Daniyɛli 9:12 - ALA KA KUMA

¹² I ye min fɔ anw kosɔn, n'an ka ɲamɔgɔw kosɔn, minw b'an kunna, i y'o kɛ. I ye bɔnɛba la an kan Zeruzalɛmu kɔnɔ, min ɲɔgɔn ma ye yɔrɔ si diɲɛ kɔnɔ.

Jula NT of Côte d’Ivoire

¹² I tun k’a fɔ ko i bɛna min kɛ anw ni an ta jamana ɲamɔgɔw ra, i ka o kɛ. I ka o tɔɔrɔba lase an ma. Tɔɔrɔ min sera Zeruzalɛmu dugu ma, o tɔɔrɔ ɲɔgɔn ma deri ka se dunuɲa yɔrɔ si ra ka ye.

Daniyɛli 9:12 Iomraidhean Croise

Mas fɔlɔ 3:9

O la, i ka hakilitigiya d'i ka baarakɛla ma janko a ka se k'i ka jama nin mara, ani ka koɲuman ni kojugu lɔn k'o bɔ ɲɔgɔn na. Bari jɔn le be se k'i ka jama mara, nin jamaba nin?»

Mas 2nan 22:16

‹Masaba, Isirayɛli ka Ala ko: Ne Masaba ben'a kɛ bɔnɛ be ben yɔrɔ nin, n'a kɔnɔ mɔgɔw kan. Zuda mara masacɛ ye fɛɛn min bɛɛ ye kitabu nin kɔnɔ, ne bena o bɛɛ kɛ.

Ayuba 12:17

Ale lo be ɲamɔgɔw kɛ hakilitanw ye, ale lo be kititigɛlaw bila hakiliwili la.

Zaburu 148:11

Aw k'a tanu, dugukolo kan masaw ni jamanadenw, ɲamɔgɔw ni dugukolo kan mɔgɔbabaw bɛɛ,

Zaburu 2:10

O la masacɛw, sisan aw ka kɛ hakilitigiw ye. Jamana ɲamɔgɔw, aw ye sɔn ladili ma.

Zanaw 8:16

Ne barika la, faamaw b'u ka fangatigiya kɛ, ni mɔgɔbabaw, ani kititigɛlaw.

Ezayi 43:28

O la, ne ye n batoso ɲamɔgɔw dɔgɔya. Ne ye aw Isirayɛlidenw halaki, Ne be aw don cɛnnikɛlaw bolo janko u ka yɛlɛ aw ma.»

Ezayi 44:26

Ne ka baarakɛla be kuma min fɔ, ne ka cidenw be koo min fɔ, n ben'a to o be kɛ. Ne b'a fɔ ko mɔgɔw bena sigi Zeruzalɛmu tugu, ko Zuda mara duguw ka lɔ kura ye, ne bena tomow wili.

Yeremi 30:7

Bɔnɛ lo! Nin ye lonba ye, min ɲɔgɔn te yen. Tɔɔrɔ waati lo Yakuba kɔmɔgɔw fɛ, nga u bena bɔ a la.

Yeremi 32:23

U nana o jamana nin minɛ ka kɛ u ta ye. Nga, u ma mɛnni kɛ i fɛ, u ma i ka sariya bato. E tun ye min fɔ k'u k'a kɛ, u banna o bɛɛ la. O le kama, i y'a to bɔnɛ nin bɛɛ sera u ma.

Yeremi 39:16

«Ta'a fɔ Etiyopika Ebɛdimelɛki ye ko ne Masaba, Setigi, Isirayɛli ka Ala ko: ‹Ne ye koo minw fɔ dugu nin kosɔn, ne bena o kɛ a la. A ka bɔnɛko lo, a ka hɛrɛko tɛ. O bɛɛ bena kɛ i ɲana o loon.

Yeremi 44:23

Nin bɔnɛ nin be sera aw ma bii bari aw ye joow sɔn ka Masaba hakɛ ta, aw ma mɛnni kɛ a fɛ, aw m'a ka sariyaw n'a ka latigɛkow bato.»

Kasikan 1:12

«Aw minw bɛɛ be tɛmɛna sira kan, aw ka filɛli kɛ, k'a ye ko tɔɔrɔ min be an kan, ko a ɲɔgɔn be sɔrɔ wa? Masaba ye min la an kan a dusu gwanlon na.

Kasikan 2:13

Ne bena mun le fɔ i ye? Zeruzalɛmu, ne bena i suma ni mun ye? K'i suma ni mun ye waasa i kɔnɔ ka diya, Siyɔn? Bari, cɛnni min kɛra i kɔnɔ, o ka bon i ko kɔgɔji. Jɔn bena se ka lalagali kɛ, i ka bɔ o la?

Kasikan 2:17

Masaba tun ye min ŋaniya ta, a y'o kɛ. A tun ye min fɔ kabini fɔlɔfɔlɔ, a y'o kɛ. A y'i halaki, a yɛrɛ ma hinɛ. A ye e juguw nisɔndiya, i halakili kosɔn. A ye dɔ fara e juguw barika kan.

