Ɛfɛsikaw 3:19 - ALA KA KUMA

¹⁹ Krista ka kanuya min tɛmɛna lɔnniya bɛɛ kan, aw bena se k'o faamu, ka fa Ala la.

Jula NT of Côte d’Ivoire

¹⁹ Kirisita ta kanuya min tɛmɛna adamaden bɛɛ ta lɔnniya kan, aw bɛna se ka o lɔn, k’a to Ala ye aw jusukun fa o kanuya ra, fɔ ka aw wasa.

LAYIDUKURA

¹⁹ Krista ka kanuya min tɛmɛna lɔnniya bɛɛ kan, aw bɛna se k'o faamu, ka se ka kɛ i n'a fɔ Ala.

Ɛfɛsikaw 3:19 Iomraidhean Croise

Zaburu 17:15

Ne kɔni, tilenninya kosɔn, ne bena i ye. Ne kununtɔ, e yeli dɔrɔn bena ne nisɔndiya kosɔbɛ.

Zaburu 43:4

Ne bena taga e ka sarakabɔyɔrɔ kɔrɔ, ele Ala yɛrɛyɛrɛ kɔrɔ, ne ka nisɔndiya be bɔ ele min fɛ. Ne bena gɔni fɔ k'i tanu, e min ye ne ka Ala ye.

Matiyu 5:6

Tilenninya nigɛ be minw na, olu dagamunin lo, bari u dusu bena fa.

Yuhana 1:16

Anw bɛɛ ye duba caaman sɔrɔ a ka nɛɛma barika la.

Yuhana 17:3

Nii banbali sɔrɔko be bɔ ele lɔnko la, e min ye Ala kelenpe ye, ani ka ne Yezu Krista lɔn, e ye ne min ci.

Rɔmukaw 8:35

Mun le be se k'an faran ka bɔ Krista ka kanuya la? Sigɛn, walima hakiliɲagami? Tɔɔrɔ, walima kɔngɔ? Dɛsɛ, walima farati? Walima n'u b'an faga wa?

Rɔmukaw 8:39

hali fangatigi minw be sanfɛ, walima minw be dugukolo jukɔrɔ, walima danfɛn wɛrɛw, fɛɛn si te yen min be se k'an faran ka bɔ Ala ka kanuya la min yirala an Matigi Yezu Krista sababu la.

Kor 2nan 5:14

Bari Krista ka kanuya sera an kɔrɔ, an minw lar'a la ko ale kelen le sara bɛɛ kosɔn, o kɔrɔ ko bɛɛ fana sara.

Galasikaw 2:20

Hali n'aw y'a ye ko ne be nii na halibi, o te ne yɛrɛ ye tugu, Krista le nii be ne la. Bari n'aw y'a ye ko ne ɲanaman lo farisogo la, o kɛra Ala Dencɛ barika la, ne ye n jigi la min kan. A ye ne kanu fɔɔ k'a yɛrɛ di ne kosɔn.

Ɛfɛsikaw 1:23

min ye ale Krista yɛrɛ fari ye. Krista yɛrɛ dafanin be sɔrɔ ale lo la. Ala be ale Krista min na.

Ɛfɛsikaw 3:18

O la, daan te Krista ka kanuya min na, aw ni Ala ka mɔgɔw bɛɛ bena se k'o faamu.

Ɛfɛsikaw 5:2

Aw ka koo bɛɛ kɛ ni kanuya ye, i n'a fɔ Krista, ale min y'an kanu k'a yɛrɛ di ka kɛ saraka ye an kosɔn min diyara Ala ye i n'a fɔ wusulan.

Ɛfɛsikaw 5:25

Cɛɛw, aw k'aw ka musow kanu, i n'a fɔ Krista ye a ka jama kanu cogo min na, fɔɔ k'a nii di a kosɔn,

Filipikaw 1:7

Tiɲɛ be ne fɛ ka miiri aw la tuma bɛɛ, bari aw koo be ne dusu la. Ka ne to kaso la, walima ne tun be kibaru diman fɔra ka gwɛ mɔgɔw ye tuma min na, janko u k'u jigi l'a kan kosɔbɛ, Ala ye boɲa min la ne kan, aw y'aw niyɔrɔ ta o baara la.

Filipikaw 4:7

O la, Ala ka hɛrɛ min tɛmɛna mɔgɔw ka faamuyali ma, o le bena aw tanga hamikojugu ma, Yezu Krista barika la.

Kɔlɔsikaw 1:10

O la, aw taamacogo ka se ka bɛn ni Matigi sago ye, ani aw koo ka diya a ye tuma bɛɛ, aw ka se ka baaraɲuman sifa bɛɛ kɛ, ani ka Ala lɔn kosɔbɛ.

Piy fɔlɔ 1:8

Aw ɲaa ma la a kan, nga a koo do diyara aw ye. Aw y'aw jigi la a kan, k'a sɔrɔ aw m'a ye fɔlɔ, ka nisɔndiya kosɔbɛ nisɔndiya min te se ka lakali.

Piy 2nan 3:18

Nga aw ye jija ka taga ɲa an Matigi n'an kisibaga Yezu Krista ka nɛɛma la ani k'ale Yezu lɔn kosɔbɛ. Boɲa ka la ale kan sisan ani tuma bɛɛ. Amiina!