Ɛfɛsikaw 2:2 - ALA KA KUMA

² aw tun be minw kɛ fɔlɔfɔlɔ, ka kɛɲɛ ni adamadenya ye, ani sanfɛ jinaw kuntigi ta ye fana, min be baara kɛ ni mɔgɔmurutininw ye halibi.

Jula NT of Côte d’Ivoire

² Aw tun bɛ tagama o terenbariyakow, ani o jurumunw le ra, ka kaɲa ni nin dunuɲa ta cogo ye, ani ka kaɲa ni dunuɲa fanga ta kuntigiba sago ye; mɔgɔ minw bɛ muruti Ala ma, o nin le bɛ baara kɛ olugu kɔnɔ.

LAYIDUKURA

² aw tun b'o minw kɛ fɔlɔfɔlɔ, ka kɛnyɛ ni adamaden cogo, ani jinaw kuntigi min bɛ sanfɛ ta ye fana, o min bɛ baara kɛ ni mɔgɔmurutininw ye halibi.

Ɛfɛsikaw 2:2 Iomraidhean Croise

Ayuba 1:16

K'ale to kuma na, dɔ wɛrɛ nan'a fɔ ko: «Sanpɛrɛn jigira ka sagaw n'i ka baaradenw jɛni, k'u mugumugu. Ne kelen le sera ka boli, ko n ben'a fɔ i ye.»

Ayuba 1:19

fɔɲɔba dɔ bɔra kongokolon faan fɛ ka na soo nin gosi, a benna u kan, u sara. Ne kelen le sera ka boli ka bɔ, ko n ben'a fɔ i ye.»

Ayuba 1:7

Masaba y'a ɲininga ko: «E bɔra min?» Sutana y'a jaabi ko: «N bɔra diɲɛ yaalayɔrɔ, ne munumununa yen.»

Ayuba 31:7

Ni ne ye siraɲuman bila, ni ne tugura n ɲaa nigɛ kɔ, ni ne ye n yɛrɛ nɔgɔ koo dɔ la,

Zaburu 17:14

Masaba, u halaki n'i ka sebagaya ye. U tunu ka bɔ dugukolo kan, u kana sɔrɔ ɲanamanw cɛma. I ye jii fariman min labɛn u ye, a to u b'o min ka fa. U deenw fana k'a min ka fa, k'a tɔɔ to u deenw ye.

Ezayi 30:1

Masaba ko: «Bɔnɛ ye mɔgɔmurutininw ta ye! U be koow latigɛ minw te ne sago ye. U be bɛn ni mɔgɔ dɔw ye k'a sɔrɔ o miiriya ma bɔ ne fɛ. U b'a la ka kojugu fara kojugu kan dɔrɔn.

Ezayi 57:4

Aw b'aw ɲaa donna jɔn na? Aw be yɛlɛla jɔn ma ka to k'aw nɛɛn bɔ k'a don? Aw te deen murutininw ye wa? Galontigɛla deenw!

Yeremi 23:10

Bari jamana fanin be kakalaw la. Jamana be dusukasi la danga kosɔn, kongokolon kɔnɔ biinw jara. Mɔgɔw be boli kojugu le nɔɔ fɛ, u b'u jija tilenbaliyakow la.

Oze ta kitabu 10:9

Masaba y'a fɔ ko: «K'a ta Gibeya dugu ka koo kɛwaati la, Isirayɛlidenw be hakɛ la, u ma yɛlɛma. Yala, juguw ka kɛlɛ tena se u ma Gibeya le wa?

Matiyu 11:19

Mɔgɔ Dencɛ nana, a be dumuni kɛ ka minni kɛ, mɔgɔw ko cɛɛ nin ye nugubagatɔ ni dɔrɔtɔ ye. U ko lɛnpominɛlaw ni hakɛkɛlaw teri lo. Nga, lɔnniya ka kɛtaw b'a ka tilenninya yira.»

Matiyu 13:22

Min bɔnin be ŋɔni yɔrɔ fɛ, o ye mɔgɔ ye min b'o kuma mɛn, nga, diɲɛ hamiko, ni nafoloko b'o kuma nagasi fɔɔ nafa dɔɔni yɛrɛ te sɔrɔ a la.

Matiyu 13:38

Foro nin, o ye diɲɛ ye. Sumansi, o ye Ala ka mɔgɔw ye. Binjugu nin, o ye Sutana ka mɔgɔw ye.