Kasikan 4:6

Ne ka jama ye kojugu minw kɛ, olu boɲana ni Sodɔmu dugu ta ye. Dugu min halakira yɔrɔnin kelen, ni mɔgɔ bolo ma se a ma.

Ezekiyɛli 13:6

U ka yelifɛnw ye fɛnkolonw ye, u ka kirayakuma ye galon ye. U b'a fɔ ko: Masaba kumana, k'a sɔrɔ Masaba ma u ci. O bɛɛ n'a ta, u be miiri ko u be min fɔ, k'o bena kɛ.

Ezekiyɛli 5:9

Aw ka konɔgɔninw bɛɛ kama, ne bena koo kɛ aw la, ne ma deli ka min kɛ, ne tena min ɲɔgɔn kɛ fana abada.

Daniyɛli 12:1

Mɛlɛkɛ y'a fɔ ne ye tugu ko: «O waati la, mɛlɛkɛw kuntigiba Misɛli bena bɔ. Ale min ye i ka siya marabaga ye. O bena kɛ waatigwɛlɛn ye dɛ! Kabini siyako daminɛ, fɔɔ ka n'a bila a bɔwaati la, o bɔɲɔgɔnko ma ke ka ye. Nga o waati la sa, i ka siya fɛɛn o fɛɛn tɔgɔ mana ye Ala ka sɛbɛ kɔnɔ, olu bɛɛ bena kisi.

Yowɛli 2:2

Dibi bena don, dibiba lo. Saan be fin kirikiri, bugun bena kɛ o loon na. Suu be ko ka dibi kɛ kuluw kan cogo min na, cɛnnikɛfɛn barikamanw bena yɔrɔ datugu ten. O ɲɔgɔn ma deli ka ye, a ɲɔgɔn tena ye fana.

Amɔsi 3:2

«Ne be jantora aw le la siyaw bɛɛ cɛma. O kama, aw ye tilenbaliyako minw bɛɛ kɛ, ne bena o juru sara aw la.»

Jakariya 1:6

Ne tun ye n ka kuma fɔ ne ka baarakɛlaw ye, kiraw ye, ka n ka koo latigɛninw don u bolo, o ma aw faaw sɔrɔ wa? U nana u sɔɔn yɛlɛma, u y'a fɔ ko: ‹Masaba, Setigi tun y'a latigɛ ko a bena an sara ka kɛɲɛ n'an taamacogo, n'an ka kɛwaliw ye. A do y'a kɛ ten!› »

Jakariya 1:8

Ne ye koo dɔ ye o loon sufɛ. Cɛɛ dɔ tun be soo wuleman kan. A lɔnin tun be yirininw cɛma, minw be wele ko miriti, kɔkɛnɛ dɔ la. Soo wɛrɛw tun b'a kɔfɛ: dɔw ye wulemanw ye, dɔw ma wulen kosɔbɛ, dɔw ye gwɛmanw ye.

Jakariya 7:12

Fɔlɔfɔlɔkiraw tun ye ne Masaba, Setigi ka sariya, ni ne ka kuma minw fɔ u ye Nii Senuman barika la, u y'u dusu gwɛlɛya i n'a fɔ diyaman janin lo cogo min na, u ma sɔn ka mɛnni kɛ. O la, ne Masaba, Setigi dimina u kɔrɔ kosɔbɛ.»

Matiyu 24:21

O bena kɛ tɔɔrɔba ye, min ɲɔgɔn ma kɛ ka ye kabini diɲɛ dantuma, fɔɔ ka na se bii ma, ani o tɔɔrɔ ɲɔgɔn fana tena kɛ tugu abada.

Matiyu 5:18

Tiɲɛ na, ne b'a fɔ aw ye ko ka sankolo ni dugukolo to yen, Ala ye sariya minw sigi, foyi tena bɔ u la, hali kuma kelen tena yɛlɛma u la, a bɛɛ ka kan ka bato fɔɔ a bɛɛ ka kɛ.

Marika 13:19

bari o loon tɔɔrɔ bena boɲa kojugu. O tɔɔrɔ ɲɔgɔn ma sɔrɔ fɔlɔ kabini Ala ye diɲɛ dan fɔɔ ka na se bii ma. O tɔɔrɔ ɲɔgɔn fana tena kɛ tugu abada.

Luka 21:22

bari a waati bena kɛ kojuguw juru sarawaati ye. Kiraw tun ye min fɔ, o bɛɛ bena kɛ, hali foyi ten'o jɛn.

Rɔmukaw 15:8

Ne b'a fɔ tiɲɛ na ko Ala ka kantigiya kosɔn, Krista ye baara kɛ zuwifuw ye, janko Ala tun y'a daa di koo minw na an faaw ye, o ka kɛ.