Daniyɛli 9:11 - ALA KA KUMA

¹¹ Isirayɛlidenw bɛɛ le y'i ka sariya cɛn, ka ban i la, u ma i ka fɔta bato. O la, danga y'an minɛ. Min koo fɔra e Ala ka baarakɛla Musa ka sariyasɛbɛ kɔnɔ bari an y'i hakɛ ta.

Jula NT of Côte d’Ivoire

¹¹ « ‹Izirayɛlimɔgɔw bɛɛ le ka i ta sariyaw cɛn. O bɛɛ le ka o kɔ di, ka ban ka i ta kuma lamɛn. O le kosɔn, danga ni kojugu minw fɔra Ala ta jɔncɛ Musa ta sariya ra, o dangaw benna an kan, sabu an ka Ala hakɛ ta.

Daniyɛli 9:11 Iomraidhean Croise

Mas 2nan 18:12

Bari u tun ma Masaba u ka Ala ka fɔta bato, u tun y'u ka bɛɛn cɛn. Masaba ka baarakɛla Musa tun ye fɛɛn min bɛɛ fɔ, u tun ma sɔn o ma. U ma o bato.

Mas 2nan 22:16

‹Masaba, Isirayɛli ka Ala ko: Ne Masaba ben'a kɛ bɔnɛ be ben yɔrɔ nin, n'a kɔnɔ mɔgɔw kan. Zuda mara masacɛ ye fɛɛn min bɛɛ ye kitabu nin kɔnɔ, ne bena o bɛɛ kɛ.

Ezayi 1:3

Misi b'a tigi lɔn, fali b'a ka kolokolo bilayɔrɔ lɔn. Nga Isirayɛlidenw te ne lɔn, ne ka jama te foyi faamu.»

Ezayi 43:28

O la, ne ye n batoso ɲamɔgɔw dɔgɔya. Ne ye aw Isirayɛlidenw halaki, Ne be aw don cɛnnikɛlaw bolo janko u ka yɛlɛ aw ma.»

Yeremi 16:11

O tuma na, i bena u jaabi ko bari u faaw ye ne labila ka boli batofɛn wɛrɛw kɔ, k'u sɔn ka to ka biri u ɲafɛ. U ye ne labila, u ma ne ka sariya bato. Ne Masaba le ko ten.

Yeremi 2:29

Mun na aw be ne jalaki la? Aw bɛɛ murutira ne ma. Ne Masaba le ko ten.

Yeremi 30:14

I ɲamɔgɔcɛw bɛɛ ɲinɛna i kɔ, u t'i yɔrɔ ɲini tugu, bari ne y'aw bugɔ i ko mɔgɔ b'a jugu bugɔ cogo min na. N ye ladili fariman le di aw ma, aw ka kojugu caya n'a juguya kosɔn.

Yeremi 32:23

U nana o jamana nin minɛ ka kɛ u ta ye. Nga, u ma mɛnni kɛ i fɛ, u ma i ka sariya bato. E tun ye min fɔ k'u k'a kɛ, u banna o bɛɛ la. O le kama, i y'a to bɔnɛ nin bɛɛ sera u ma.

Yeremi 40:3

A ye o le kɛ i ko a tun y'a fɔ cogo min na. Nin bɛɛ kɛra bari aw ye y'a hakɛ ta. Aw ma mɛnni kɛ a fɛ.

Yeremi 44:22

Aw ka kɛwalijuguw n'aw ka kokolonw kosɔn, Masaba ma se ka muɲu tugu. O kama le aw ka jamana kɛra dangafɛn, ni tomo ye, dusukasiyɔrɔ. A kɛra yɔrɔlakolon ye, mɔgɔ te yen, i n'a fɔ a be cogo min na bii.

Yeremi 44:23

Nin bɔnɛ nin be sera aw ma bii bari aw ye joow sɔn ka Masaba hakɛ ta, aw ma mɛnni kɛ a fɛ, aw m'a ka sariyaw n'a ka latigɛkow bato.»

Yeremi 6:19

Diɲɛ mɔgɔw bɛɛ k'a mɛn: Ne bena bɔnɛ lase siya nin ma u ka miirijuguw kosɔn. Bari u ma sɔn ka mɛnni kɛ ne ka kuma la, u banna ne ka sariya la.

Daniyɛli 9:13

A fɔra Musa ka sariyasɛbɛ kɔnɔ cogo min na, o bɔnɛ nin bɛɛ y'an sɔrɔ. Nga an ma se k'an ka hakɛw dabila ka tiɲɛ sira ta, ka Masaba an ka Ala dusu suma.

Daniyɛli 9:5

An ye hakɛ kɛ. An filila, an fariyara, an murutira i ma. An banna i ka sariyaw, n'i ka fɔta ma.

Jakariya 1:6

Ne tun ye n ka kuma fɔ ne ka baarakɛlaw ye, kiraw ye, ka n ka koo latigɛninw don u bolo, o ma aw faaw sɔrɔ wa? U nana u sɔɔn yɛlɛma, u y'a fɔ ko: ‹Masaba, Setigi tun y'a latigɛ ko a bena an sara ka kɛɲɛ n'an taamacogo, n'an ka kɛwaliw ye. A do y'a kɛ ten!› »

Jakariya 7:12

Fɔlɔfɔlɔkiraw tun ye ne Masaba, Setigi ka sariya, ni ne ka kuma minw fɔ u ye Nii Senuman barika la, u y'u dusu gwɛlɛya i n'a fɔ diyaman janin lo cogo min na, u ma sɔn ka mɛnni kɛ. O la, ne Masaba, Setigi dimina u kɔrɔ kosɔbɛ.»

Jakariya 8:13

Ayiwa, aw kɛra siya tɔw cɛma mɔgɔdanganinw ye cogo min na, aw, Zuda ni Isirayɛli mara mɔgɔw, o cogo kelen na, ne bena aw kisi, aw bena kɛ dubadenw ye. Aw kana siran, aw y'aw jaa gwɛlɛya.»

Sariya 8:20

Tiɲɛ na, n'aw ma Masaba aw ka Ala ka kuma bato, aw bena halaki i n'a fɔ Masaba ye siya minw halaki aw ɲafɛ.