Daniyɛli 8:23 - ALA KA KUMA

²³ U ka fanga bantuma na, o y'a sɔrɔ mɔgɔjuguw ka juguya ser'a daan na, masa kelen dɔ bena wili min ka jugu, min b'a yɛrɛ boɲa, n'a be se namara la kosɔbɛ.

Jula NT of Côte d’Ivoire

²³ « ‹Ayiwa, olugu ta masaya laban na, ni mɔgɔw ta kɛwalejuguw nana wara tuma min na, masacɛ dɔ bɛna wuri; ale bɛna waso, ka mɔgɔw lafiri ni ceguya ye.

Daniyɛli 8:23 Iomraidhean Croise

Damina 15:16

I kɔmɔgɔw *filankuru naaninan le bena kɔsegi ka na yan, bari amoriw minw siginin be jamana nin kɔnɔ, olu ka juguya ma se a daan ma fɔlɔ. N'a ser'a daan ma tuma min na, ne bena u gwɛn.»

Zanaw 1:6

A kuun ye ka hakili di, talenw ni kuma kɔnɔmanw kɔrɔ lɔnko la, ani ka lɔnnikɛlaw ka kuma n'u ka siirinw faamu.

Ezekiyɛli 38:16

Gɔgi, i bena na ne ka jama Isirayɛli kɛlɛ i n'a fɔ sankaba be dugukolo datugu cogo min na. O bena kɛ waatijan nata la. Ne bena i ci ka taga ne ka jamana kɛlɛ janko siyaw ka ne lɔn ni ne tɛmɛna i fɛ k'a yira ko ne ye senuman ye tuma min na.› »

Ezekiyɛli 38:8

Waatijan nata la, saan caaman tɛmɛnin kɔ, u bena i wele ka taga kɛlɛ la ka Isirayɛli jamana kɛlɛ. A mɔgɔ minw tora kɛlɛ tɛmɛnin kɔ, olu siginin tun be jamana minw na, u bena bɔ yen ka na lajɛn Isirayɛli kuluw kan, o yɔrɔ minw lakolon tun tora kabini waatijan. O y'a sɔrɔ, kabini u bɔra siya wɛrɛw cɛma, u bena to hɛrɛ la o yɔrɔ la.

Daniyɛli 10:14

Ayiwa, e ka siya ka koo bena kɛ cogo min na loon nataw la, ne nana yan waasa k'o yira i la e k'a faamu, bari koo yirata kelen be yen o loonw kama.»

Daniyɛli 11:21

«Mɔgɔw te mɔgɔ min jati, ani k'a boɲa i n'a fɔ masa, ale lo bena sigi a nɔɔ na. Mɔgɔw be hɛrɛ la tuma min na, ale bena bari ka na fanga ta o waati la, n'a ka dibidibikow ye.

Daniyɛli 11:24

Mɔgɔw be hɛrɛ la tuma min na, a bena taga jamana yɔrɔɲuman na ka koo kɛ, a faaw ma se ka min ɲɔgɔn kɛ. A bena na ben o yɔrɔ mɔgɔw kan k'u ka minanw n'u ka nafolow tilan a ka mɔgɔw cɛ. A bena dugu barikaman dɔw kɛlɛko jati minɛ, nga o ye waati dɔɔni koo ye dɔrɔn.

Daniyɛli 7:11

Ne tora ka filɛli kɛ, gɔnfitini nin ka kumababaw kosɔn, a tun be minw fɔra. Ka n to filɛli la, u ye sogo naaninan nin faga k'a suu halaki, k'a fili tasuma fariman na.

Daniyɛli 7:20

Gɔɔn tan minw tun b'a kungolo la, n tun b'a fɛ ka faamuli kɛ olu fana la, ani gɔɔn dɔ nin, min nana bɔ fɔɔ saba bɔnna ka bɔ ale ɲa. Ɲadenw tun be min fɛ, ani daa, n'a be kumababaw fɔra. A tun kɛra i n'a fɔ ale ka bon ni tɔw ye.

Daniyɛli 7:25

Ale bena Fɛɛn bɛɛ kuntigi tɔgɔ cɛn k'a ka jama tɔɔrɔ. A ben'a ŋaniya ka waati jaticogo ni sariya yɛlɛma. Ala ka jama bena to a ka fanga kɔrɔ fɔɔ saan saba ni tilan.

Daniyɛli 7:8

Ka n to o gɔɔn nunu filɛli la, gɔnfitini dɔ bɔra u cɛma. Ale kosɔn, gɔɔn nunu saba bɔnna ka bɔ yen. Ɲadenw tun be ale gɔɔn nin fɛ i n'a fɔ mɔgɔ ɲadenw. Daa tun b'a fɛ ka kumababaw fɔ.

Daniyɛli 8:22

Gɔɔn nin karila, gɔɔn naani minw falenn'a nɔɔ na, olu ye jamana naani ye minw bena wili a ka jamana kɔ, nga olu ten'a ka fanga ɲɔgɔn sɔrɔ.

Daniyɛli 8:24

A ka fanga bena boɲa haali. Nga o tena kɛ a yɛrɛ barika la. A bena na ni cɛnniba ye. A mana koo o koo latigɛ, o bɛɛ bena ɲa a bolo. A bena setigi dɔw halaki, ani Ala ka jama.

Daniyɛli 8:25

A ka cekuya kama, a bena se janfa la kosɔbɛ. A ben'a yɛrɛ boɲa ka mɔgɔ caaman halaki minw tun be ɲasuma na. A bena wili masaw ka Masa kama. Nga a bena halaki ni mɔgɔ bolo ma se a ma.

Jateri 24:24

Kurunbaw bena na ka bɔ Kitimu jamana na, u bena se Asirikaw ni Ebɛri kɔmɔgɔw kɔrɔ, nga olu yɛrɛw bena nagasi.»

Matiyu 23:32

O ka ɲi, aw ka taga ɲa ka aw bɛmaw ka kɛwali tɔɔ dafa.

Sariya 28:50

U bena kɛ mɔgɔ ɲanagwɛlɛnw ye, u tena mɔgɔkɔrɔbaw boɲa, walima ka hinɛ denmisɛnw na.

Tes fɔlɔ 2:16

Olu le b'an bali janko an kana kibaru diman fɔ siya wɛrɛw ye, min be se ka kɛ u be kisili sɔrɔ. A kɛra ten, u be dɔ farala u ka hakɛw kan. Nga a laban na, Ala dimina u kɔrɔ kosɔbɛ.

Tim fɔlɔ 4:1

Nii Senuman b'a fɔ k'a gwɛ ko laban tuma na, mɔgɔ dɔw bena u jigi bɔ Yezu Krista kan. U bena mɛnni kɛ namaramɔgɔw fɛ, ani ka sɔn jinaw ka kalan ma.

Yirari 19:20

Nga u ye Sogo nin kɛlɛ k'a minɛ, ka kira galontigɛla minɛ. Ale min tun be to ka kabakow kɛ a ɲana ka mɔgɔw lafili ka di Sogo nin ma, k'a kɛ Sogo nin ka taamasiɲɛ bilara mɔgɔw kan, n'u y'a bato. U ye Sogo nin, ani kira galontigɛla minɛ k'u fili jahanama na. Tasuma ni kiribi le mananin be yen.