Daniyɛli 9:18 - ALA KA KUMA

¹⁸ Ne ka Ala, i tulo malɔ ka mɛnni kɛ. I ɲaa yɛlɛ k'an halakicogo filɛ n'i ka dugu, i tɔgɔ lara min kan. A ma kɛ ko an ka kɛwaliɲumanw kama lo an be daalili nunu ɲasinna i ma! Nga i ka makari kama lo.

Jula NT of Côte d’Ivoire

¹⁸ « ‹Ne ta Ala, sabari ka i toro malɔ, ka an lamɛn. I ɲa lɔ an ta jamana ra k’a cɛncogo flɛ! I tɔgɔ sigira dugu min na, o cɛncogo flɛ! An tɛ i daarira ka makarikanw fɔ anw ta terenninya le kosɔn, nka an bɛ i daarira i ta hinaba le kosɔn.

Daniyɛli 9:18 Iomraidhean Croise

Mas fɔlɔ 8:29

I hakili to soo nin la suu fara tile kan. I y'a fɔ ko i bena sigi yɔrɔ min na. I ka baarakɛla bena daalili min kɛ yan yɔrɔ la, i k'o lamɛn.

Mas 2nan 19:16

Masaba, i tulo malɔ ka mɛnni kɛ. I ɲaa yɛlɛ ka filɛli kɛ. Senakeribu ye mɔgɔ ci ka na e Ala nɛni. I k'a ka kuma mɛn.

Zaburu 116:1

Masaba koo ka di ne ye, bari a be ne ka daalili lamɛn.

Zaburu 25:6

Masaba, e k'i hakili to e ka ɲumanya n'i ka makari la, bari o ye tuma bɛɛ koo le ye.

Bɔri 3:7

Masaba y'a fɔ tugu ko: «Ne ye n ka jama ka sɛgɛn ye Ezipiti jamana na, k'u kasikan mɛn u ka baarakuntigiw bolo. Ne b'u ka tɔɔrɔkow kala ma.

Ezayi 37:17

Masaba, i tulo malɔ ka mɛnni kɛ. I ɲaa yɛlɛ ka filɛli kɛ. Senakeribu ye mɔgɔ ci ka na e Ala nɛni. I k'o bɛɛ mɛn.

Ezayi 43:7

ne ye minw dan k'u labɛn k'u dilan n ka boɲa kama, ka n tɔgɔ la u kan.»

Ezayi 64:6

Mɔgɔ si t'i daali tugu, mɔgɔ si te jijara ka nɔrɔ i la yɛrɛ. Bari, e y'i yɛrɛ dogo an na, i y'an to an be halakira an ka kojuguw kosɔn.

Yeremi 14:7

N'an ka kojuguw b'an jalaki, Masaba, fɔɔ i ka dɔ kɛ i tɔgɔ kosɔn. Bari an ka tilenbaliyakow cayara, an y'i hakɛ ta.

Yeremi 14:9

Mun na e y'i yɛrɛ kɛ i n'a fɔ cɛɛ min fanga banna, i ko kɛlɛdenŋana min te se ka mɔgɔ kuun bɔ? K'a sɔrɔ i do b'an cɛma, Masaba. An ye i ka mɔgɔw le ye, kana an labila.

Yeremi 15:16

I ka kuma mana se ne ma, ne b'a minɛ kosɔbɛ. A be nisɔndiya di ne ma, ka ne dagamu. Bari, ne y'i ta ye, Masaba, Setigi Ala.

Yeremi 25:29

Bari, ne tɔgɔ lara dugu min kan, ne bena kɔn ka tɔɔrɔ la ale lo kan. Aw be miiri ko aw bena kisi o ma wa? Ayi! Aw tena kisi. Bari ne yɛrɛ le ben'a kɛ murujan be wili diɲɛ mɔgɔw bɛɛ kama. Ne Masaba, Setigi le ko ten!

Yeremi 36:7

N'a sɔrɔ u bena Masaba daali, ani u kelen kelen bɛɛ bena faran u ka sirajuguw la, bari Masaba ko a diminin lo kosɔbɛ siya nin kɔrɔ.»

Yeremi 37:20

Masacɛ, ne matigi, sisan, sabali, mɛnni kɛ ne fɛ, ne ka daalili lamɛn. Kana ne bila ka taga Yonatan sɛbɛnnikɛla ka soo tugu, n'o tɛ, ne bena sa yen.»

Ezekiyɛli 36:22

«O le kosɔn, a fɔ Isirayɛlidenw ye ko ne Matigi, Masaba ko: Isirayɛlidenw, ne tena nin kɛ aw kosɔn, ne ben'a kɛ n tɔgɔ senuman le kosɔn, aw ye min cɛn siya wɛrɛw cɛma aw taayɔrɔw la.

Ezekiyɛli 36:32

Aw k'a lɔn ko ne tena nin kɛ aw kosɔn dɛ. Ne Matigi, Masaba le ko ten. Isirayɛlidenw, aw ka maloya, aw kuun ka surun aw taamacogo kosɔn!

Daniyɛli 9:7

Matigi, e ta le ye tiɲɛ ye. Anw kɔni ta ye maloya le ye, i n'a fɔ bii yɛrɛ. Maloya ye an Zuda mara mɔgɔw ta ye, ni Zeruzalɛmukaw ta ye, ani Isirayɛlidenw bɛɛ, a yɔrɔsurun mɔgɔ n'a yɔrɔjan mɔgɔw bɛɛ, u y'u gwɛn ka taga to jamana o jamana kɔnɔ, u ka tilenbaliya kosɔn, u ye min kɛ ele la.

Jateri 6:27

«U bena to ka ne tɔgɔ wele ten ka duba kɛ Isirayɛlidenw ye, ne be o duba minɛ.»

Kor fɔlɔ 1:2

be bataki nin ci Korɛntikaw ma minw lara Ala la, Yezu Krista ye minw wele k'u saniya k'u kɛ Ala ta ye. A cira mɔgɔ bɛɛ ma fana, minw be yɔrɔ bɛɛ la n'u be an Matigi Yezu Krista bato. Olu ka Matigi lo, ani an fana ta lo.