Ɛfɛsikaw 1:21 - ALA KA KUMA

²¹ A siginin be fangatigi yebaliw ni kuntigiw ani setigiw ni masaw bɛɛ kunna, ani tɔgɔ wɛrɛ min be se ka wele bii diɲɛ, ani diɲɛ nata la, a b'u bɛɛ kunna.

Jula NT of Côte d’Ivoire

²¹ A k’a sigi masaya bɛɛ kunna, ani fangatigiya bɛɛ, ani sebagaya bɛɛ, ani kuntigiya bɛɛ; tɔgɔ o tɔgɔ bɛ fɔ dunuɲa ra yan, ani tɔgɔ o tɔgɔ bɛna fɔ hali dunuɲa nata ra, Yesu bɛ o tɔgɔw bɛɛ kunna.

LAYIDUKURA

²¹ A siginin bɛ fangatigi yebaliw ni kuntigiw ani setigiw ni masaw bɛɛ kunna, ani fɛɛn wɛrɛw minw tɔgɔ bɛ se ka wele bii ani sini, a b'u bɛɛ kunna.

Ɛfɛsikaw 1:21 Iomraidhean Croise

Daniyɛli 7:27

Mara minw bɛɛ be dugukolo kan, olu ka masaya, n'u ka fanga, n'u ka boɲa bena di Fɛɛn bɛɛ kuntigi ka jama ma. O jama nin ka masaya bena kɛ waati bɛɛ koo ye. Faamaw bɛɛ bena baara kɛ o ye, ani ka mɛnni kɛ o fɛ.›

Matiyu 12:32

Ni mɔgɔ min ye Mɔgɔ Dencɛ tɔgɔ cɛn, o tigi bena o yafa sɔrɔ. Nga ni mɔgɔ min ye Nii Senuman tɔgɔ cɛn, o tigi tena o yafa sɔrɔ bii, a ten'a sɔrɔ sini fana.

Kɛwalew 4:12

Kisili te se ka sɔrɔ yɔrɔ si n'ale fɛ tɛ. Bari Ala ma mɔgɔ wɛrɛ ci diɲɛ na, adamaden be se ka kisi min tɔgɔ barika la.»

Ɛfɛsikaw 2:2

aw tun be minw kɛ fɔlɔfɔlɔ, ka kɛɲɛ ni adamadenya ye, ani sanfɛ jinaw kuntigi ta ye fana, min be baara kɛ ni mɔgɔmurutininw ye halibi.

Ɛfɛsikaw 3:10

O la, sankolo kɔnɔ fangatigiw ni setigiw na se ka Ala ka hakilitigiya cogo bɛɛ lɔn, Krista ka jama barika la bii,

Ɛfɛsikaw 6:12

Bari an te kɛlɛ kɛ ni adamadenw ye, nga an be kɛlɛ kɛ ni diɲɛjugu kuntigiw ye, ni sanfɛ fangatigiw, ni setigi minw be dibi la, ani nijugu minw be sankolo la.

Kɔlɔsikaw 2:10

Fɛɛn bɛɛ b'aw fɛ ale lo barika la, ale lo be setigi ni fangatigi yebaliw bɛɛ kunna.

Kɔlɔsikaw 2:15

Ala ye fangatigiw, ni setigi yebaliw ka sebagaya cɛn, k'u minɛ ka kɛ jɔɔnw ye k'u yira kɛnɛ kan bɛɛ ɲakɔrɔ, a ye see sɔrɔ u kan Krista ka saya barika la lɔgɔ kan.

Heburuw 1:4

Ala Dencɛ lɔyɔrɔ ka bon ni mɛlɛkɛw ta ye, fɔɔ a ye tɔgɔ d'a ma min ka bon n'u ta ye pewu.

Heburuw 2:5

An be sini min koo fɔra, Ala m'o kuntigiya di mɛlɛkɛw ma do.

Heburuw 4:14

Ayiwa, sarakalasebagaw kuntigiba ɲanaman b'an fɛ minkɛ, n'o ye Ala Dencɛ Yezu ye, ale ye sankolo cɛtigɛ ka se Ala fɛ. O la, an jigi be min kan, an k'a to o kan.

Piy fɔlɔ 3:22

ale min tagara arijana na ka to Ala kinibolo la. Mɛlɛkɛw ni setigiw, ani fangatigi minw b'o yɔrɔ la, u bɛɛ majiginin be ale ye.