Ɛfɛsikaw 1:7 - ALA KA KUMA

⁷ Ale Krista ka saya barika la an kunmabɔra, an ka filiw yafara ka kɛɲɛ ni Ala ka nɛɛma dafanin ye.

Jula NT of Côte d’Ivoire

⁷ Yesu Kirisita jori baraka ra, Ala ka an kunmabɔ, ka an ta jurumun yafa, ka kaɲa ni a ta nɛɛmaba ye.

LAYIDUKURA

⁷ Ale Krista ka saya barika la an kunmabɔra, an ka kojugu yafara ka kɛnyɛ ni Ala ka makari dafanin ye.

Ɛfɛsikaw 1:7 Iomraidhean Croise

Ayuba 33:24

Mɛlɛkɛ be makari a la k'a fɔ Ala ye ko: ‹Makari a la. Kan'a to a be sa, ne y'a kunmabɔfɛn sɔrɔ.›

Zaburu 130:4

Nga i be yafa, o la, boɲa ka kan ka la i kan.

Zaburu 130:7

Isirayɛlidenw, aw k'aw jigi la Masaba kan, bari a ka ɲi, a be se k'aw kunmabɔ.

Zaburu 86:5

Matigi, e ka ɲi, e be yafa. E be ɲumanya kɛ i daalibagaw ye kosɔbɛ.

Bɔri 34:7

A b'a ka ɲumanya yira adamadenw kɔmɔgɔw la fɔɔ *filankuru caaman. A be tilenbaliyako, ni murutili, ani hakɛ yafa. Nga a te tiɲɛ di mɔgɔ ma, ni tiɲɛ t'a fɛ. A be faaw ka tilenbaliya juru sara u deenw n'u mamadenw ani u tulomasamaw na.»

Ezayi 43:25

O bɛɛ n'a ta, ne yɛrɛ le b'aw ka kojuguw yafa n yɛrɛ kosɔn, n be ɲinɛ n'aw ka kojuguw ye kɔ.

Yeremi 31:34

U tena u tɔɲɔgɔnw, walima u balimaw kalan k'a fɔ ko: ‹Aw ka Masaba lɔn,› bari, bɛɛ bena ne lɔn, denmisɛnw fara mɔgɔkɔrɔbaw kan. Bari, ne bena u ka juguya yafa. Ne hakili tena jigi u ka hakɛw la tugu.» Masaba le ko ten.

Daniyɛli 9:19

Matigi, i tulo malɔ! Matigi, yafa! Matigi, mɛnni kɛ kosɔbɛ! Koo dɔ kɛ, kana mɛn! A kɛ i yɛrɛ kama. Ne ka Ala, bari i tɔgɔ lara dugu nin, n'i ka jama kan.»

Daniyɛli 9:9

An murutira i ma, Matigi an ka Ala, nga i ka ɲi, i be yafa.

Yunusu 4:2

A ye Masaba daali ko: «Unhun! Masaba, ne tun t'o le fɔra ka n to n ka jamana na wa? O le y'a to ne tun be banbana ka boli ka taga Tarisisi. Bari ne y'a lɔn ko e Ala ye makaritigi ye, ni hinɛbaga ye. I te dimi joona, e ka ɲi kosɔbɛ, i be sɔn k'i ka ŋaniya tanin to yen.

Mise 7:18

Ala, i ɲɔgɔn te batofɛnw cɛma, ele min be hakɛ yafa, ni min filila, e b'o ye k'a to yen. I ka mɔgɔw tɔɔ min tora, olu kanu kama, olu minw ye i ta ye, i diminin tena to u kɔrɔ tuma bɛɛ, nga ka makari u la, o ka d'i ye.

Jakariya 13:1

«O waati la, jii bɔyɔrɔ dɔ bena dayɛlɛ Dawuda ka somɔgɔw ni Zeruzalɛmukaw ye, min bena kɛ u ka hakɛ n'u ka konɔgɔninw fura ye.»

Jakariya 13:7

Masaba, Setigi ko: «Wili ne ka sagadɛndɛbaga kama, murujan! Wili ne baarakɛɲɔgɔn kama! Sagadɛndɛbaga bugɔ, sagaw be jɛnsɛn. N bolo yɛrɛ bena se hali deenw ma.»

Jakariya 9:11

Masaba ko: «Bɛɛn min kɛra an ni ɲɔgɔn cɛ joli barika la, o kosɔn, aw ka mɔgɔ minw be kɔlɔnkolon janin kɔnɔ, ne bena u bɔ yen.

Matiyu 20:28

O cogo la, Mɔgɔ Dencɛ ma na waasa mɔgɔw ka baara kɛ a ye. Nga, a nana ka mɔgɔw mako ɲa, ani k'a yɛrɛ nii di ka kɛ mɔgɔ bɛɛ nii kunmabɔ sara ye.»

