Ɛfɛsikaw 1:17 - ALA KA KUMA

¹⁷ An Matigi Yezu Krista ka Ala, min ye Faa Nɔɔrɔtigi ye, n b'ale daali a ka Nii Senuman di aw ma, min bena lɔnniya di aw ma, k'a ka koo gwɛ aw ye aw ka se k'o lɔn kosɔbɛ,

Jula NT of Côte d’Ivoire

¹⁷ janko nɔɔrɔtigi Fa Ala, an Matigi Yesu Kirisita ta Ala, o ye hakiritigiya di aw ma, ka a yɛrɛ yira aw ra, janko aw ye a lɔn ka ɲa.

LAYIDUKURA

¹⁷ An Matigi Yezu Krista ka Ala, min ye Nɔɔrɔtigi ye, n b'ale dali a ka Nii Senuman di aw ma, o min bɛna lɔnniya di aw ma, k'a ka koo gwɛ aw ye aw ka se k'o lɔn kosɛbɛ,

Ɛfɛsikaw 1:17 Iomraidhean Croise

Lok fɔlɔ 29:11

Boɲa y'i ta ye, Masaba, see b'i ye, kunkɔrɔta ni nɔɔrɔ b'i kan. Bari sankolofɛnw ni dugukolo taw bɛɛ ye i ta ye. Masaba, kuntigiya y'e ta ye, i be fɛɛn bɛɛ sanfɛ.

Ayuba 42:5

Ne tulo tun ye i koo mɛn. Nga sisan, ne ɲaa lara i kan.

Zaburu 24:10

Jɔn le y'o Nɔɔrɔtigi Masa nin ye? Masaba, Setigi lo! Ale lo ye Nɔɔrɔtigi Masa ye.

Zaburu 24:7

Waati bɛɛ dondaw, aw ka yɛlɛ, aw ka yɛlɛ ka ɲa, janko Nɔɔrɔtigi Masa ka don.

Zaburu 29:3

Masaba kaan be mɛnna jii sanfɛ, nɔɔrɔtigi Ala be pɛrɛn i ko saan, Masaba pɛrɛnkan be mɛnna jiba sanfɛ.

Bɔri 28:3

A fɔ baaralɔnbagaw ye, ne ye hakili di minw bɛɛ ma kosɔbɛ, k'u ka Arɔn ka faniw dilan, a bena min don, ka kɛ danna ka se ka sarakalasebaara kɛ ne ye.

Zanaw 18:15

Hakilitigi be lɔnniya sɔrɔ. Lɔnnikɛla b'a tulo malɔ lɔnniyakuma na.

Zanaw 2:5

o tuma na, i bena se ka Masaba ɲasiranya faamu, ani ka se ka Ala lɔn.

Ezayi 11:2

Masaba ka Nii bena to n'a ye, ale min be lɔnniya, ni koo faranfasili see di, ka koo ɲanabɔli see, ni fanga di, ka Masaba lɔnko n'a ɲasiranko see di.

Yeremi 2:11

Siya jumɛn b'a ka batofɛnw yɛlɛma? K'a sɔrɔ batofɛn ɲanamanw yɛrɛ tɛ. Nga ne ka mɔgɔw y'u kunkɔrɔtabaga falen ni fɛɛn fufafuw ye.

Yeremi 24:7

Ne bena hakili di u ma min ben'a to u k'a lɔn ko ne le ye Masaba ye. Ne be kɛ u ka Ala ye, u be kɛ ne ka mɔgɔw ye. Bari u bena sɔn ne ma n'u dusu bɛɛ ye.

Yeremi 31:34

U tena u tɔɲɔgɔnw, walima u balimaw kalan k'a fɔ ko: ‹Aw ka Masaba lɔn,› bari, bɛɛ bena ne lɔn, denmisɛnw fara mɔgɔkɔrɔbaw kan. Bari, ne bena u ka juguya yafa. Ne hakili tena jigi u ka hakɛw la tugu.» Masaba le ko ten.

Yeremi 9:24

Masaba ko: «Loonw be na, mɔgɔ minw kɛnɛkɛnɛna farisogo la dama, n'u dusu ma yɛlɛma, ne bena olu bɛɛ ɲaa gwan:

Daniyɛli 10:1

Pɛrɛsi masacɛ Sirusi ka masaya saan sabanan na, kuma dɔ fɔra Daniyɛli ye, u be min wele fana ko Bɛlitasari. Kuma nin tun ye tiɲɛkuma ye. A be gwɛlɛya le koo fɔ. Daniyɛli miirila kuma nin na. A y'a faamu koo yirata seen fɛ.

