Daniyɛli 9:24 - ALA KA KUMA

²⁴ «Saan bi wolonwula sigiyɔrɔman wolonwula latigɛra i ka siya, ni dugu senuman kosɔn, a be min kɔnɔ, janko juguya ka ban, hakɛ ka dabila. Fili minw kɛra, olu ka lalaga, tilenninya ka kɛ tuma bɛɛ koo ye, janko koo min yera yelifɛnw na, o ka kɛ, ani min fɔra kirayakuma na, ani Alabatoso ka sɔrɔ ka kalifa Ala ma tugu.

Jula NT of Côte d’Ivoire

²⁴ Ala ka san biwolonfla sigiyɔrɔma wolonfla le latigɛ i ta jamana ni i ta dugu saninman ko ra. Ni o wagati dafara, terenbariyakow bɛ sɔrɔ ka dabla, kojuguw bɛ ban, jurumunw bɛ yafa, terenninya banbari bɛ sigi, Ala ka fɛn minw yira, ani ciraw ka kuma minw fɔ, o kow bɛɛ bɛ kɛ, Ala ta yɔrɔ saninmanba fana bɛ saninya ka bla danna Ala ye.

Daniyɛli 9:24 Iomraidhean Croise

Lok 2nan 29:24

Sarakalasebagaw ye bakɔrɔninw kaan tigɛ k'u joli kɛ sarakabɔyɔrɔ kan, hakɛ yafa saraka ye, Isirayɛlidenw bɛɛ kosɔn. Bari masacɛ tun y'a fɔ ko saraka jɛnita, ni hakɛ yafa saraka ka bɔ Isirayɛlidenw bɛɛ kosɔn.

Zaburu 2:6

A ko: «Ne le ye n ka Masacɛ sigi masaya la *Siyɔn kulu kan, ne ka kulu senuman.»

Zaburu 45:7

Ala, e ka masaya be to seen kan kudayi! I ka masabere ye tilenninya ta ye.

Ezayi 42:4

A barika tena ban, a fari tena faga fɔɔ a ka tilenninya sigi dugukolo kan. Jii cɛma dugukolo kan mɔgɔw b'a ka sariya makɔnɔna.»

Ezayi 51:6

Aw k'aw kuun kɔrɔta ka filɛli kɛ sankolo la, ka tila k'aw kuun biri ka filɛli kɛ duguma. Sankolo bena tunu i ko sisi, dugukolo bena kɔrɔ i ko fani. Mɔgɔ minw b'a kan, olu bena sa i ko limɔgɔw. Nga ne ka kisili bena kɛ tuma bɛɛ koo le ye. Daan te ne ka tilenninya la.

Ezayi 51:8

Bari, bagabaga bena u dumu i ko fani, tumu bena don u la i ko sagasifani. Ne ka kisili ye tuma bɛɛ koo le ye. A bena se waati bɛɛ mɔgɔw ma.»

Ezayi 56:1

Masaba ko: «Koo min bɛnnin lo, aw k'o kɛ, koo min tilennin lo, aw k'o kɛ. Bari, ne bena aw kisi waati min na, o surunyana. Ne ka kantigiya bena lɔn.

Ezayi 61:1

Matigi, Masaba ka Nii be ne fɛ. Bari, a ye ne woloma ka n ci ka kibaru diman fɔ fantanw ye, ka mɔgɔ dusukasininw dusu saalo, ka hɔrɔnya wango la mɔgɔw ye minw minɛna ka taga, ka kasodenw bilako wango la.

Kasikan 4:22

Siyɔnkaw, aw ka kojuguw juru sarala ka ban. A tena aw minɛ ka taga tugu. A bena aw edɔmuw ɲaa gwan aw ka kojugu kosɔn, a bena aw ka kɛwalijuguw yira.

Ezekiyɛli 28:12

«Adamaden, i ka dusukasidɔnkili la Tiri masacɛ koo la k'a fɔ a ye ko ne Matigi, Masaba ko: ‹I tun dafanin lo, hakili tun b'i fɛ kosɔbɛ. I fana cɛɛ ka ɲi haali.

