Daniyɛli 8:27 - ALA KA KUMA

²⁷ O ye ne Daniyɛli barika ban, fɔɔ ka ne bana tile fila. Ne wilinin kɔ, ne tora ka baara kɛ masacɛ ye. Siranya tun be ne la kosɔbɛ yelifɛn nin kama, ne tun te foyi faamuyara.

Jula NT of Côte d’Ivoire

²⁷ «Ayiwa, o kow kɔ, ne Daniyɛli kɔni baraka bɛɛ banna, fɔ ka ne bana tere dama. O kɔ le, ne ka sɔrɔ ka kɛ masacɛ ta baaraw kɛ ye. Nka ne tun ka fɛn minw ye, o ko belen tun ka ne hakiri ɲagami, sabu ne tun ma se k’a faamu.»

Daniyɛli 8:27 Iomraidhean Croise

Daniyɛli 10:16

Nga, dɔ magara ne dagolo la. Ale tun bɔnin be adamaden fɛ. Ne sera ka kuma. Min tun lɔnin be ne ɲafɛ, n y'a fɔ ale ye ko: «Ne matigi, ne ye yelifɛn min ye, o ye n dusu kasi fɔɔ ne fanga bɛɛ banna.

Daniyɛli 10:8

Ne kelen tora yen, ka to ka koba nin filɛ. Ne fanga bɛɛ banna. Ne ɲada yɛlɛmana ka fin cogo dɔ la. Barika si tun te ne la tugu.

Daniyɛli 4:19

o yiri nin ye ele masacɛ le ye! Bari, i kɛra mɔgɔbaba ye, ka kɛ fangatigi ye. I jaɲana ka se sankolo ma, i ka masaya sera fɔɔ dugukolo daan na.

Daniyɛli 5:14

Ne y'i koo mɛn, ko batofɛnw ka nii b'i la, ko i be yeli kɛ, ko hakili b'i fɛ, n'i be koo lɔn kosɔbɛ.

Daniyɛli 7:28

«O kuma nin danna yan. O miiriya nunu ye ne Daniyɛli hakili ɲagami kojugu fɔɔ n ɲaa cogo yɛlɛmana. Nga ne y'o mara n kɔnɔ.»

Daniyɛli 8:17

Ne lɔnin tun be yɔrɔ min na, a gwɛrɛla ne la o tuma na. A setɔ, ne benna ka n ɲaa biri duguma siranyakojugu fɛ. A y'a fɔ n ye ko: «Adamaden, i k'a faamu ko i ye koo min ye, o be laban waati le koo fɔra.»

Daniyɛli 8:2

Ne ye min ye, o filɛ: Ka n to filɛli la, n ye n yɛrɛ ye Suzi dugu kɔnɔ. Min ye Elamu jamana ka masadugu ye. Ka n to o la, n ye n yɛrɛ ye Ulayi baa daa la.

Daniyɛli 8:7

A gwɛrɛl'a la tuma min na, a dimin'a kɔrɔ kosɔbɛ. A y'a tufa k'a gɔɔn fila kari. Sagajigi ma fanga sɔrɔ ka lɔ a ɲa. A y'a ta k'a ben, k'a dɔn. Mɔgɔ si ma sɔrɔ min be se k'a bɔsi a fɛ.

Habakuki 3:16

Ne y'o mɛn, ne kamana gwanna. Mankan nin fɛ, ne daa tora ka yɛrɛyɛrɛ. Ne kolow bɛɛ magayara, n seen tora ka yɛrɛyɛrɛ. Ala bena an tɔɔrɔbagaw ɲaa gwan loon min na, ne ka kan ka n hakili sigi k'o loon nin kɔnɔ.

Sam fɔlɔ 3:15

Samuyɛli lara fɔɔ dugu gwɛra tuma min na, a sɔrɔla ka Masaba ka soo daaw yɛlɛ. A tun be siran ka koo yirata nin fɔ Eli ye.