Ɛfɛsikaw 2:11 - ALA KA KUMA

¹¹ Aw tun be cogo min na fɔlɔ la, aw k'aw hakili jigi n'o ye. Aw te zuwifuw ye. Zuwifuw b'aw wele ko kɛnɛkɛnɛbaliw, k'u yɛrɛ wele ko kɛnɛkɛnɛninw, k'a sɔrɔ u ka kɛnɛkɛnɛko kɛra adamaden bulonɔ ye.

Jula NT of Côte d’Ivoire

¹¹ Ayiwa, aw ye aw hakiri to a ra ko aw tun ye siya wɛrɛ mɔgɔw* le ye fɔlɔfɔlɔ. Yahudiya minw ko, ko olugu kɛnɛsigira, olugu tun bɛ aw le jatera kɛnɛsigibariw ye, k’a sɔrɔ o nɔ min bɛ olugu farisogo ra, o ye mɔgɔ boronɔ dama le ye.

LAYIDUKURA

¹¹ Aw ma kɛ Zuwifuw ye. Zuwifuw b'aw wele ko kɛnɛkɛnɛbaliw, k'u yɛrɛ wele ko kɛnɛkɛnɛninw, k'a sɔrɔ u ka kɛnɛkɛnɛko kɛra adamaden bolonɔ ye. Aw tun bɛ cogo min na fɔlɔ la, aw k'aw hakili jigi o la.

Ɛfɛsikaw 2:11 Iomraidhean Croise

Ezekiyɛli 20:43

K'aw to o yɔrɔ la, aw hakili bena jigi aw taamacogo la, ani aw ye koo minw bɛɛ kɛ k'aw yɛrɛ nɔgɔ. Aw bena ɲugu aw yɛrɛ la aw ka kojugu kosɔn.

Ezekiyɛli 36:31

O tuma na, aw hakili bena jigi aw taamacogojugu n'aw ka kɛwalijuguw la. Aw bena ɲugu aw yɛrɛ la, aw ka kojuguw bɛɛ kosɔn.

Matiyu 20:7

U y'a jaabi k'u ma baara sɔrɔ mɔgɔ si fɛ. A y'a fɔ olu ye k'u ka taga baara kɛ ale ka foro la.

Rɔmukaw 11:17

Isirayɛlidenw be i n'a fɔ olivuyiri min tutunin bɛ foro kɔnɔ, aw siya wɛrɛw be i n'a fɔ waga kɔnɔ ta. U ye foro kɔnɔ ta bolo dɔw tigɛ, k'aw ta ka nɔrɔ o nɔɔ na janko aw ka nɛɛma sɔrɔ o juu fɛ.

Rɔmukaw 2:26

Ni kɛnɛkɛnɛbali be sariya sira taama, a tena jati mɔgɔkɛnɛkɛnɛnin ye wa?

Rɔmukaw 2:27

E min be sariya cɛn, kɛnɛkɛnɛbali min be sariya bato, ale bena i jalaki. K'a sɔrɔ a sɛbɛ b'i bolo, i kɛnɛkɛnɛni lo fana.

Kor fɔlɔ 12:2

Aw y'a lɔn ko aw tun te Ala lɔn tuma min na, aw tun be tugura joow kɔ dɔrɔn minw te se ka kuma yɛrɛ.

Kor fɔlɔ 6:11

Aw dɔw tun be ten fana, nga aw saniyara ka kɛ Ala taw ye, ani ka kɛ mɔgɔtilenninw ye, an Matigi Yezu Krista tɔgɔ la ani an ka Ala ka Nii Senuman barika la.

Galasikaw 2:15

An kɔni, an wolola zuwifuya la, an te siya wɛrɛw ye minw be jati hakɛkɛlaw ye.

Galasikaw 6:12

Yɛrɛyirabagaw le b'a fɛ aw ka kɛnɛkɛnɛ wajibi. U ka koo bɛɛ kuun ye nin ye: waasa u kana tɔɔrɔ sɔrɔ Krista kosɔn.