Ezekiyɛli 4:5

U ye sanda minw kɛ kojugu la, ne b'o tileda latigɛ i ye. I bena Isirayɛlidenw ka kojugu doni ta fɔɔ tile kɛmɛ saba ni bi kɔnɔntɔn.

Ezekiyɛli 4:6

O loon nunu mana dafa, i be yɛlɛma ka la i kinibolo kan, ka Zuda mara mɔgɔw ka kojuguw doni ta. Ne y'a latigɛ ko tile bi naani kɔnɔ, loon kelen be jati u ka saan kelen kojugu nɔɔ na.

Sarakalasebagaw 25:8

«Aw ka saan wolonwula jati fɔɔ siɲɛ wolonwula. O saan wolonwula sigiyɔrɔman wolonwula be bɛn saan bi naani ni kɔnɔntɔn ma.

Sarakalasebagaw 8:15

Musa y'a kaan tigɛ k'a joli dɔ ta n'a bolokunnaden ye k'a mɔ sarakabɔyɔrɔ nɔnkɔnw kan janko ka sarakabɔyɔrɔ saniya. A y'o joli tɔɔ bɔn sarakabɔyɔrɔ juu kɔrɔ k'a kɛ Ala ta ye, k'a saniya.

Jateri 14:34

Ko u ye tile bi naani kɛ ka jamana yaala cogo min na, o cogo kelen la, u bena tɔɔrɔ u ka tilenbaliya kosɔn saan bi naani kɔnɔ, saan kelen be kɛɲɛ tile kelen ma. U ben'a lɔn ko ni ne wilila u kama, k'o man di!

Matiyu 1:21

A bena dencɛ wolo, i k'a tɔgɔ la ko Yezu, bari ale lo ben'a ka mɔgɔw kisi u ka hakɛw ma.»

Matiyu 11:13

Musa ni kiraw bɛɛ kumana sankolo masaya koo la fɔɔ ka na se Zan ka waati ma.

Matiyu 4:5

O kɔ, Zeruzalɛmu min ye dugu senuman ye, Sutana tagara n'a ye o kɔnɔ Alabatosoba kuun na

Marika 1:24

«Mun be an ni e cɛ, Nazarɛtika Yezu? I nana k'an halaki wa? I ye mɔgɔ min ye, ne b'o lɔn. I ye Ala ka ciden senuman ye.»

Luka 1:35

Mɛlɛkɛ y'a jaabi ko: «Nii Senuman bena jigi i kan, Fɛɛn bɛɛ kuntigi Ala ka sebagaya bena kɛ i kan. O kama, i bena Deen senuman min wolo, a bena wele Ala Dencɛ.

Luka 21:22

bari a waati bena kɛ kojuguw juru sarawaati ye. Kiraw tun ye min fɔ, o bɛɛ bena kɛ, hali foyi ten'o jɛn.

Yuhana 1:41

A sinna ka taga fɔ a kɔrɔcɛ Simɔn ye ko: «Anw ye Krista ye», o kɔrɔ ko Ala ka Mɔgɔ wolomanin nin.

Yuhana 3:34

Ala ye mɔgɔ min ci, o tigi be Ala ka kuma yɛrɛ le fɔ bari Ala be Nii Senuman d'a ma, daan te min dili la.

Kɛwalew 3:14

Aw banna Mɔgɔsɔbɛ ni Mɔgɔɲuman na, min y'a yɛrɛ di Ala ma a sago kosɔn. Aw banna ale la ko fɔɔ Pilati ka mɔgɔfagala dɔ le labila.

Kɛwalew 3:22

Musa tun kɔnna k'a fɔ ko: ‹Matigi i ka Ala bena ne bɔɲɔgɔn kira dɔ wili aw balimaw cɛma. A mana kuma o kuma fɔ aw ye, aw ka kan ka mɛnni kɛ a fɛ.

Kɛwalew 4:26

Masacɛw wilila, jamana ɲamɔgɔw y'u kaan bɛn, ka Matigi n'a ka Mɔgɔwolomanin kɛlɛ.›

Rɔmukaw 5:10

Bari an tun ye Ala juguw ye tuma min na, Ala sɔnna anw ka bɛn n'ale ye a Dencɛ ka saya barika la. An bɛnnin kɔ n'a ye, siga t'a la, an bena kisi a Deen barika la bari a be nii na.

