Ɛfɛsikaw 3:16 - ALA KA KUMA

¹⁶ A ka ɲumanya ka bon. O la, ne b'a daali a ka fanga di aw ma k'aw jaa gwɛlɛya a ka Nii Senuman barika la,

Jula NT of Côte d’Ivoire

¹⁶ Ne bɛ a daari ko a ta Nin Saninman* ye baraka don aw jusukun na, ka kaɲa ni a ta nɔɔrɔ bonya ye,

LAYIDUKURA

¹⁶ A ka nyumanya ka bon. O la, ne b'a dali a ka fanga di aw ma k'aw jaa gwɛlɛya a ka Nii Senuman barika la,

Ɛfɛsikaw 3:16 Iomraidhean Croise

Ayuba 23:6

A tun ben'a barika bɛɛ le yira ne kitiko la wa? Ayi, nga a daan ye k'a tulo malɔ ne fɛ dɔrɔn.

Zaburu 138:3

Tuma min na ne y'i daali, i ye ne jaabi. I ye ne jigi tugu, barika sɔrɔla.

Zaburu 28:8

Ale lo be fanga di a ka jama ma. A ka mɔgɔwolomanin dogoyɔrɔ n'a kisiyɔrɔ lo.

Ezayi 41:10

Aw kana siran, bari, ne be ni aw ye, aw hakili kana ɲagami, bari, ne le ye aw ka Ala ye. Ne be barika don aw la, ne b'aw dɛmɛ. Ne b'aw tanga ka see d'aw ma ni ne ka sebagaya ye.

Yeremi 31:33

O loonw tɛmɛnin kɔ, ne bena bɛɛn min kɛ ni Isirayɛlidenw ye, o filɛ. Ne bena n ka sariya don u kɔnɔ, ne ben'a sɛbɛ u dusu la. Ne bena kɛ u ka Ala ye, u bena kɛ ne ka mɔgɔw ye. Ne Masaba le ko ten.

Jakariya 10:12

Ne bena fanga d'u ma. U bena taama ne sago la.» Masaba le ko ten.

Matiyu 6:13

Kan'a to kɔrɔbɔli ka se an ma, nga an tanga kojugu ma. Bari masaya ni sebagaya ani nɔɔrɔ y'i ta ye waati bɛɛ. Amiina.›

Rɔmukaw 2:29

Nga zuwifuya yɛrɛ yɛrɛ ye kɔnɔnako ye, kɛnɛkɛnɛkoɲuman ye dusulako ye Nii Senuman barika la, o te sariyako ye. O zuwifu ɲɔgɔn ka boɲako te bɔ mɔgɔ fɛ, nga Ala fɛ.

Rɔmukaw 7:22

Ne dusu la kɔni, Ala ka sariya koo ka di ne ye.

Rɔmukaw 9:23

A y'o kɛ janko k'a ka ɲumanya dafanin yira dagaw la, a makarila minw na. A tun kɔnna ka olu minw labɛn boɲa kama.

Kor fɔlɔ 16:13

Aw labɛnnin ka to, aw ye jija aw jigi ka to Ala kan kosɔbɛ, aw ka kɛ mɔgɔ jagwɛlɛnw ye, ani ka barika don aw yɛrɛ la.

Kor 2nan 12:9

Nga a ye ne jaabi ko: «N ka nɛɛma b'i wasa, ne be n ka sebagaya yira i ka dɛsɛwaati la.» O le y'a to ne bena n yɛrɛ boɲa ne ka tɔɔrɔkow le la, waasa Krista ka sebagaya ka to ne fɛ.

Kor 2nan 4:16

O le y'a to an jigi te tigɛ fewu, hali n'an yɛrɛ farisogo be cɛn ka taga, an nii be lakuraya loon o loon.

Ɛfɛsikaw 1:18

ani k'aw hakili yɛlɛ, aw welela fɛɛn min kama, aw ka se k'o faamu. A ye fɛnɲuman min labɛn a ka mɔgɔw ye, aw k'o nafa lɔn,

Ɛfɛsikaw 1:7

Ale Krista ka saya barika la an kunmabɔra, an ka filiw yafara ka kɛɲɛ ni Ala ka nɛɛma dafanin ye.

Ɛfɛsikaw 2:7

O le y'a to, a tun y'a latigɛ k'a ka nɛɛma dafanin kɛ waati nataw la an faan fɛ, min ɲɔgɔn tɛ, a ka ɲumanya kosɔn Yezu Krista barika la.

Ɛfɛsikaw 3:15

sankololafɛn ni dugukolo kan fɛɛnw bɛɛ b'u tɔgɔ sɔrɔ ale min fɛ.

Ɛfɛsikaw 3:8

Ne min ye Ala ka mɔgɔw bɛɛ la kɔmɔgɔ ye. O bɛɛ n'a ta, Ala ye nɛɛma kɛ ne ye waasa ne ka Krista ka ɲumanya fɔ siya wɛrɛw ye, daan te ɲumanya min na.

Ɛfɛsikaw 6:10

Ayiwa, aw k'aw jija Matigi ka koo la a ka sebagaya dafanin barika la.

Filipikaw 4:13

Krista min be see di ne ma, ale barika la ne be se ka o koow bɛɛ kɛ.

Filipikaw 4:19

Ne ka Ala bena aw mako ɲa, ka kɛɲɛ n'a ka fɛntigiya dafanin ye Yezu Krista barika la.

Kɔlɔsikaw 1:11

An b'a daali ko a ka fanga d'aw ma kosɔbɛ a ka sebagayaba barika la, o la, aw bena se k'aw jija ka koo bɛɛ muɲu ni nisɔndiya ye.

Kɔlɔsikaw 1:27

A b'a fɛ ka o koo dogonin ɲumanya yira siyaw cɛma, min ye nin ye: Krista be aw cɛma, ale kɛra aw jigi ye ko aw bena nɔɔrɔ sɔrɔ sini.

Kɔlɔsikaw 2:2

waasa olu ka se ka jigitugu sɔrɔ, ani u ka se ka kɛ kelen ye kanuya la, fɛɛn min dogonin tun be Ala fɛ, ka hakili ɲanaman sɔrɔ ka se k'o lɔn, o min ye Krista ye.

Tim 2nan 4:17

Nga Matigi yɛrɛ le tora ne fɛ ka fanga di ne ma, fɔɔ a kɛra ten, ne sera ka Ala ka kuma fɔ u ye ka gwɛ. A kɛra ten, siya tɔw bɛɛ y'o mɛn, ani ne kisira jara daa ma.

Heburuw 11:34

tasuma dɛsɛra u kɔrɔ, u kisira murujan ma, u ye barika sɔrɔ bana sɔrɔnin kɔ. U kɛra kɛlɛdenŋanaw ye, u y'u juguw gwɛn.

Piy fɔlɔ 3:4

Nga, aw ka kɛ sɔnɲumantigiw ye, hakili siginin, minw ka koo ka nɔgɔ. O le ka di Ala ye haali.