Daniyɛli 9:4 - ALA KA KUMA

⁴ Ne ye Masaba n ka Ala daali, ka lɔ n ka hakɛw la ko: «Ee! Matigi Ala, e min ka bon, e min ye siranyafɛn ye, mɔgɔ minw b'i kanu, k'i ka sariya bato, i bɛnnin be to ni olu ye kanuya la.

Jula NT of Côte d’Ivoire

⁴ Ne ka Matigi Ala, ne ta Ala daari, ko a ye an ta jurumunw yafa. Ne ko: ‹E, Matigi Ala, ele le ka bon, i bɛ siranyakobaw kɛ. Minw bɛ i kanu, ka i ta sariya sira tagama, i bɛ to i ta jɛnɲɔgɔnya ra ni olugu ye, ka koɲuman kɛ o ye.

Daniyɛli 9:4 Iomraidhean Croise

Mas fɔlɔ 8:23

«Masaba, Isirayɛli ka Ala, batofɛn wɛrɛ si te yen min b'i bɔ. A te sankolo la, a te dugukolo kan. I b'i ka layidu dafa, ka ɲumanya kɛ i ka baarakɛlaw ye, minw b'i sago kɛ.

Lok 2nan 7:14

ne tɔgɔ be wele n ka jama min kan, ni u y'u yɛrɛ majigi ka ne daali ka n yɔrɔ ɲini, ani k'u ka kojuguw dabila, ne bena mɛnni kɛ u fɛ ka n to sankolo la, k'u ka hakɛ yafa, ani k'u ka jamana yiriwa.

Ɛsidarasi 10:1

Ɛsidirasi y'a kunbiri gwan Ala ka soo ɲafɛ ka to ka kasi n'a b'u ka kojuguw fɔra, ka Ala daali. O waati la, Isirayɛliden caaman nana ɲɔgɔn lajɛn a gɛrɛfɛ, cɛɛw ni musow ani denmisɛnw. U tun be kasira kosɔbɛ.

Nehemi 1:5

«Masa Ala, e min ye Sankolotigi ye, e ka bon, mɔgɔ ka kan ka siran e ɲa, i koo ka di mɔgɔ minw ye n'u b'i ka sariya bato, i be koɲuman kɛ olu ye k'i ka layidu dafa.

Nehemi 9:32

«O la sisan, an ka Ala, e min ka bon, see fana b'i ye ani mɔgɔ ka kan ka siran i ɲa, e min be to i ka layidu kan kantigiya la, an n'an ka masacɛw, n'an kuntigiw, n'an ka sarakalasebagaw, n'an ka kiraw, n'an faaw, n'i ka jama bɛɛ ye tɔɔrɔ minw sɔrɔ Asirikaw ka masacɛw ka tile la fɔɔ ka na se bii ma, i kana u filɛ kofitini ye.

Zaburu 32:5

Ne kɔni ma n ka fili dogo, ne ye n ka kojugu fɔ i ye. Ne y'a fɔ ko: «Ne bena n ka kojugu fɔ Matigi ye.» E ye ne ka kojugu kunko bɔ ne kan.

Bɔri 20:6

Nga minw be ne kanu ka ne ka kuma mara, ne be makari olu kɔmɔgɔw la fɔɔ *filankuru caaman.

Yeremi 3:13

Aw ka sɔn aw filiyɔrɔ ma: Aw murutira ne Masaba aw ka Ala ma. Aw tun bolibolila lonanw ka joow kɔ yirituw bɛɛ kɔrɔ. O la, aw ma mɛnni kɛ ne fɛ. Ne Masaba ko ten.

Yeremi 32:23

U nana o jamana nin minɛ ka kɛ u ta ye. Nga, u ma mɛnni kɛ i fɛ, u ma i ka sariya bato. E tun ye min fɔ k'u k'a kɛ, u banna o bɛɛ la. O le kama, i y'a to bɔnɛ nin bɛɛ sera u ma.

Daniyɛli 6:10

O la, masacɛ Dariyusi y'a bulonɔ bila sariya sɛbɛ nin kan.

Daniyɛli 9:3

O la, ne ye suun don ka dusukasifani don, ka bugurigwɛ kɛ n yɛrɛ kan, ka n ɲaa sin Matigi Ala ma k'a daali kosɔbɛ.

Luka 1:72

O cogo la, a makarila an faaw la, a y'a hakili to a ka layidu la.

Rɔmukaw 8:28

An y'a lɔn ko Ala be baara kɛ ni fɛɛn bɛɛ ye a kanubagaw ka makoɲa kama, a y'o minw wele ka kɛɲɛ n'a ka koo latigɛnin ye.

Sariya 5:10

Ne koo ka di minw ye, n'u be ne ka kumaw bato, n bena ɲumanya kɛ olu kɔmɔgɔw ye fɔɔ u *filankuru waa caaman.

Sariya 7:12

N'aw ye aw tulo malɔ landa nunu na, k'o bato ka ɲa, Masaba aw ka Ala ben'a ka layidu dafa, a ye min ta aw bɛmaw ye ani ka ɲumanya kɛ aw ye.

Sariya 7:21

Aw jaa kana tigɛ u kama bari Masaba aw ka Ala be n'aw ye, see b'a ye, siranyafɛn lo.

Sariya 7:9

«Aw ka l'a la ko Masaba aw ka Ala le ye Ala yɛrɛ yɛrɛ ye. A koo ka di mɔgɔ minw ye n'u b'a ka kuma bato, a tilennin lo, a b'a ka layidu dafa olu faan fɛ, ani ka ɲumanya kɛ u ye, n'u kɔmɔgɔw *filankuru waa caaman ye.

Yakuba 1:12

Mɔgɔ min be jija ka sigɛn muɲu, o tigi dagamunin lo. Bari n'a sera ka sigɛn nunu muɲu, a bena nii banbali sɔrɔ a ka tɔnɔ ye. Ala tun y'a daa di a kanubagaw ma, ko u bena min sɔrɔ.

Yakuba 2:5

N badenw, aw minw koo ka di ne ye, aw ye mɛnni kɛ, minw be jati fantanw ye diɲɛ kɔnɔ, Ala m'u woloma k'u kɛ fɛntigiw ye lanaya la, ani k'u ladon a ka masaya la wa? A tun y'a daa di a kanubagaw ma min la.