Kor fɔlɔ 1:30

Nga ale lo barika la aw kɛra Yezu Krista jɛnɲɔgɔnw ye, an ye lɔnniya sɔrɔ ale barika la ka bɔ Ala fɛ, ale fana sababu la, an kɛra mɔgɔtilenninw ye Ala ɲakɔrɔ ka kɛ a ta ye, ani mɔgɔhɔrɔnyaninw.

Filipikaw 3:9

ka jɛn n'a ye. A ma kɛ ko ne tilennin be Ala ɲakɔrɔ sariya batoli kosɔn. Nga ne tilennin be a ɲakɔrɔ bari ne ye n jigi la Krista kan. O tilenninya nin be sɔrɔ jigi barika la Ala fɛ.

Kɔlɔsikaw 1:20

Ani ka bɛn ni danfɛnw bɛɛ ye a deen nin barika la, dugukolo kan fɛɛnw, ni sankololataw, ka hɛrɛ kɛ a deen nin ka saya barika la lɔgɔ kan.

Kɔlɔsikaw 2:14

Sariya min tun sigira an kama n'a be jalaki ben an kan, a y'o ta ka bɔ yen. A y'o ban a ka saya barika la lɔgɔ kan.

Heburuw 10:14

A be mɔgɔ minw saniya, a y'olu kɛ mɔgɔdafaninw ye a ka saraka kelen barika la, u fana be to ten tuma bɛɛ.

Heburuw 2:17

O kama, a tun ka kan ka kɛ a badenw bɔɲɔgɔnko ye koo bɛɛ la, janko a ka kɛ sarakalasebagaw kuntigiba kantigi ye min be makari mɔgɔw la, ka baara kɛ Ala ye, ani ka kɛ sababu ye mɔgɔw ka hakɛw ka yafa.

Heburuw 7:26

O sarakalasebagaw kuntigi ɲɔgɔn le be se k'an mako ɲa. A ka ɲi, jalakiyɔrɔ t'a la, a ka koo gwɛnin lo, a daan bɔnin be hakɛkɛlaw la, a kɔrɔtara fɔɔ ka taga sankolo daan na.

Heburuw 9:26

N'a tun be ten, a tun bena tɔɔrɔ siɲɛ caaman kabini diɲɛ dantuma. Nga a nana laban tuma na sisan le ka tɔɔrɔ siɲɛ kelenpe k'a yɛrɛ kɛ saraka ye ka hakɛ fanga cɛn.

Piy 2nan 1:1

Ne Simɔn Piyɛri min ye Yezu Krista ka ciden, n'a ka baaraden ye, ne be bataki nin ci aw ma, aw minw ye an ka jigi ɲanaman ɲɔgɔn sɔrɔ anw ka Ala n'an kisibaga Yezu Krista ka tilenninya kosɔn.

Zan fɔlɔ 3:8

Min be to ka hakɛ kɛ, o tigi ye Sutana ka mɔgɔ ye, bari Sutana ye hakɛkɛla ye kabini fɔlɔfɔlɔ. Ala Dencɛ nana, waasa ka Sutana ka kɛwaliw cɛn.

Yirari 14:6

O kɔ, ne ye mɛlɛkɛ dɔ tɛmɛtɔ ye fɔɔ sankolo la. Kibaru diman min ye waati bɛɛ ta ye, o b'a bolo k'a lase diɲɛ mɔgɔw bɛɛ ma, jamanaw kɔnɔ siyaw bɛɛ ma. O kibaru nin tena nagasi abada.

Yirari 3:7

«Sɛbɛ ci Krista ka jama ka mɛlɛkɛ ma Filadɛlifi k'a fɔ u ye ko: Dawuda ka konnigɛ be min bolo, ale ye Senuman ye tigitigi, ale min be daa yɛlɛ ni mɔgɔ si te se k'a tugu, n'a y'a tugu, mɔgɔ si te se k'a yɛlɛ, ale ko: