Daniyɛli 7:24 - ALA KA KUMA

²⁴ Gɔɔn tan nunu ye masa tan ye minw bena bɔ mara nin kɔnɔ. Masa kelen bena wili olu kɔ, ale ni minw kɔnn'a ɲa tena kɛ kelen ye. Ale bena saba ben.

Jula NT of Côte d’Ivoire

²⁴ O wara ta gban tan, o ye masacɛ tan le ye; o masacɛ tan bɛɛ bɛna bɔ wara ta masaya le kɔnɔ. Nka masacɛ kelen bɛna na olugu kɔ fɛ, ale ni tɔw tɛna kɛ kelen ye fiyewu. A bɛna masacɛ saba laben.

Daniyɛli 7:24 Iomraidhean Croise

Daniyɛli 11:36

«Koo o koo ye masacɛ nin diya, a ben'o le kɛ. A ben'a yɛrɛ boɲa! O yɛrɛboɲa nin na, a ben'a yɛrɛ fisaya ni batofɛnw bɛɛ ye. Ala min ka bon ni batofɛn bɛɛ ye, a bena kabakokuma fɔ ale kama. A ka koo bena taga ɲa fɔɔ ka taga se Ala ka dimi danyɔrɔ la. Bari, min latigɛra, o bena kɛ cɔ!

Daniyɛli 2:41

I ye jaa nin sentigɛ, n'a senkunnadenw ye, olu tun ye bɔgɔjɛninin ni nigɛ ye. O b'a yira k'o mara nin bena tilan. Yɔrɔ dɔ bena barika sɔrɔ i n'a fɔ nigɛ, i n'a fɔ i y'a ye cogo min na, nigɛ ni bɔgɔ ɲagaminin be ɲɔgɔn na.

Daniyɛli 7:20

Gɔɔn tan minw tun b'a kungolo la, n tun b'a fɛ ka faamuli kɛ olu fana la, ani gɔɔn dɔ nin, min nana bɔ fɔɔ saba bɔnna ka bɔ ale ɲa. Ɲadenw tun be min fɛ, ani daa, n'a be kumababaw fɔra. A tun kɛra i n'a fɔ ale ka bon ni tɔw ye.

Daniyɛli 7:23

A y'a fɔ n ye ko: ‹Sogo naaninan nin ye masa dɔ wɛrɛ ye min bena wili dugukolo kan, ale be danna ni tɔw bɛɛ ye. A bena dugukolo bɛɛ minɛ k'a nɔɔni k'a yɛrɛkɛ.

Yirari 12:3

Ne ye kabako wɛrɛ ye yen tugu. O tun ye Sogojugu wuleman piyanpiyan belebeleba dɔ ye, a bɔnin be banba fɛ. A kungolo ye wolonwula ye, a gɔɔn ye tan ye. Masafugulan b'a kuun nunu bɛɛ la.

Yirari 13:1

N ye Sogo dɔ bɔtɔ ye kɔgɔji la, a kungolo ye wolonwula ye, a gɔɔn ye tan ye. Masafugulan b'a gɔɔn nunu kelen kelen bɛɛ la. Ala tɔgɔcɛn kuma sɛbɛnnin b'a kuun kelen kelen bɛɛ kan.

Yirari 17:3

O tuma na, Nii Senuman jigira ne kan, mɛlɛkɛ ye ne ta ka taga ni ne ye fɔɔ kongokolon dɔ la. O yɔrɔ la, ne ye muso dɔ siginin ye sogo wuleman dɔ kan. Sɛbɛli tun b'a yɔrɔ bɛɛ la, minw ye Ala tɔgɔcɛn kuma ye. A kuun tun ye wolonwula ye, gɔɔn tan.