Daniyɛli 9:15 - ALA KA KUMA

¹⁵ Sisan, Matigi an ka Ala, ele min y'i ka jama bɔ Ezipiti jamana na n'i bolo barikaman ye k'i tɔgɔ boɲa i n'a fɔ a be cogo min na halibi, anw ye hakɛ kɛ. An filila.

Jula NT of Côte d’Ivoire

¹⁵ « ‹Ayiwa, sisan an Tigi Ala, ele le ka i ta mɔgɔw ɲamina ka o labɔ Misiran jamana ra, i ta sebagaya baraka ra, ka i tɔgɔ bonya fɔ ka na se bi ma. Nka anw ka i hakɛ ta, an jarakira.

Daniyɛli 9:15 Iomraidhean Croise

Mas fɔlɔ 8:51

Bari e ka jama lo, i ta lo, e le y'u bɔ Ezipiti jamana na, k'u sama ka bɔ tasumaba kɔnɔ.

Mas 2nan 21:15

Bari kabini u faaw bɔtuma Ezipiti fɔɔ ka na se bii ma, u b'a la ka kojugu kɛ ne ɲakɔrɔ ka n dusu dimi.› »

Lok 2nan 6:37

k'u to o jamana na, u minɛna ka taga min na, n'u sigira ka miiri ka nimisa ka faran u ka kojugu la, k'i daali ko: ‹An ye kojugu kɛ, an ye kodagabali kɛ, an ma koɲuman kɛ›, i k'u ka daalili mɛn, k'u dɛmɛ.

Nehemi 1:10

Masaba, u kɛra ele ka baaradenw, n'i ka jama ye, ele le y'u kunmabɔ i ka sebagaya la n'i bolo barikaman ye.

Nehemi 1:6

E k'an filɛ k'i tulo malɔ, ka mɛnni kɛ i ka baarakɛla ka daali la, ne be min kɛ suu fara tile kan, Isirayɛlidenw kosɔn minw ye i ka baarakɛlaw ye. An Isirayɛlidenw ye kojugu minw kɛ k'i hakɛ ta, ne be olu yafa daali i fɛ, ne ni n bɛmaw ye minw kɛ.

Nehemi 9:10

I ye taamasiɲɛw ni kabakow kɛ Ezipiti masacɛ la, n'a ka dakɔrɔsigiw n'a ka jamana deenw bɛɛ la, bari u tun be kojugu minw kɛ an faaw la u ka yɛrɛboɲa kɔnɔ, e tun y'o ye. E fana tun y'a kɛ i tɔgɔ bɔra i n'a fɔ a be cogo min na bii.

Zaburu 106:8

Nga a y'u kisi a yɛrɛ tɔgɔ kosɔn. A y'u kisi janko k'a ka setigiya yira.

Bɔri 13:14

Sini ma sini ma, n'aw deenw y'aw ɲininga ko: ‹Nin kɛkun ye mun ye?›, aw k'a fɔ u ye ko: ‹Masaba ye an bɔ Ezipiti jɔnya la ni barika ye.

Bɔri 13:16

Ayiwa, a bena kɛ taamasiɲɛ ye aw fɛ, i n'a fɔ bolo kan taamasiɲɛ ni teen na ta. Bari Masaba y'an bɔ Ezipiti jamana kɔnɔ n'a yɛrɛ ka sebagaya ye.»

Bɔri 13:3

Musa y'a fɔ jama ye ko: «Aw bɔra jɔnya la loon min na Ezipiti, aw k'aw hakili to o loon na, saan o saan, ka ɲanagwɛ kɛ o loon na, bari Masaba ye aw bɔ yen ni barika ye. Aw man kan ka buru dumu, fununan be min na.

Bɔri 13:9

O bena kɛ aw fɛ i n'a fɔ taamasiɲɛ aw bolo kan, n'aw teen na, k'aw hakili jigi o la ko Masaba ka sariya kuma ka kan ka to aw daa la tuma bɛɛ, bari a y'aw bɔ Ezipiti jamana kɔnɔ a ka sebagaya barika la.

