Ɛfɛsikaw 4:1 - ALA KA KUMA

¹ Ne b'aw daali, ne min be kaso la Matigi kosɔn, ko aw taamacogo ka bɛn n'aw welekun ye,

Jula NT of Côte d’Ivoire

¹ Ayiwa, ne min ye kasoden ye Matigi Yesu tɔgɔ kosɔn, ne bɛ aw daari ko aw ye jija, janko Ala ka aw wele min kama, aw ye tagama ka kaɲa ni o ye.

LAYIDUKURA

¹ Ne b'aw dali, ne min bɛ kaso la Matigi kɔsɔn, ko aw k'aw taamacogo bɛn n'aw ka welekun ye,

Ɛfɛsikaw 4:1 Iomraidhean Croise

Damina 17:1

Abramu saan bi kɔnɔntɔn ni kɔnɔntɔnnan na, Masaba y'a yɛrɛ yira a la k'a fɔ a ye ko: «Ne le ye Setigi Ala ye. I ka taama ne ɲakɔrɔ cogoɲuman na.

Damina 5:24

Enɔki tora o Alaɲasiran na, loon dɔ a ma ye tugu, bari Ala y'a ta.

Yeremi 38:20

Zeremi y'a jaabi ko: «I tena don u bolo. Ne be Masaba ka kuma min fɔra i ye, i tulo malɔ o la, e ta bena ɲa, i bena kisi.

Kɛwalew 9:31

O tuma na, Krista ka jama tun be hɛrɛ la Zude, ni Galile ani Samari mara nunu bɛɛ la. U ka lanaya tun be taga ɲa. U tun be Matigi boɲa. Nii Senuman barika la, u tun be caya ka taga.

Rɔmukaw 11:29

bari ni Ala ye fɛɛn min di, a t'o minɛ tugu, n'a ye weleli kɛ, a t'o yɛlɛma.

Rɔmukaw 12:1

N balimaw, ne b'aw daali Ala ka makari kosɔn ko aw k'aw yɛrɛ kɛ saraka ɲanaman ye, min saniyanin lo, n'a ka di Ala ye: o le bena kɛ aw ka batoli ɲanaman ye.

Kor fɔlɔ 4:16

Ne b'aw daali ko aw ka kɛ ne ladegebagaw ye.

Kor 2nan 10:1

U b'a fɔ ko ne Pɔli kɛra mɔgɔmajiginin ye ni ne be aw cɛma, nga ni n te aw cɛma, n ka fari. Ne yɛrɛ le b'aw daali Krista ka makari n'a ka ɲumanya kosɔn,

Kor 2nan 5:20

An kɛra Krista ka lasigidenw ye aw cɛma, a kɛra i n'a fɔ Ala yɛrɛ le b'aw wele an barika la. An b'aw daali Krista tɔgɔ kosɔn, ko aw ka sɔn ka bɛn ni Ala ye.

Kor 2nan 6:1

An be baara kɛra ni Ala ye, o le kosɔn an b'aw daali ko Ala ye nɛɛma min kɛ aw ye, aw kan'a to o be kɛ gwansan ye,

Galasikaw 4:12

N balimaw, ne b'aw daali ko aw k'aw yɛrɛ kɛ i n'a fɔ ne be cogo min na, bari ne ye n yɛrɛ kɛ i ko aw be cogo min na. Aw ma kojugu si kɛ ne la.

Ɛfɛsikaw 2:10

An ye Ala bulonɔ ye, a y'an dan Yezu Krista barika la kɛwaliɲumanw kama, Ala ye minw latigɛ kabini fɔlɔfɔlɔ janko an k'o kɛ.

Ɛfɛsikaw 3:1

O le y'a to ne Pɔli min be kaso la Yezu Krista kosɔn aw siya wɛrɛw kama,

Ɛfɛsikaw 4:17

Ne be min fɔ aw ye k'a gwɛlɛya Matigi barika la, o ye nin ye: ko aw kana taama i n'a fɔ Alalɔnbaliw be taama cogo min na u ka miiriya fufafu fɛ.

Ɛfɛsikaw 4:4

Farisogo kelen ni Nii kelen le be yen, i n'a fɔ aw welela jigi kelen kama cogo min na.

Ɛfɛsikaw 5:2

Aw ka koo bɛɛ kɛ ni kanuya ye, i n'a fɔ Krista, ale min y'an kanu k'a yɛrɛ di ka kɛ saraka ye an kosɔn min diyara Ala ye i n'a fɔ wusulan.

