Daniyɛli 9:21 - ALA KA KUMA

²¹ Ka n to daalili la, ne tun kɔnna ka mɛlɛkɛ Gabiriyɛli min ye n ka koyeta fɔlɔ la, ale vanna ni barika ye ka na se n fɛ wulafɛ sarakabɔtuma ɲɔgɔn na.

Jula NT of Côte d’Ivoire

²¹ «Ka ne to daariri ra, ne tun ka cɛ min ye ne ta siko dɔ ra kakɔrɔ, min ye Jibirili le, ale wurira ni a kamanw ye, ka teliya ka na ne fɛ, wulafɛsaraka bɔwagati ra.

Daniyɛli 9:21 Iomraidhean Croise

Mas fɔlɔ 18:29

Tile sumana tuma min na, u tora k'u ka kiraya kɛ fɔɔ ka taga se wulafɛ saraka bɔwaati ma. Kuma ma mɛn, jaabili ma sɔrɔ, taamasiɲɛ ma ye min b'a yira ko fɛɛn dɔ bena kɛ.

Mas fɔlɔ 18:36

Wulafɛ saraka bɔtuma, kira Eli gwɛrɛla k'a fɔ ko: «Masaba, Ibrayima, ni Isiyaka, ani Isirayɛli ka Ala, a to u k'a lɔn bii ko e le ye Isirayɛli ka Ala ye, ani fana ko ne ye i ka baarakɛla ye, ani ne y'o koo nunu bɛɛ kɛ e yɛrɛ ka kuma le kosɔn.

Zaburu 103:20

Masaba ka mɛlɛkɛw, aw ka barika la a ye, aw minw b'a ka fɔta kɛ ni barika ye, aw minw b'a ka kuma bato tigitigi.

Zaburu 104:4

I be fɔɲɔ le kɛ i ka cidenw ye, i be tasuma kɛ i ka baarakɛfɛn ye.

Zaburu 141:2

A to ne ka daalili ka se i ma i ko wusulan, ne bolo kɔrɔtanin ka kɛ i ko wulafɛ saraka.

Bɔri 29:39

I bena kelen bɔ sɔgɔma, ka kelen bɔ wulafɛ, tilekun dontuma na.

Ezayi 6:2

Mɛlɛkɛ sifa dɔ, minw be wele serafɛn, olu lɔnin tun b'a sanfɛ. U kelen kelen bɛɛ be ni gaman wɔɔrɔ wɔɔrɔ ye. U be fila kɛ k'u ɲaa datugu, ka fila kɛ k'u fari datugu, ka pan ni fila ye.

Ezekiyɛli 1:11

U ɲada tun be ten. U gaman fila fila tun wilinin be sanfɛ ka gun ɲɔgɔn na. Gaman fila fila tun be u fari datugu.

Ezekiyɛli 1:14

Nimanfɛn nunu tun be girin ka taga ka segi i ko sanpɛrɛn.

Ezekiyɛli 14:14

ni Nuhun ni Danɛli ani Zɔbu tun be jamana nin kɔnɔ, olu mɔgɔ saba nunu ka tilenninya tun bena u yɛrɛ dama le kisi. Ne Matigi, Masaba lo ko ten.

Daniyɛli 10:10

O tuma na, bolo dɔ magara ne la, ka n minɛ ka ne yɛrɛyɛrɛtɔ wili ka ɲɔgiri n kunbiri ni n tigɛ kan.

Daniyɛli 10:16

Nga, dɔ magara ne dagolo la. Ale tun bɔnin be adamaden fɛ. Ne sera ka kuma. Min tun lɔnin be ne ɲafɛ, n y'a fɔ ale ye ko: «Ne matigi, ne ye yelifɛn min ye, o ye n dusu kasi fɔɔ ne fanga bɛɛ banna.

Daniyɛli 10:18

O kɔ, min tun bɔnin be adamaden fɛ, ale magara ne la tugu, ne ye barika sɔrɔ.

Daniyɛli 8:16

N ye kumakan dɔ mɛn ka bɔ Ulayi baji la ko: «Gabiriyɛli, yelifɛn nin kɔrɔ fɔ cɛɛ nin ye.»

Daniyɛli 8:18

A tun be kumana ne fɛ tuma min na, ne tun kirinna ka n ɲaa birinin to duguma. Nga a magara ne la, ka ne minɛ ka wili ka lɔ.

Matiyu 27:46

Tile sumana tuma min na, Yezu pɛrɛnna k'a fɔ ko: «Eli, Eli, lamasabakitani», o kɔrɔ ko: «Ne ka Ala, ne ka Ala, mun na i ye ne bila?»

Luka 1:19

Mɛlɛkɛ y'a jaabi ko: «Ne ye Gabiriyɛli ye. Ne le be lɔ Ala ɲakɔrɔ k'a ka ciiw lamɛn. A ye ne ci ka na nin kibaru diman nin fɔ i ye.

Luka 1:26

Elizabɛti kɔnɔ kalo wɔɔrɔnan la Ala ye mɛlɛkɛ Gabiriyɛli ci Galile mara dugu dɔ la min tɔgɔ ko Nazarɛti.

Kɛwalew 10:3

Loon dɔ tile sumanin kɔ dɔɔni, Kɔrinɛyi ye Ala ka mɛlɛkɛ dɔ ye ka gwɛ kosɔbɛ. Mɛlɛkɛ nin donna a fɛ k'a fɔ a ye ko: «Kɔrinɛyi!»

Kɛwalew 10:9

A dugusagwɛ, k'u to sira kan, u yɔrɔ tun man jan Zope la tugu. O tuma na, Piyɛri yɛlɛla sanbon kan tilegwangwanfɛ, ka Ala daali.

Kɛwalew 12:7

O tuma na, Matigi ka mɛlɛkɛ dɔ donna, o yɔrɔnin bɛɛ, kasobon kɔnɔna bɛɛ sinna ka kɛ yeelenba ye. Mɛlɛkɛ ye Piyɛri gosi a gɛrɛn na ko a ka wili joona. Jɔrɔkɔ nunu tigɛra ka bɔ a bolow la o yɔrɔnin bɛ.

Kɛwalew 3:1

Loon dɔ, Piyɛri ni Zan tun be tagara Alabatosoba kɔnɔ wulafɛ batoli la.

Heburuw 1:14

Mɛlɛkɛ bɛɛ te baara kɛra Ala le ye wa? Mɔgɔ minw bena kisi, a te to k'u ci ka olu dɛmɛ wa?

Heburuw 1:7

A fɔra mɛlɛkɛw ka koo la ko: «A b'a ka mɛlɛkɛw kɛ fɔɲɔ ye, a b'a ka baarakɛlaw kɛ tasuma ye.»

Yirari 9:17

O sotigi nunu ka nigɛkunbɛnnan minw tun be u la, u wulennin tun lo fɔɔ ka kɛ bulaman ni nɛrɛmuguman ye. Soo nunu kungolow tun be i n'a fɔ jara ta, tasuma ni sisi ani kiribi le tun be bɔ u daaw la.