Bɔri 14:18

Ni ne ye boɲa sɔrɔ masacɛ n'a ka wotorow, n'a ka sotigiw kosɔn tuma min na, Ezipitikaw ben'a lɔn ko ne ye Masaba le ye.»

Bɔri 32:11

Musa ye Masaba, a ka Ala daali kosɔbɛ ko a ka sabali. A ko: «Masaba, e y'i ka jama min bɔ Ezipiti n'i yɛrɛ ka sebagaya n'i ka fanga ye, mun na i be dimi u kɔrɔ ten?

Bɔri 6:1

Masaba y'a fɔ Musa ye ko: «Ne bena min kɛ Ezipiti masacɛ la, i bena o ye sisan. Ne bolo barikaman sababu la, a bena sɔn Isirayɛlidenw ka taga. Ne bolo barikaman sababu la, a yɛrɛ bena u gwɛn ka bɔ a ka jamana kɔnɔ.»

Bɔri 6:6

O la, i k'a fɔ Isirayɛlidenw ye ko ne le ye Masaba ye. Ne bena aw bɔ Ezipitikaw ka fanga kɔrɔ, ne bena aw bɔsi ka bɔ u ka jɔnya la. Ne bena u ɲaa gwan kosɔbɛ k'aw kisi ni sebagaya ye.

Bɔri 9:16

Nga ne y'a to yen waasa ka n ka sebagaya yira a la, ani ne tɔgɔ ka fɔ diɲɛ faan bɛɛ la.

Ezayi 55:13

Sipɛrɛyiri ni yiri kasadiman bena falen ŋɔniyiri nɔɔ na. O bena kɛ Masaba tɔgɔ boɲafɛn ye, o bena kɛ taamasiɲɛ ye min tena tunu fewu!

Ezayi 64:4

Mɔgɔ minw be tilenninyako kɛ ni nisɔndiya ye, minw b'i ka sira taama, ka miiri i la, i be olu kunbɛn. A ye! I dimina, bari anw y'a sira i ka bila. N'an y'o fɔlɔfɔlɔsira nunu ta, an bena kisi.

Yeremi 14:20

Masaba, an sɔnna an ka juguya ma, ani an faaw ka kojuguw. An y'i hakɛ ta.

Yeremi 32:10

Ne y'a sansɛbɛ dilan ka n ka taamasiɲɛ la o kan, ka wari nin suma seerew ɲana, ne tun ye minw wele.

Kasikan 3:42

Anw kɔni, an ye kojugu kɛ, an murutira. Ele Masaba fana ma yafa.

Ezekiyɛli 5:6

A kɔnɔ mɔgɔw murutira ne sago ma. U juguyara ka tɛmɛ siya wɛrɛw kan. U murutira ne ka sariyaw ma ka tɛmɛ u lamini jamanaw kan. Bari, u ma sɔn ne sago ma, u ma ne ka sariyaw bato.

Daniyɛli 9:5

An ye hakɛ kɛ. An filila, an fariyara, an murutira i ma. An banna i ka sariyaw, n'i ka fɔta ma.

Luka 15:21

Deen y'a fɔ a faa ye ko: ‹N faa, ne ye Ala hakɛ ta k'i fana hakɛ ta. Ne man kan ka wele ko i deen tugu.›

Luka 18:13

«Lɛnpominɛla nin lɔnin tun be kɔfɛ yɔrɔjan. A ma sɔn k'a ɲaa kɔrɔta sanfɛ yɛrɛ, nga a tora k'a disi gosi dusukasi bolo, ka to k'a fɔ ko: ‹Ala, makari ne la, ne ye hakɛkɛla ye.› »

Kor 2nan 1:10

Ale lo y'an kisi o sayajugu nin ma, a bena an kisi tugu. An jigi b'a kan, ko a bena an kisi halibi.

Sariya 5:15

Aw kana ɲinɛ ko aw tun ye jɔɔnw ye Ezipiti, ani ko ne Masaba aw ka Ala y'aw bɔ n ka sebagaya barika la. O kosɔn, n y'a ɲini aw fɛ ko aw ka lafiɲɛlon bato.