Matiyu 26:28

bari nin ye ne joli ye, joli min be Ala ka layidu dafa, joli min bena bɔn mɔgɔ bɛɛ ka hakɛw yafa kosɔn.

Matiyu 6:12

I k'an ka filiw yafa an ma i ko an fana be yafa tɔw ma cogo min na n'u filila anw ma.

Marika 14:24

A y'a fɔ u ye ko: «Nin ye ne joli ye, joli min be Ala ka layidu dafa, joli min bena bɔn mɔgɔ bɛɛ kosɔn.

Luka 1:77

I bena kisili sira yira a ka mɔgɔw la u ka hakɛw yafali seen fɛ,

Luka 24:47

A ka kibaru ka kan ka fɔ siyaw bɛɛ ye waasa u ka nimisa ka faran u ka kojuguw la, u ka hakɛw ka yafa. O ka kan ka daminɛ Zeruzalɛmu.

Yuhana 20:23

Aw mana mɔgɔ minw ka hakɛw yafa, o tigiw ka hakɛ bena yafa, aw mana ban ka minw ta yafa, o tigiw ta fana tena yafa.»

Kɛwalew 10:43

Kiraw bɛɛ tun ye ale Yezu le koo fɔ, ko ni mɔgɔ min lar'a la, k'o tigi ka hakɛ bena yafa.»

Kɛwalew 2:38

Piyɛri y'u jaabi ko: «Aw ye nimisa ka faran aw ka hakɛw la, an b'aw batize Yezu Krista tɔgɔ la janko aw k'aw ka hakɛw yafa sɔrɔ. O la, aw bena Nii Senuman sɔrɔ,

Kɛwalew 20:28

Aw ka janto aw yɛrɛ la. Nii Senuman ye jama min kalifa aw ma, aw ka olu fana kɔlɔsi. Krista ka jama min kɛra Ala ta ye a joli sababu la, aw y'aw janto o la.

Kɛwalew 3:19

O tuma na, aw ye nimisa ka faran aw ka hakɛw la ka segi Ala ma, janko a k'aw ka hakɛw yafa.

Rɔmukaw 2:4

Walima e te Ala ka ɲumanya dafanin n'a ka muɲuli, n'a ka timinadiyali jati foyi ye wa? K'a sɔrɔ a b'i dɛmɛ a ka ɲumanya barika la ka nimisa ka faran i ka kojugu la.

Rɔmukaw 3:24

Nga Ala ye nɛɛma kɛ u ye k'u jati mɔgɔtilenninw ye Yezu Krista sababu la, ale min y'u kunmabɔ.

Rɔmukaw 3:25

Mɔgɔ minw lar'a la ko a sara olu kosɔn, Ala y'a kɛ hakɛ yafa saraka ye, waasa k'ale Ala yɛrɛ ka tilenninya yira, bari mɔgɔ minw tun ye hakɛ kɛ fɔlɔfɔlɔ, a ma olu jalaki

Rɔmukaw 9:23

A y'o kɛ janko k'a ka ɲumanya dafanin yira dagaw la, a makarila minw na. A tun kɔnna ka olu minw labɛn boɲa kama.

Kor fɔlɔ 1:30

Nga ale lo barika la aw kɛra Yezu Krista jɛnɲɔgɔnw ye, an ye lɔnniya sɔrɔ ale barika la ka bɔ Ala fɛ, ale fana sababu la, an kɛra mɔgɔtilenninw ye Ala ɲakɔrɔ ka kɛ a ta ye, ani mɔgɔhɔrɔnyaninw.

Kor 2nan 8:9

Bari aw b'an Matigi Yezu Krista ka ɲumanya lɔn, ale min tun ye fɛntigi ye, a y'a yɛrɛ kɛ fantan ye aw kosɔn, waasa aw ka se ka kɛ fɛntigiw ye.

Ɛfɛsikaw 1:14

Ale lo b'a yira an na ko an bena niyɔrɔ sɔrɔ Ala fɛ n'an kunmabɔra pepewu loon min na, janko Ala ka tanu!

Ɛfɛsikaw 1:18

ani k'aw hakili yɛlɛ, aw welela fɛɛn min kama, aw ka se k'o faamu. A ye fɛnɲuman min labɛn a ka mɔgɔw ye, aw k'o nafa lɔn,

Ɛfɛsikaw 1:6

An ka Ala tanu a ka nɛɛma kosɔn a ye min kɛ an ye, a Deen kanunin barika la.

Ɛfɛsikaw 1:8

Ala y'o kɛ an ye fɔɔ ka ɲa ka lɔnniya dafanin ani hakilitigiya d'an ma.

Ɛfɛsikaw 2:4

Nga Ala ka makari te ban, an koo diyar'a ye kosɔbɛ.

Ɛfɛsikaw 2:7

O le y'a to, a tun y'a latigɛ k'a ka nɛɛma dafanin kɛ waati nataw la an faan fɛ, min ɲɔgɔn tɛ, a ka ɲumanya kosɔn Yezu Krista barika la.