Marika 4:19

diɲɛ hamikow, ni nafoloko, ani fɛɛn wɛrɛw nigɛ b'o kuma nagasi fɔɔ nafa dɔɔni yɛrɛ te sɔrɔ a la.

Luka 16:8

«Cɛɛ namaratɔ nin kuntigi y'a tanu a ka cekuya kosɔn. Tiɲɛ na, nin diɲɛ mɔgɔw be koow kɛ ni cekuya ye u ni ɲɔgɔn cɛ ka tɛmɛ Alalɔnbagaw kan.»

Luka 22:31

Yezu y'a fɔ ko: «Simɔn, Simɔn, Sutana ye sira ɲini waasa k'i yuguyugu i n'a fɔ mɔgɔ be mugu tɛntɛn cogo min na,

Yuhana 12:31

Diɲɛ kitiwaati sera sisan yɛrɛ, diɲɛ nin kuntigi bena gwɛn ka bila kɛnɛma.

Yuhana 13:2

K'u to dumuni na, ale n'a ka kalandenw, o y'a sɔrɔ Sutana tun ye Simɔn deen Zuda Isikariyɔti kɔnɔ fa ka ban ni Yezu janfako ye.

Yuhana 13:27

A ye lɔgɔma nin di tuma min na, o waati yɛrɛ la Sutana y'a daminɛ ka baarajugu kɛ Zuda dusu la. Yezu y'a fɔ a ye ko: «E b'a fɛ ka fɛɛn min kɛ, i ka banba k'o kɛ.»

Yuhana 14:30

K'a ta sisan ma, ne tena kuma caaman fɔ aw ye tugu, bari diɲɛ nin kuntigi be nana. A te se ne kɔrɔ.

Yuhana 15:19

N'aw tun ye diɲɛ ta ye, diɲɛ mɔgɔw tun bena aw kanu, nga aw te diɲɛ ta ye. Ne le y'aw woloma ka bɔ diɲɛ mɔgɔw la, o le kama, diɲɛ mɔgɔw b'aw kɔniya.

Yuhana 16:11

Min ye kitiko ye, a ben'a yira u la ko Ala ye diɲɛ nin kuntigi kiti ka ban.

Yuhana 7:7

Adamadenw kɔni te se k'aw kɔniya. Nga u be ne kɔniya, bari ne be to k'a fɔ k'u ka kɛwaliw ka jugu.

Yuhana 8:23

Yezu y'u jaabi ko: «Aw ye dugukolo kan mɔgɔw ye, nga ne bɔra sankolo la. Aw ye diɲɛ nin mɔgɔw ye. Nga, ne te yan mɔgɔ ye.

Yuhana 8:44

Aw faa ye Sutana le ye. Aw do b'a fɛ k'ale sago le kɛ. Kabini diɲɛ daminɛtuma na, ka mɔgɔ nii bɔ, o le kɛra a sago ye. A ma sɔn ka tiɲɛ fɔ ka ye, bari tiɲɛtigi tɛ. N'a be kuma o kuma fɔ, o bɛɛ be kɛ galon ye, bari, ale yɛrɛ le ye galon faa ye.

Kɛwalew 19:35

Cɛɛ min tun be to ka dugu ɲɔgɔnyebaw kunnafoniw sɛbɛn, ale sera ka mɔgɔw mala u jera. A ye kuma ta k'a fɔ ko: «N badenw, an ka joba, min ye Aritemi ye, mɔgɔ jumɛn be yen n'a t'a lɔn ko a juu maranin tɛ an Efɛzikaw fɛ? A jaa min bɔra sankolo la ka ben an fɛ yan, jɔn t'o kala ma Efɛzi?

Kɛwalew 5:3

O la, Piyɛri y'a fɔ a ye ko: «Ananiyasi, a kɛra di i y'a to Sutana sera i kɔrɔ fɔɔ i be galon tigɛ Nii Senuman ye? Mun na i ye foro nin sɔngɔ dɔ dogo?

Rɔmukaw 12:2

Aw kana aw yɛrɛ kɛɲɛ ni bii diɲɛ ye, nga aw ye hakilikura min sɔrɔ, aw jogo ka yɛlɛma ka kɛɲɛ n'o ye, janko aw ka se ka Ala sago lɔn, o min ye koɲuman ye, min ka di Ala ye, n'a dafanin be.

