Daniyɛli 8:13 - ALA KA KUMA

¹³ Ne ye mɛlɛkɛ dɔ kumakan mɛn. Ne ye min kaan mɛn, dɔ wɛrɛ kumana ale fɛ ko: «Koo min yirala loon o loon saraka nin kosɔn wo, ni kojuguba min bena na ni cɛnni ye wo, ni batoliyɔrɔ minɛko wo, ani sankolo kɔnɔ fɛɛnw nagasiko, o bena to seen kan fɔɔ tuma jumɛn?»

Jula NT of Côte d’Ivoire

¹³ «Ayiwa, o kɔ, ne ka mɛlɛkɛ saninman dɔ kumakan mɛn. Mɛlɛkɛ saninman dɔ wɛrɛ ka ale ɲininka ko: ‹Ko minw yirara, o kow bɛna to ka kɛ fɔ wagati juman le? Saraka min tun bɛ bɔ lon o lon, o dablanin bɛna to ten ka se fɔ wagati juman? Mɔgɔw bɛna to o ta kɛwalejuguw ra ka se fɔ wagati juman? O bɛna Ala ta yɔrɔ saninman ni Ala ta danfɛnw minako juguya fɔ wagati juman?›

Daniyɛli 8:13 Iomraidhean Croise

Zaburu 74:10

Ala, an tɔɔrɔbagaw bena u ka ɲadonya dabila tuma jumɛn? Juguw bena to k'i dɔgɔya ten kudayi wa?

Zaburu 74:9

An ɲaa t'i taamasiɲɛ yera tugu, kira te yera fana. Mɔgɔ fana t'an cɛma min b'o koo banwaati lɔn.

Zaburu 79:5

Masaba, i ka dimi nin bena ban tuma jumɛn? O min be yen kudayi. I ka keliya min be i ko tasuma, o bena ban tuma jumɛn?

Ezayi 28:18

Bɛɛn min be aw ni saya cɛ, o bena cɛn. Bɛɛn min be aw ni lahara cɛ, o bena dabila. Ni gwɛrɛgwɛrɛko sera, a tɛmɛtɔ b'aw halaki.

Ezayi 6:11

Ne y'a fɔ ko: «Fɔɔ waati jumɛn sa, Matigi?» A ye ne jaabi ko: «Fɔɔ ni duguw cira, mɔgɔ kana sɔrɔ u kɔnɔ, mɔgɔ kana sɔrɔ boonw kɔnɔ, dugukolo ka cɛn ka kɛ dusukasiyɔrɔ ye.»

Ezayi 63:18

Jamana min kɛra e ka jama niyɔrɔ ye, o ma to an bolo ka mɛn. An juguw y'i sigiyɔrɔ mafiɲɛya.

Ezayi 9:6

A ka fanga bena boɲa, a ka masaya hɛrɛ tena ban. A bena to Dawuda ka masasigilan kan masaya la. A bena o masaya sabati, ka barika don a la tiɲɛ, ni tilenninya la kabini sisan ni tuma bɛɛ. Masaba, Setigi bena o kɛ bari a jijanin lo o kama.

Yeremi 12:10

Begɛnbalola caaman bena ne ka *ɛrɛzɛnforo cɛn, u bena n ka foro dɔndɔn, u bena foroɲuman nin cɛn k'a kɛ yɔrɔlakolon ye.

Daniyɛli 11:31

Alabatoso be dugu barikaman min kɔnɔ, a bena kɛlɛdenw bila ka na o ɲagami, saraka min be bɔ loon o loon, k'o koo ban. A bena fɛnjugu cɛnnikɛla bila sarakabɔyɔrɔ kan.

Daniyɛli 12:11

Saraka min be bɔ Ala ye loon o loon, k'a ta ale dabilawaati ma, ani fɛnjugu cɛnnikɛla bilawaati la, tile waa kelen ni kɛmɛ fila ni bi kɔnɔntɔn (1 290) le bena tɛmɛ.

Daniyɛli 12:8

Ne Daniyɛli kɔni tun be kuma nunu mɛnna. Nga ne tun ma u faamu. O la, ne ye ɲiningali kɛ ko: «N matigi, o koo nunu bɛɛ bena laban cogo di?»

Daniyɛli 4:10

« ‹Ka n to siko la halibi n ka dilan kan, ne ye mɛlɛkɛ dɔ jigitɔ ye ka bɔ sankolo la.

Daniyɛli 4:13

Adamadenya bena bɔ a la, a bena kɛ i n'a fɔ kongosogo. A ka to ten fɔɔ saan wolonwula.

Daniyɛli 4:23

A fana tun fɔra k'u ka yiriju to yen, a n'a lili. O kɔrɔ ko n'i sɔnn'a ma waati min na ko Sankolotigi Ala le ye diɲɛ bɛɛ tigi ye, i bena kɔseg'i ka masaya la.

Daniyɛli 7:16

Mɔgɔ minw tun b'o yɔrɔ la, ne gwɛrɛla olu kelen na waasa a ka koo nin bɛɛ kɔrɔ yɛrɛyɛrɛ fɔ n ye. A ye ne jaabi. A y'a kɔrɔ fɔ n ye ko:

Daniyɛli 7:23

A y'a fɔ n ye ko: ‹Sogo naaninan nin ye masa dɔ wɛrɛ ye min bena wili dugukolo kan, ale be danna ni tɔw bɛɛ ye. A bena dugukolo bɛɛ minɛ k'a nɔɔni k'a yɛrɛkɛ.