Ɛfɛsikaw 3:16

A ka ɲumanya ka bon. O la, ne b'a daali a ka fanga di aw ma k'aw jaa gwɛlɛya a ka Nii Senuman barika la,

Ɛfɛsikaw 3:8

Ne min ye Ala ka mɔgɔw bɛɛ la kɔmɔgɔ ye. O bɛɛ n'a ta, Ala ye nɛɛma kɛ ne ye waasa ne ka Krista ka ɲumanya fɔ siya wɛrɛw ye, daan te ɲumanya min na.

Filipikaw 4:19

Ne ka Ala bena aw mako ɲa, ka kɛɲɛ n'a ka fɛntigiya dafanin ye Yezu Krista barika la.

Kɔlɔsikaw 1:14

Deen min barika la, an ka hakɛw yafara, an kisira.

Kɔlɔsikaw 1:27

A b'a fɛ ka o koo dogonin ɲumanya yira siyaw cɛma, min ye nin ye: Krista be aw cɛma, ale kɛra aw jigi ye ko aw bena nɔɔrɔ sɔrɔ sini.

Kɔlɔsikaw 2:13

Aw minw tun ye suuw ye aw ka kojugu kosɔn, ani aw ka kɛnɛkɛnɛbaliya kosɔn, Ala y'aw kunun n'a ye. A y'an ka kojugu bɛɛ yafa.

Kɔlɔsikaw 2:2

waasa olu ka se ka jigitugu sɔrɔ, ani u ka se ka kɛ kelen ye kanuya la, fɛɛn min dogonin tun be Ala fɛ, ka hakili ɲanaman sɔrɔ ka se k'o lɔn, o min ye Krista ye.

Tim fɔlɔ 2:6

A y'a yɛrɛ saraka mɔgɔ bɛɛ kunmabɔli kosɔn. Ala y'o yira waati latigɛnin na.

Tite 2:14

Ale lo y'a yɛrɛ di an kosɔn, waasa k'an kunmabɔ tilenbaliyakow bɛɛ la, ani k'an saniya k'an kɛ a yɛrɛ ka jama ye, k'an kɛ mɔgɔw ye minw labɛnnin be koɲuman kɛli kama.

Tite 3:6

A ye Nii Senuman d'an ma fɔɔ ka ɲa an kisibaga Yezu Krista barika la,

Heburuw 9:22

A fɔra sariyasɛbɛ kɔnɔ k'u tun be joli le kɛ ka fɛɛn caaman saniya. Ni joli ma bɔn, kojugu te yafa.

Piy fɔlɔ 2:24

A y'an ka hakɛw bɛɛ ta a yɛrɛ kunna lɔgɔ kan, waasa anw kana kɛ hakɛw ka bila la tugu, an ka taamacogokura ta min tilennin lo. Bari aw kɛnɛyara a ka jolidaw sababu la.

Piy fɔlɔ 3:18

Krista sara adamadenw ka hakɛw kosɔn siɲɛ kelenpe, a banna. Ale mɔgɔtilennin sara mɔgɔ tilenbaliw kosɔn, waasa k'aw kɛ Ala taw ye. U y'a faga kɔni, nga a kununna Nii Senuman barika la.

Zan fɔlɔ 2:12

Ne deenw, n be nin sɛbɛn k'a ci aw ma ko aw ka hakɛw yafara Yezu tɔgɔ le sababu la.

Zan fɔlɔ 2:2

Bari ale lo y'a yɛrɛ saraka k'an ka hakɛw yafa. A ma dan an dama ka hakɛw yafako ma dɛ, nga diɲɛ mɔgɔw bɛɛ ta lo fana.

Zan fɔlɔ 4:10

Kanuya filɛ nin ye. A ma kɛ i n'a fɔ anw ye Ala kanu! Ale lo y'an kanu k'a Dencɛ ci an ma. An ka hakɛw yafara ale ka yɛrɛ saraka barika la.

Yirari 14:4

O mɔgɔ nunu tun ma sɔn k'u yɛrɛ nɔgɔ ni musoko ye. Olu kɔni, hakɛ t'u kan. Ni Sagaden tagara yɔrɔ o yɔrɔ, u be tugu a kɔ. Olu kisira ka kɛ saraka fɔlɔw ye adamadenw cɛma ka kɛ Ala ni Sagaden ta ye.

Yirari 5:9

U tun be dɔnkilikura dɔ lara ko: «E ni wale, ele le be se ka sɛbɛ nin minɛ k'a taamasiɲɛ nunu walaka. Bari u tun y'i faga. I joli min tun bɔnna, o kɛra sababu ye i ye mɔgɔ dɔw kunmabɔ k'u kɛ Ala taw ye ka bɔ siyaw bɛɛ cɛma, ani jamanaw bɛɛ la.