Kor fɔlɔ 5:10

Ne kaan te diɲɛ kakalaw ma, walima sɔnjuguw, walima soonw, walima josɔnlaw ma dɛ, bari o te se ka kɛ n'aw ma bɔ diɲɛ na.

Kor fɔlɔ 6:11

Aw dɔw tun be ten fana, nga aw saniyara ka kɛ Ala taw ye, ani ka kɛ mɔgɔtilenninw ye, an Matigi Yezu Krista tɔgɔ la ani an ka Ala ka Nii Senuman barika la.

Kor 2nan 4:4

Minw te la Ala la, diɲɛ kuntigi Sutana ye olu hakili dibi waasa u ka na se ka kibaru diman yeelen ye min be Krista ka nɔɔrɔ yira, ale min ye Ala jaa ye.

Galasikaw 1:4

Ale Krista min y'a yɛrɛ nii di k'an kunmabɔ an ka hakɛw la, waasa k'an tila ka bɔ bii diɲɛ juguman nin bolo, ka kɛɲɛ n'an Faa Ala sago ye.

Ɛfɛsikaw 1:21

A siginin be fangatigi yebaliw ni kuntigiw ani setigiw ni masaw bɛɛ kunna, ani tɔgɔ wɛrɛ min be se ka wele bii diɲɛ, ani diɲɛ nata la, a b'u bɛɛ kunna.

Ɛfɛsikaw 2:11

Aw tun be cogo min na fɔlɔ la, aw k'aw hakili jigi n'o ye. Aw te zuwifuw ye. Zuwifuw b'aw wele ko kɛnɛkɛnɛbaliw, k'u yɛrɛ wele ko kɛnɛkɛnɛninw, k'a sɔrɔ u ka kɛnɛkɛnɛko kɛra adamaden bulonɔ ye.

Ɛfɛsikaw 2:13

Aw yɔrɔ tun ka jan Ala la, nga sisan, aw gwɛrɛla a la Yezu Krista kosɔn a joli barika la.

Ɛfɛsikaw 2:3

An fana, an bɛɛ tun kɛra i ko olu, an tun b'an ta farisogo nigɛlakow fɛ, k'a sago kɛ, ani k'an yɛrɛ ka miiriya kɛ. Ka kɛɲɛ n'an cogo ye, Ala tun be dimi an kɔrɔ i n'a fɔ tɔw fana.

Ɛfɛsikaw 4:17

Ne be min fɔ aw ye k'a gwɛlɛya Matigi barika la, o ye nin ye: ko aw kana taama i n'a fɔ Alalɔnbaliw be taama cogo min na u ka miiriya fufafu fɛ.

Ɛfɛsikaw 4:22

O la, aw k'aw jogokɔrɔ bila, min tun ye juguya ni nigɛjuguw ye, olu sababu la, aw tun be fili.

Ɛfɛsikaw 5:6

Aw kana sɔn mɔgɔ si k'aw ɲagami n'a ka kuma fufafu ye, bari o ɲɔgɔn le b'a to Ala be dimi a ka kuma batobaliw fɛ.

Ɛfɛsikaw 5:8

Fɔlɔfɔlɔ, aw kɔnɔ tun finnin lo, sisan aw kɔnɔ gwɛnin lo Matigi barika la. Mɔgɔ minw kɔnɔ gwɛnin lo, aw ka taama i n'a fɔ olu,

Ɛfɛsikaw 6:12

Bari an te kɛlɛ kɛ ni adamadenw ye, nga an be kɛlɛ kɛ ni diɲɛjugu kuntigiw ye, ni sanfɛ fangatigiw, ni setigi minw be dibi la, ani nijugu minw be sankolo la.

Kɔlɔsikaw 1:21

Aw minw yɔrɔ tun ka jan Ala la fɔlɔfɔlɔ, ani aw tun ye Ala juguw ye aw ka miiriya, n'aw ka kɛwalijuguw kosɔn,

Tim 2nan 4:10

Demasi faranna ne la bari a ye diɲɛ kanu ka tɛmɛ, a tagara Tesaloniki. Keresan tagara Galati mara la, Titi fana tagara Dalimati mara la.

Yakuba 1:27

Alasira taamacogo min tilennin be, ni fiɲɛ t'a la an Faa Ala ɲakɔrɔ, o filɛ: e k'i janto falatɔw ni firiyamusow la u ka tɔɔrɔ tuma na. Ani e k'i yɛrɛ tanga diɲɛ koo nɔgɔninw bɛɛ ma.

