔgɔ fɔɔ ka kɛ mɔgɔdafaninw ye i n'a fɔ Krista.

Jula NT of Côte d’Ivoire

¹³ Ni o kɛra, lanaya baraka ra, ani Den min bɔra Ala ra*, o ta lɔnniya baraka ra, an bɛɛ bɛna kɛ kelen ye, ka kɛ mɔgɔkɔrɔbaw ye, ka se Kirisita yɛrɛ ta dafacogo hakɛya ma.

LAYIDUKURA

¹³ O cogo la, an bɛɛ bɛ se ka jɛn ka kɛ kelen ye an jigi barika la ani Ala Dencɛ lɔnniya barika la, ka kɛ mɔgɔkɔrɔbaw ye, ka kɔgɔ fɔɔ ka kɛ mɔgɔdafaninw ye i n'a fɔ Krista.

Ɛfɛsikaw 4:13 Iomraidhean Croise

Ezayi 53:11

Masaba ko: «N'a ye tɔɔrɔba nin muɲu, a ben'a diya bɔ. Ne ka baarakɛla tilennin sababu la, mɔgɔ caaman bena tilenninya sɔrɔ, ale min y'u ka kojugu kunko ta.

Sofoni 3:9

«O tuma na, ne bena siyaw daa saniya, waasa u bɛɛ ka se ka ne Masaba daali, ani ka ne bato ni dusu kelen ye.

Jakariya 14:9

O tuma na, Masaba bena dugukolo bɛɛ mara. O waati la, Masaba bena kɛ kelen ye mɔgɔ bɛɛ fɛ, ale kelen tɔgɔ le bena fɔ.

Matiyu 11:27

O kɔ, a y'a fɔ mɔgɔw ye ko: «N Faa Ala ye fɛɛn bɛɛ di n ma. Mɔgɔ si te Dencɛ lɔn n'a Faa dɔrɔn tɛ, mɔgɔ si te Faa fana lɔn fɔɔ Dencɛ kelenpe. Ni Dencɛ b'a fɛ mɔgɔ min k'a Faa lɔn, o tigi ben'a lɔn.

Yuhana 1:16

Anw bɛɛ ye duba caaman sɔrɔ a ka nɛɛma barika la.

Yuhana 16:3

U bena o baara sugu nunu kɛ bari u te ne lɔn, u te n Faa fana lɔn.

Yuhana 17:21

janko u bɛɛ ka kɛ kelen ye, n Faa, i n'a fɔ ne ni e ye kelen ye cogo min na. Olu fana ka kɛ kelen ye ten n'an ye, janko diɲɛ mɔgɔw ka l'a la ko e ye ne ci.

Yuhana 17:3

Nii banbali sɔrɔko be bɔ ele lɔnko la, e min ye Ala kelenpe ye, ani ka ne Yezu Krista lɔn, e ye ne min ci.

Yuhana 6:69

Anw kɔni lara e la, an y'a lɔn fana ko i ye Ala ka mɔgɔɲuman ye a ye min ci.»

Kɛwalew 4:32

Mɔgɔ minw tun lara Yezu la, u bɛnnin tun lo kosɔbɛ, miiriya kelen le tun b'u bɛɛ fɛ. U si tun t'a fɔ ko: «N ta.» Nga u ka fɛɛn bɛɛ tun ye foroba ye.

Kor fɔlɔ 1:10

Ne b'aw daali n balimaw, an Matigi Yezu Krista tɔgɔ kosɔn ko aw k'aw daa kɛ kelen ye, farali kana sɔrɔ aw cɛma. Aw ka miiri ka kɛ kelen ye aw ka kolatigɛnin bɛɛ la.

Kor fɔlɔ 14:20

N balimaw, aw ka miiricogo la, aw kana kɛ denmisɛnw ye tugu. Kojugu faan fɛ, ɔnhɔn, aw ka kɛ i n'a fɔ denmisɛnw, nga aw ka miiriya la, aw ka kɛ mɔgɔkɔrɔbaw ye.

Kor fɔlɔ 2:6

Mɔgɔ minw tagara ɲa Krista ka koo la, an kɔni be olu kalan ni lɔnniya ye. O lɔnniya nin te diɲɛ ta ye, walima nin diɲɛ kuntigiw ta, minw ye halakitaw ye.

Kor 2nan 4:6

Bari Ala min tun y'a fɔ ko kɛnɛ ka bɔ dibi cɛma, ale kelen le ye yeelen bɔ an dusu la, waasa mɔgɔw k'a ka nɔɔrɔ ye, min be manamana Krista ɲada kan.