Ɛfɛsikaw 2:2

aw tun be minw kɛ fɔlɔfɔlɔ, ka kɛɲɛ ni adamadenya ye, ani sanfɛ jinaw kuntigi ta ye fana, min be baara kɛ ni mɔgɔmurutininw ye halibi.

Ɛfɛsikaw 5:8

Fɔlɔfɔlɔ, aw kɔnɔ tun finnin lo, sisan aw kɔnɔ gwɛnin lo Matigi barika la. Mɔgɔ minw kɔnɔ gwɛnin lo, aw ka taama i n'a fɔ olu,

Sariya 15:15

Aw hakili ka to a la ko aw tun ye jɔɔnw ye Ezipiti, ani ko Masaba aw ka Ala y'aw hɔrɔnya. O kosɔn, ne be nin fɔ aw ye bii.

Sariya 16:12

Aw k'aw hakili jigi a la ko aw tun ye jɔɔnw ye Ezipiti. Aw k'aw jija ka sariya kuma nunu mara.

Sariya 5:15

Aw kana ɲinɛ ko aw tun ye jɔɔnw ye Ezipiti, ani ko ne Masaba aw ka Ala y'aw bɔ n ka sebagaya barika la. O kosɔn, n y'a ɲini aw fɛ ko aw ka lafiɲɛlon bato.

Sariya 8:2

Aw k'aw hakili to taamajan nin na, Masaba aw ka Ala y'a kɛ aw ye min kɛ saan bi naani, kongokolon kɔnɔ. A y'o kɛ janko k'aw majigi k'a filɛ min b'aw kɔnɔ na, ni aw tun bena sɔn k'a ka kuma bato, walima n'aw tun tena sɔn.

Sariya 9:7

«Aw ye Masaba aw ka Ala dusu gwan cogo min na k'aw to kongokolon kɔnɔ, aw k'aw hakili to o la, aw kana ɲinɛ o kɔ. Kabini aw bɔtuma Ezipiti fɔɔ ka na se yan, aw b'a la ka muruti Masaba ma.

Filipikaw 3:3

Bari mɔgɔ minw kɛnɛkɛnɛna sɔbɛ la, o ye anw le ye, an minw be Ala bato a ka Nii barika la, k'an ka boɲa sɔrɔ Yezu Krista barika la, an minw t'an jigi la an yɛrɛ kan.

Kɔlɔsikaw 1:21

Aw minw yɔrɔ tun ka jan Ala la fɔlɔfɔlɔ, ani aw tun ye Ala juguw ye aw ka miiriya, n'aw ka kɛwalijuguw kosɔn,

Kɔlɔsikaw 2:11

Ale barika la aw kɛnɛkɛnɛna. O kɛnɛkɛnɛ nin ma kɛ mɔgɔ sababu la, nga o kɛra Krista ta ye, o kɔrɔ ko aw jogojugu yɛlɛmana.

Kɔlɔsikaw 2:13

Aw minw tun ye suuw ye aw ka kojugu kosɔn, ani aw ka kɛnɛkɛnɛbaliya kosɔn, Ala y'aw kunun n'a ye. A y'an ka kojugu bɛɛ yafa.

Kɔlɔsikaw 3:11

O la, danfara te siya wɛrɛ ni zuwifu cɛ, kɛnɛkɛnɛninw ni kɛnɛkɛnɛbaliw cɛ, lonanw ni siyajuguw cɛ, jɔɔnw ni hɔrɔnw cɛ. Krista ye fɛɛn bɛɛ ye, a be bɛɛ la.

Sam fɔlɔ 17:26

Dawuda y'a fɔ a gɛrɛfɛmɔgɔw ye ko: «Ni mɔgɔ min sera ka filisicɛ nin faga ka maloya bɔ Isirayɛlidenw kan, u bena mun le kɛ o tigi ye? Filisicɛ nin ye jɔn ye, kɛnɛkɛnɛbali nin, n'a be Ala ka jama darabɔ ten?»

Sam fɔlɔ 17:36

I ka baaraden tun sera ka jara ni wara faga. O cogo kelen na, a bena se filisicɛ kɛnɛkɛnɛbali nin kɔrɔ fana i n'a fɔ wara nunu dɔ, bari a be Ala ka kɛlɛdenw darabɔra.