Daniyɛli 9:27

Saan wolonwula kɔnɔ, a ben'a ka fanga la mɔgɔ caaman kan, o saan wolonwula tilancɛ kɔnɔ, a bena saraka bɔko daa faga, suman saraka bɔko bena dabila. Cɛnnikɛla nin ben'a ka baarajugu kɛ teliya la, fɔɔ halakili min tun latigɛra ka na cun a kan.»

Jakariya 14:5

Aw bena boli ka tɛmɛ n'o kuluw furancɛ le ye. Furancɛ nin bena taga fɔɔ Asali. Aw bena boli i n'a fɔ aw tun bolila cogo min na dugukolo yɛrɛyɛrɛlon na, Zuda mara masacɛ Oziyasi ka tile la. O kɔ, Masaba, n ka Ala bena na n'a ka mɔgɔɲumanw bɛɛ ye.

Matiyu 11:27

O kɔ, a y'a fɔ mɔgɔw ye ko: «N Faa Ala ye fɛɛn bɛɛ di n ma. Mɔgɔ si te Dencɛ lɔn n'a Faa dɔrɔn tɛ, mɔgɔ si te Faa fana lɔn fɔɔ Dencɛ kelenpe. Ni Dencɛ b'a fɛ mɔgɔ min k'a Faa lɔn, o tigi ben'a lɔn.

Matiyu 24:15

«Kira Daniyɛli tun ye fɛnjugu cɛnnikɛla min koo fɔ, n'aw y'o ye Alabatosoba yɔrɔ senuman na tuma min na, (mɔgɔ min be nin kalan, a ka kan k'a faamu),

Marika 13:14

«Fɛnjugu cɛnnikɛla man kan ka ye yɔrɔ min na, aw bena o siginin ye o yɔrɔ la. (Mɔgɔ min be nin kalan, o ka kan k'a faamu.) O tuma na, mɔgɔ minw be Zude mara la, olu ka boli ka taga kuluyɔrɔw la.

Luka 10:22

O kɔ, a y'a fɔ mɔgɔw ye ko: «N Faa ye fɛɛn bɛɛ di ne ma. Mɔgɔ si te Dencɛ lɔn n'a Faa dɔrɔn tɛ, mɔgɔ si te Faa fana lɔn, fɔɔ Dencɛ kelenpe. Ni Dencɛ b'a fɛ ko mɔgɔ min k'a Faa lɔn, o tigi ben'a lɔn.»

Luka 21:20

«N'aw y'a ye ko Zeruzalɛmukaw juguw ka kɛlɛbolo ye dugu lamini tuma min na, aw k'a lɔn ko a halakituma sera.

Luka 21:24

U bena dɔw faga ni murujanjan ye, ka dɔw minɛ ka taga u kɛ jɔɔnw ye siya wɛrɛw cɛma. Siya minw te siran Ala ɲa, olu bena Zeruzalɛmu halaki pewu fɔɔ sarati min tun dira u ma, o ka dafa.

Yuhana 1:18

Mɔgɔ si ma deli ka Ala ye abada, nga a Deen kelenpe, min fana ye Ala ye, ale n'a Faa Ala be ɲɔgɔn fɛ, ale lo nana Ala cogo yira an na.

Sariya 33:2

A ko: «Masaba bɔra Sinayi kulu kan ka na, a bɔra i ko tile wilitɔ, *Seyiri mara la. A tora Paran kulu kan ka yeelen bɔ a ka jama ye. A nana ni mɛlɛkɛ waa caaman ye, ka bɔ kulu nin kan, worodugu ɲafan fɛ.

Tes fɔlɔ 3:13

A ka barika don aw la, aw ka kɛ mɔgɔɲumanw ni jalakibaliw ye an Faa Ala ɲakɔrɔ, an Matigi Yezu kɔsegituma na n'a ka mɔgɔw bɛɛ ye.

Heburuw 10:29

Nga min ka jugu n'o ye, o ye ka Ala Dencɛ dɔgɔya, walima k'a fɔ ko Yezu joli min ye bɛɛn kɛ Ala ni mɔgɔ cɛ, k'o ye fu ye. K'a sɔrɔ o joli nin le ye o tigi saniya. Walima ka Nii Senuman tɔgɔjugu fɔ, min ye makaritigi ye. O tigi ka sara ka jugu ka tɛmɛ.

Piy fɔlɔ 1:12

Ala y'a yira u la k'u ka koo te o ye, nga u tun b'o kuma fɔra ka bila aw le ye. Aw y'o kira nunu ka kumaw mɛn sisan kibaru diman fɔbagaw fɛ, Nii Senuman barika la, min cira ka bɔ sankolo la ka jigi u kan. O diyara mɛlɛkɛw ye fɔɔ u tun b'a fɛ ka koo nin ye.

Zude 1:14

Enɔki min ye wolokun wolonwulanan ye k'a ta Adama ma, ale ye kirayakuma fɔ u ka koo la ko: «A filɛ. Matigi bena na n'a ka mɛlɛkɛ senuman waa caaman ye.

Yirari 11:2

Nga i kana Alabatosoba lukɛnɛ suma, i b'o to yen, bari o yɔrɔ dira siya wɛrɛw ma, minw bena dugu senuman halaki kalo bi naani ni fila kɔnɔ.

Yirari 6:10

Olu y'u kaan kɔrɔta k'a fɔ ko: «Matigiɲuman, e min tilennin lo, ani e be tiɲɛ fɛ, e be waati jumɛn le kɔnɔna ka diɲɛ mɔgɔw kiti k'u ɲaa gwan? Bari u tun ye anw faga.»

Kititigɛbagaw 13:18

A y'a jaabi ko: «Mun na e be ne tɔgɔ ɲininga? N tɔgɔ ye kabakotɔgɔ ye.»