Galasikaw 4:19

Ne deenw halibi, ne be tɔɔrɔ muɲuna aw kosɔn, tɔɔrɔ min ni muso jigibagatɔ ta ye kelen ye, janko Krista ka sigiyɔrɔ sɔrɔ aw kɔnɔ.

Ɛfɛsikaw 1:17

An Matigi Yezu Krista ka Ala, min ye Faa Nɔɔrɔtigi ye, n b'ale daali a ka Nii Senuman di aw ma, min bena lɔnniya di aw ma, k'a ka koo gwɛ aw ye aw ka se k'o lɔn kosɔbɛ,

Ɛfɛsikaw 1:23

min ye ale Krista yɛrɛ fari ye. Krista yɛrɛ dafanin be sɔrɔ ale lo la. Ala be ale Krista min na.

Ɛfɛsikaw 2:15

A y'a kɛ sariya n'a ka ladiliw bɔra seen kan. A kɛra ten, a y'a latigɛ ka zuwifuw ni siya wɛrɛw jɛn k'u kɛ kelen ye a ka jɛnɲɔgɔnya barika la, ka hɛrɛ don u ni ɲɔgɔn cɛ,

Ɛfɛsikaw 4:12

A y'o kɛ waasa k'a ka mɔgɔw labɛn u ka se ka baara kɛ, janko Krista farisogo ka barika sɔrɔ.

Ɛfɛsikaw 4:3

Bɛɛn min be sɔrɔ Nii Senuman fɛ, aw ka banba ka to o la hɛrɛ kosɔn.

Ɛfɛsikaw 4:5

Matigi kelen le be yen, lanaya kelen fana le be yen, ani batizeli kelen le be yen.

Filipikaw 3:10

Ne be min ɲini, o ye nin ye: ka Krista lɔn, ani k'a ka kununni sebagaya lɔn fana, ka tɔɔrɔ i n'a fɔ ale tɔɔrɔla cogo min na, ani a y'a nii di cogo min na, ne fana ka n nii di ten ka sa,

Filipikaw 3:8

Tiɲɛ na, ne sera ka n Matigi Yezu Krista lɔn minkɛ, n'o ye koba ye, o le kama, ne b'o koo bɛɛ filɛ fuu ye. Ale lo kosɔn ne sɔnna ka fɛɛn bɛɛ ye k'o to yen. Ani ne be fɛɛn bɛɛ filɛ i n'a fɔ ɲamaɲama, waasa ne ka Krista sɔrɔ,

Kɔlɔsikaw 1:28

An be ale Krista le koo fɔra mɔgɔ bɛɛ ye, k'u ladi, ani k'u kalan ni hakilitigiya bɛɛ ye, waasa an ka se ka mɔgɔ kelen kelen bɛɛ labɛn u dafanin ka lɔ Ala ɲakɔrɔ Krista barika la.

Kɔlɔsikaw 2:2

waasa olu ka se ka jigitugu sɔrɔ, ani u ka se ka kɛ kelen ye kanuya la, fɛɛn min dogonin tun be Ala fɛ, ka hakili ɲanaman sɔrɔ ka se k'o lɔn, o min ye Krista ye.

Heburuw 5:14

Nga mɔgɔkɔrɔbaw be dumuni gwiliman dumu. U delila o la minkɛ, u ye hakili sɔrɔ ka ɲumaman ni juguman lɔn ka bɔ ɲɔgɔn na.

Piy 2nan 1:4

Olu kama, Ala tun y'a daa di koo minw na, n'u nafa ka bon kosɔbɛ, an sera k'o sɔrɔ. O barika la, an be jɛn ni Ala ye ka kɛ kelen ye, ani ka kisi diɲɛ n'a kɔnɔ nigɛjugu bɛɛ ma.

Piy 2nan 3:18

Nga aw ye jija ka taga ɲa an Matigi n'an kisibaga Yezu Krista ka nɛɛma la ani k'ale Yezu lɔn kosɔbɛ. Boɲa ka la ale kan sisan ani tuma bɛɛ. Amiina!

Zan fɔlɔ 5:20

Anw y'a lɔn fana ko Ala Dencɛ nana diɲɛ na ka hakili d'an ma waasa an ka Tiɲɛtigi lɔn, ale min ye Ala ye. Anw ni Ala yɛrɛ be ɲɔgɔn fɛ a Dencɛ Yezu Krista barika la, ale lo ye Ala ye tigitigi min be nii banbali di.