Daniyɛli 5:11

Cɛɛ dɔ b'i ka mara kɔnɔ, batofɛnsɔbɛw ka nii b'a la. I faa ka tile la, ale lo tun be yeli kɛ, hakilitigi ni lɔnnikɛla lo i n'a fɔ batofɛn. O kama masacɛ, i faa Nabukodonozɔri y'a kɛ a ka jotigiw, ni lagwɛlikɛlaw, ni sankolo kan taamasiɲɛlɔnbagaw ani kirisitigiw ɲamɔgɔ ye.

Matiyu 11:25

O waati la, Yezu y'a fɔ ko: «Ne be barika la i ye n Faa, sankolo ni dugukolo masa, bari i ye koo minw dogo lɔnnikɛlaw ni hakilitigiw la, i ye olu yira denmisɛnw na.

Matiyu 11:27

O kɔ, a y'a fɔ mɔgɔw ye ko: «N Faa Ala ye fɛɛn bɛɛ di n ma. Mɔgɔ si te Dencɛ lɔn n'a Faa dɔrɔn tɛ, mɔgɔ si te Faa fana lɔn fɔɔ Dencɛ kelenpe. Ni Dencɛ b'a fɛ mɔgɔ min k'a Faa lɔn, o tigi ben'a lɔn.

Matiyu 16:17

Yezu y'a fɔ a ye ko: «Zonasi dencɛ Piyɛri, i dagamunin lo, bari mɔgɔ si ma nin fɔ i ye, nga ne Faa min be sankolo la, o le y'o lɔnniya d'i ma.

Matiyu 20:33

U y'a jaabi ko: «Matigi, an b'a fɛ i k'an ɲaa yɛlɛ.»

Matiyu 6:13

Kan'a to kɔrɔbɔli ka se an ma, nga an tanga kojugu ma. Bari masaya ni sebagaya ani nɔɔrɔ y'i ta ye waati bɛɛ. Amiina.›

Luka 12:12

Nii Senuman bena aw ka fɔta don aw daa la o yɔrɔnin bɛɛ.»

Luka 2:14

«Ala ka tanu sanfɛ yɔrɔjan na, hɛrɛ ka kɛ dugukolo kan a diyanamɔgɔw ye.»

Luka 21:15

bari ne yɛrɛ bena hakilitigiya kuma don aw daa la fɔɔ aw jugu si tena se k'aw sɔsɔ, walima k'aw ka kuma kɔɔ kari.

Yuhana 14:17

Ale lo ye Nii Senuman ye, Tiɲɛtigi. Diɲɛ mɔgɔw te se ka sɔn a ma bari u t'a yera, u fana m'a lɔn. Aw kɔni b'a lɔn, bari a be n'aw ye, a bena sigi aw kɔnɔ.

Yuhana 14:26

Nga Dɛmɛbaga, min ye Nii Senuman ye, n Faa bena min ci n tɔgɔ la, ale ben'aw kalan koo bɛɛ la, ani ne ye koo minw bɛɛ fɔ aw ye, a ben'aw hakili jigi o bɛɛ la.

Yuhana 16:3

U bena o baara sugu nunu kɛ bari u te ne lɔn, u te n Faa fana lɔn.

Yuhana 17:3

Nii banbali sɔrɔko be bɔ ele lɔnko la, e min ye Ala kelenpe ye, ani ka ne Yezu Krista lɔn, e ye ne min ci.

Yuhana 20:17

Yezu y'a fɔ a ye ko: «Kana maga ne la, bari ne ma yɛlɛ n Faa fɛ fɔlɔ, nga i ka taga ne balimaw fɛ, k'a fɔ u ye ko ne be yɛlɛ n Faa, ni n ka Ala fɛ, a fana y'aw Faa n'aw ka Ala ye.»

Kɛwalew 6:10

Nga u tun te sera Etiyɛni kɔrɔ, bari a tun be kuma ni hakilitigiya ye Nii Senuman barika la.

Kɛwalew 7:2

Etiyɛni y'a jaabi ko: «N faaw, n balimaw, a y'aw tulo malo ka n ka kuma lamɛn. Sanni an faa Ibrayima ka bɔ Mezopotami ka taga sigi Karan, Ala nɔɔrɔtigi le tun y'a yɛrɛ yira a la

Rɔmukaw 1:28

U ma sɔn ka Ala lɔn minkɛ, Ala fana y'u to u ka miiriyajugu la. A kɛra ten, u man kan ka min kɛ, u b'o le kɛ.

