Daniyɛli 8:12 - ALA KA KUMA

¹² Sankolofɛn nunu donn'a bolo tilenbaliya kama, ka fara saraka kan u tun be min bɔ loon o loon. Gɔɔn nin ye batoli ɲanaman la duguma. A mana koo o koo latigɛ, o bɛɛ be ɲa a bolo.

Jula NT of Côte d’Ivoire

¹² Sankolo danfɛnw blara a ta fanga kɔrɔ; saraka saninman min tun bɛ bɔ lon o lon, o dablara, jurumun kosɔn. Mɔgɔw ka Ala ta can sira bla. A kɛra ten, ni o gban fitini ka fɛn o fɛn kɛ, o bɛ ɲa a boro.

Daniyɛli 8:12 Iomraidhean Croise

Ayuba 12:6

Benkannikɛlaw ka soow be hɛrɛ la. Mɔgɔ minw be don Ala gasi la, olu be ɲasuma na, u yɛrɛ ka fanga y'u jigi ye.

Zaburu 119:142

E ka tilenninya te banta ye. E ka sariya ye tiɲɛ ye.

Zaburu 119:43

Kan'a to tiɲɛkuma ka ban n daa la fewu. Ne be n jigi la i ka fɔtaw le kan.

Zaburu 28:5

U kɔni te Masaba ka kɛta jati, u mako t'a ka baara la. U halaki Masaba, kan'a to u be segi ka wili tugu.

Ezayi 59:14

O le y'a to tilenninya yɔrɔ jaɲana an na, kisili yɔrɔ ka jan an na. Tiɲɛ te lɔyɔrɔ sɔrɔ forobayɔrɔ la, hɔrɔnya te tɛmɛyɔrɔ sɔrɔ yen.

Yeremi 12:1

Masaba, hali ni ne be sɔsɔli kɛ n'i ye, tiɲɛ be sɔrɔ ele fɛ. O bɛɛ n'a ta, ne bena kuma n'i ye i ka kiti dɔw koo la. Mun na mɔgɔjuguw ka koow be sabati? Mun na tilenbaliw bɛɛ be hɛrɛ la?

Daniyɛli 11:28

A kɔsegitɔ a ka jamana na, kɔgɔdugu ɲafan masacɛ bena segi ni nafolo caaman ye. Ala bɛnna ni jama min ye, a tɛmɛtɔ bena wili olu kama k'u kɛlɛ, ka sɔrɔ ka ta'a ka jamana kɔnɔ.

Daniyɛli 7:21

N tora k'ale gɔɔn nin filɛ n'a be Ala ka jama kɛlɛra. A sera u kɔrɔ,

Daniyɛli 8:4

Sagajigi nin tun be tufari kɛ n'a gɔɔnw ye tileben, ni kɔgɔdugu ɲafan na, ani worodugu ɲafan fɛ. Sogo si tun te se ka lɔ a ɲa, mɔgɔ si tun te se k'u bɔsi a fɛ. Koo min tun ka d'a ye, a tun b'o le kɛ. A fana tun be see sɔrɔla ka taga.

Yirari 13:7

Sira dir'a ma ko a ka Krista ka jama kɛlɛ, ani ka se u kɔrɔ. Fanga dir'a ma waasa ka siyaw bɛɛ mara, ni jamanaw bɛɛ.

Sam fɔlɔ 23:9

Dawuda y'a mɛn ko Sayuli be kojugu le labɛnna ale kama minkɛ, a ko sarakalasebaga Abiyatari ma ko a ka na ni sarakalasebagaw kuntigi ka fani ye.