Daniyɛli 9:9 - ALA KA KUMA

⁹ An murutira i ma, Matigi an ka Ala, nga i ka ɲi, i be yafa.

Jula NT of Côte d’Ivoire

⁹ « ‹Nka ele min ye Matigi Ala ye, an ta Ala, ele bɛ hina, i bɛ yafa an ma, hali ni an murutira ka i ta sariya sira bla.

Daniyɛli 9:9 Iomraidhean Croise

Sam 2nan 24:14

Dawuda y'a fɔ a ye ko: «Ne dusu kasinin lo kosɔbɛ. An ka ben Masaba bolo, bari a be makari kosɔbɛ, ne kana ben adamadenw bolo.»

Mas fɔlɔ 8:30

N'i ka baarakɛla an'i ka jama Isirayɛli y'u ɲaa sin yɔrɔ nin ma k'i daali, i k'u lamɛn. K'i to i sigiyɔrɔ la sankolo kɔnɔ, i ka mɛnni kɛ, ka yafa.

Nehemi 9:31

O bɛɛ n'a ta, i ma u halaki, i fana ma u bila fewu, i ka makari kosɔn, bari e Ala, i ka ɲi, i ye makaritigi ye.

Zaburu 130:4

Nga i be yafa, o la, boɲa ka kan ka la i kan.

Zaburu 130:7

Isirayɛlidenw, aw k'aw jigi la Masaba kan, bari a ka ɲi, a be se k'aw kunmabɔ.

Zaburu 62:12

Ala kumana siɲɛ damani, ne y'o mɛn. A ko ale lo ye Setigi ye.

Zaburu 86:15

Nga Matigi, e kɔni ye Ala ye, i be makari, i be hinɛ. E te dimi joona, e ka ɲumanya ka bon, e ye kantigi ye fana.

Zaburu 86:5

Matigi, e ka ɲi, e be yafa. E be ɲumanya kɛ i daalibagaw ye kosɔbɛ.

Ezayi 55:7

Mɔgɔjugu k'a ka juguya dabila. Mɔgɔ min kɔnɔ ka jugu, o tigi k'a ka miirijugu dabila. A ka kɔsegi Masaba ma, ale bena makari a la. A ka kɔsegi an ka Ala ma, ale bena yafa a ma tiɲɛ na.

Ezayi 63:7

Ne bena Masaba ka ɲumanya koo fɔ. A ye koo min bɛɛ kɛ anw ye, ne ben'a tanu o kama. A ye koɲuman caaman kɛ Isirayɛlidenw ye a ka makari n'a ka ɲumanyaba kosɔn.

Yeremi 14:7

N'an ka kojuguw b'an jalaki, Masaba, fɔɔ i ka dɔ kɛ i tɔgɔ kosɔn. Bari an ka tilenbaliyakow cayara, an y'i hakɛ ta.

Ezekiyɛli 20:13

Nga Isirayɛlidenw murutira ne ma kongokolon kɔnɔ. U ma ne ka kolatigɛninw kɛ. Mɔgɔ be hɛrɛ sɔrɔ ne ka fɔta minw batoli fɛ, u ma sɔn olu ma, u ye ne ka lafiɲɛlon cɛn. O le kosɔn, ne tun ko ne bena n dimi bɔ u la kongokolon kɔnɔ k'u halaki.

Daniyɛli 9:5

An ye hakɛ kɛ. An filila, an fariyara, an murutira i ma. An banna i ka sariyaw, n'i ka fɔta ma.

Daniyɛli 9:6

An ma mɛnni kɛ kiraw fɛ, i ka baarakɛlaw, minw y'i ka kuma fɔ an ka masaw ye, n'an ɲamɔgɔw, n'an bɛmaw ye, ani jamanadenw bɛɛ ye.

Daniyɛli 9:7

Matigi, e ta le ye tiɲɛ ye. Anw kɔni ta ye maloya le ye, i n'a fɔ bii yɛrɛ. Maloya ye an Zuda mara mɔgɔw ta ye, ni Zeruzalɛmukaw ta ye, ani Isirayɛlidenw bɛɛ, a yɔrɔsurun mɔgɔ n'a yɔrɔjan mɔgɔw bɛɛ, u y'u gwɛn ka taga to jamana o jamana kɔnɔ, u ka tilenbaliya kosɔn, u ye min kɛ ele la.

Daniyɛli 9:8

Tiɲɛ na Masaba, maloya ye an ta ye, ani an ka masaw, n'an ɲamɔgɔw n'an bɛmaw ta ye, bari an y'i hakɛ ta.

Yunusu 4:2

A ye Masaba daali ko: «Unhun! Masaba, ne tun t'o le fɔra ka n to n ka jamana na wa? O le y'a to ne tun be banbana ka boli ka taga Tarisisi. Bari ne y'a lɔn ko e Ala ye makaritigi ye, ni hinɛbaga ye. I te dimi joona, e ka ɲi kosɔbɛ, i be sɔn k'i ka ŋaniya tanin to yen.