Rɔmukaw 15:6

janko aw kɔnɔ ka kɛ kelen ye, ka jɛn ka Ala tanu ale min ye an Matigi Yezu Krista Faa ye.

Kor fɔlɔ 12:8

Nii Senuman ye see di dɔ ma ka kuma ni hakilitigiya ye, ka see di dɔ wɛrɛ ma ka koo fɔ ni lɔnniya ye.

Kor fɔlɔ 14:6

N balimaw, n'a kɛra ko ne tun nana aw fɛ ka kuma aw fɛ kaan wɛrɛ la, min te koo dɔ yira, n'a te lɔnniya d'aw ma, ni kirayakuma t'o la, n'a t'aw kalan fana, o bena mun le ɲa aw ye?

Kor fɔlɔ 2:10

Ala y'o koo dogoninw yira an na Nii Senuman barika la, bari Nii Senuman be koo bɛɛ sɛgɛsɛgɛ kosɔbɛ fɔɔ ka taga se Ala ka koo dogoninw ma.

Kor fɔlɔ 2:8

Diɲɛ kuntigiw si m'o lɔn, n'u tun y'o lɔn, u tun tena sɔn ka Nɔɔrɔtigi gwengwen lɔgɔ kan.

Kor 2nan 12:1

Ne ka kan ka ne yɛrɛ boɲa, hali n'o ma ɲi. O n'a ta bɛɛ, Matigi ye fɛɛn minw yira ne la ani ne ye koo minw ye, ne bena olu koo fɔ.

Ɛfɛsikaw 1:3

An ka barika la Ala ye, ale min ye an Matigi Yezu Krista Faa ye. A y'an ta ɲa k'a ka sankolo ɲumanya bɛɛ kɛ an ye Krista barika la.

Ɛfɛsikaw 3:5

O koo dogonin ma se ka yira adamaden si la waati tɛmɛninw na, i n'a fɔ a yirala Ala ka cidenw, n'a ka kiraw la cogo min na sisan Nii Senuman barika la.

Ɛfɛsikaw 4:13

A kɛra ten, an bɛɛ be se ka jɛn ka kɛ kelen ye an jigi barika la ani Ala Dencɛ lɔnniya barika la, ka kɛ mɔgɔkɔrɔbaw ye, ka kɔgɔ fɔɔ ka kɛ mɔgɔdafaninw ye i n'a fɔ Krista.

Filipikaw 3:15

An minw ye faamuli sɔrɔ ka taga ɲa Krista ka sira la, an bɛɛ ka kan ka miiri ten. N'a kɛra ko aw ka miiriya be cogo wɛrɛ la fɛɛn dɔ la, Ala bena o gwɛya aw ye.

Tim 2nan 2:25

Mɔgɔ minw te sɔn a ka kalan ma, a ka kan k'olu minɛ ni dususuma ye. N'a sɔrɔ Ala bena u dɛmɛ u ka nimisa ka faran u ka kojuguw la waasa u ka tiɲɛ lɔn.

Tite 1:1

Ne Pɔli min ye Ala ka barakɛla, ani Yezu Krista ka ciden ye, ne welela waasa ka Ala ka mɔgɔ wolomaninw dɛmɛ u ka se ka la Ala la, ani ka tiɲɛ lɔn min be bɛn ni Alaɲasiran ye.

Yakuba 2:1

N badenw, aw minw lanin be an Matigi Yezu Krista nɔɔrɔtigi la, aw kana mɔgɔw woloma k'u fisaya ɲɔgɔn ye.

Piy 2nan 1:3

Tiɲɛ na, an mako be fɛɛn min na, an ka se ka taama Alaɲasiran na, Matigi y'o bɛɛ d'an ma a ka setigiya barika la, ale min y'an wele k'a ka nɔɔrɔ ni sebagaya d'an ma, waasa an ka se k'ale lɔn kosɔbɛ.

Piy 2nan 3:18

Nga aw ye jija ka taga ɲa an Matigi n'an kisibaga Yezu Krista ka nɛɛma la ani k'ale Yezu lɔn kosɔbɛ. Boɲa ka la ale kan sisan ani tuma bɛɛ. Amiina!

Yirari 7:12

ka to k'a fɔ ko: «Amiina! Tanuli, nɔɔrɔ, ani hakilitigiya, o y'an ka Ala ta ye. Barika ka la a ye. Boɲa ni setigiya ani fangatigiya y'a ta ye tuma bɛɛ la. Amiina!»