Yakuba 1:7

O tigi kan'a miiri ko a bena fɛɛn dɔ sɔrɔ Matigi fɛ.

Yakuba 4:4

Aw tilenbali nunu! Aw m'a lɔn ko ni mɔgɔ min ye diɲɛ koo diya a yɛrɛ ye, k'o tigi ni Ala te bɛn wa? Ayiwa, ni mɔgɔ min be diɲɛ koo diya a yɛrɛ ye, o tigi b'a yɛrɛ kɛ Ala jugu ye.

Piy fɔlɔ 1:14

Aw ka mɛnni kɛ Ala fɛ i n'a fɔ denɲumanw. Aw kana taama nigɛlafɛnw kɔ i n'a fɔ aw tun b'a kɛ cogo min na k'aw to kolɔnbaliya la.

Piy fɔlɔ 4:3

Aw y'aw yɛrɛ nigɛlako minw kɛ ka tɛmɛ, o b'aw bɔ, i n'a fɔ kakalaya, nigɛjuguw, dɔrɔtɔya, nugubatɔya, dɔrɔminkojugu, ani subagaya i n'a fɔ Alalɔnbaliw b'a kɛ cogo min na.

Piy 2nan 2:14

Kakalaya nigɛ te bɔ u la, u be hakɛ kɛ tuma bɛɛ. Fanga te minw na, u be olu kunna cɛn. Wariko ka di u ye kojugu. U danganin lo.

Zan fɔlɔ 3:10

Ala deenw ni Sutana ka mɔgɔw be lɔn ka bɔ ɲɔgɔn na kɛwali nunu le fɛ. Mɔgɔ o mɔgɔ te tilenninya sira taama, ani n'a t'a mɔgɔɲɔgɔn kanu, o tigi te Ala ta ye.

Zan fɔlɔ 3:8

Min be to ka hakɛ kɛ, o tigi ye Sutana ka mɔgɔ ye, bari Sutana ye hakɛkɛla ye kabini fɔlɔfɔlɔ. Ala Dencɛ nana, waasa ka Sutana ka kɛwaliw cɛn.

Zan fɔlɔ 4:4

Ne deenw, aw kɔni ye Ala taw ye. Aw sera kira nunu kɔrɔ bari Nii Senuman be ni aw ye. Ale fanga ka bon ni Sutana ta ye, min be diɲɛ kɔnɔ.

Zan fɔlɔ 5:19

Anw y'a lɔn ko anw ye Ala deenw ye. Nga diɲɛ kɔnɔ fɛɛn tɔw bɛɛ be Sutana sago kɔrɔ.

Zan fɔlɔ 5:4

bari mɔgɔ min ye Ala deen ye ka ban, o tigi sera diɲɛ kɔrɔ. Lanaya min b'an na, o le b'a to an be se diɲɛ kɔrɔ.

Yirari 12:9

Misɛli ye Sogojuguba nin n'a kɔmɔgɔw gwɛn ka jigi dugukolo kan. U b'ale Sogojugu nin le wele fana ko sakɔrɔ, jinaw kuntigi, Sutana, diɲɛ ɲagamibaga.

Yirari 13:14

Sebagaya min dir'a ma, a y'o ta ka kabakow kɛ ka mɔgɔ caaman lafili Sogo fɔlɔ nin ɲana. A y'a fɔ mɔgɔw ye k'u ka Sogo fɔlɔ nin jaa dilan k'a boɲa, Sogo min tun mandimina n'a ma sɔrɔ ka sa.

Yirari 13:8

U tun ye Sagaden min faga kabini diɲɛ dantuma, mɔgɔ minw tɔgɔ te nii banbali sɛbɛ kɔnɔ, olu bɛɛ bena sogo nin bato.

Yirari 16:17

O kɔ, mɛlɛkɛ wolonwulanan y'a ta yɛlɛma fɔɲɔ na. Kumakanba dɔ bɔra masasigilan yɔrɔ la Alabatoso kɔnɔ ko: «A bɛɛ dafara sisan.»

Yirari 20:2

A ye Sogojugu nin minɛ, min ye sakɔrɔ nin ye, n'o ye Sutana ye fana. A y'a minɛ ka jɔrɔkɔ kɛ a la, a ka kan ka saan waa kelen kɛ jɔrɔkɔ la.