Filipikaw 1:27

Min ka gwɛlɛ, o ye nin ye: Aw ka taamacogo ka kan ka bɛn Krista ka koo ma, waasa hali ni ne nana aw fɛ, walima ne ma se ka na wo, ne k'a mɛn ko aw jijanin lo, ka bɛn ka baara kɛ ni miiriya kelen ye ani dusu kelen ye kibaru diman kosɔn aw y'aw jigi la min kan.

Filipikaw 3:14

Ne be boli fɔɔ ka se boli daan na, waasa ne ka sini sara sɔrɔ Ala b'an wele min kosɔn Yezu Krista barika la.

Kɔlɔsikaw 1:10

O la, aw taamacogo ka se ka bɛn ni Matigi sago ye, ani aw koo ka diya a ye tuma bɛɛ, aw ka se ka baaraɲuman sifa bɛɛ kɛ, ani ka Ala lɔn kosɔbɛ.

Kɔlɔsikaw 2:6

Aw lara an Matigi Yezu Krista la cogo min na, aw ka taama ka kɛɲɛ n'ale sago ye.

Kɔlɔsikaw 4:12

Epafarasi b'aw fo, ale min ye aw balima dɔ ye, min kɛra Yezu Krista ka baarakɛla ye. A be to ka Ala daali aw ye tuma bɛɛ, waasa aw ka se ka kɔgɔ Ala koo la ani ka sɔn a sago ma kosɔbɛ.

Tes fɔlɔ 2:12

An y'aw ladi, k'aw jaa gwɛlɛya, ani an y'a ɲini aw fɛ kosɔbɛ ko aw k'aw taamacogo bɛn ni Ala sago ye, ale min b'aw wele janko aw ka don a ka masaya la, ani k'a nɔɔrɔ sɔrɔ.

Tes 2nan 1:11

O le y'a to an b'an ka Ala daali aw ye tuma bɛɛ, waasa, Ala y'aw wele kuun min na, aw k'o ɲa. Ani ka see d'aw ma, aw jigi kosɔn, aw b'a fɛ ka koɲuman min kɛ, aw ka se k'o kɛ.

Tim 2nan 1:9

Ale min y'an kisi ani k'an wele ka kɛ a ka siya ye, o ma kɛ an ka kɛwaliɲuman sababu la, nga ale yɛrɛ ka koo latigɛnin, n'a ka nɛɛma sababu lo. A y'o nɛɛma labɛn an ye Yezu Krista barika la kabini diɲɛ ma dan fɔlɔ.

Tite 2:10

ani u kana u soɲa cogo si la. U k'u ka mɔgɔsɔbɛya dafanin yira u la tuma bɛɛ. O la, u bena an kisibaga Ala ka koo boɲa.

Heburuw 13:21

a yɛrɛ ka barika don aw la, aw ka se ka koɲuman sifa bɛɛ kɛ, k'a sago kɛ. Koo min ka di a yɛrɛ ye, a k'o kɛ an ye Yezu Krista barika la. Boɲa ka la ale kan tuma bɛɛ. Amiina.

Heburuw 3:1

O kosɔn, n badenw, Ala ye aw minw wele k'aw kɛ a taw ye, aw ka Yezu filɛ, min ye Ala ka ciden, ni sarakalasebagaw kuntigiba ye Ala ka sira la an be min koo fɔ.

Piy fɔlɔ 2:11

Ne teriɲumanw, aw minw ye tɛmɛbagaw ye diɲɛ na, n b'a ɲini aw fɛ, ko aw k'aw yɛrɛ kɔlɔsi nigɛjuguw ma minw ni Ala ka koo te bɛn dɛ!

Piy fɔlɔ 3:9

Aw kana juguya sara ni juguya ye, walima ka dɔ ka nɛnili segi a ma. Nga e ka duba le kɛ. Bari Ala ye aw minw wele, janko aw k'a ka duba sɔrɔ.

Piy fɔlɔ 5:10

Nga tɔɔrɔ dɔɔni tɛmɛnin kɔ, Nɛɛmatigi Ala min y'aw wele waasa aw k'ale ka nɔɔrɔ banbali ɲɔgɔn sɔrɔ Krista barika la, ale lo bena barika don aw la, ka fanga di aw ma, k'aw lɔ ka ɲa.

Piy 2nan 1:3

Tiɲɛ na, an mako be fɛɛn min na, an ka se ka taama Alaɲasiran na, Matigi y'o bɛɛ d'an ma a ka setigiya barika la, ale min y'an wele k'a ka nɔɔrɔ ni sebagaya d'an ma, waasa an ka se k'ale lɔn kosɔbɛ.

Zan 2nan 1:5

Ayiwa Muso, sisan ne b'a ɲini e fɛ ko an ka ɲɔgɔn kanu. O te cikura ye ni ne b'o fɔra i ye. Nga kɔrɔman lo, an ye min sɔrɔ kabini a daminɛtuma na.