Daniyɛli 7:14 - ALA KA KUMA

¹⁴ Kuntigiya, ni boɲa, ani masaya dir'a ma. Maraw bɛɛ la, siyaw bɛɛ mɔgɔw y'a bato. A ka kuntigiya ye waati bɛɛ koo ye. A ka masaya te ban abada!

Jula NT of Côte d’Ivoire

¹⁴ O ka kuntigiya ni bonya ni masaya di a ma, janko mɔgɔw bɛɛ, ani siyaw bɛɛ, ani kanw bɛɛ mɔgɔw ye baara kɛ a ye. A ta kuntigiya ye kuntigiya banbari le ye; a ta masaya fana tɛna cɛn ka ye fiyewu.»

Daniyɛli 7:14 Iomraidhean Croise

Zaburu 102:22

janko u ka Masaba tɔgɔ fɔ Siyɔn dugu kɔnɔ, k'a tanu Zeruzalɛmu kɔnɔ,

Zaburu 103:19

Masaba ka sigiyɔrɔ be sankolo kɔnɔ. A ka kuntigiya be fɛɛn bɛɛ kan.

Zaburu 145:13

E ka masaya ye waati bɛɛ ta ye. E ka kuntigiya bena kɛ waati nata mɔgɔw bɛɛ kan.

Zaburu 146:10

Masaba ye kuntigi ye kudayi, *Siyɔn, e ka Ala lo tuma bɛɛ. Aw ka Masaba tanu.

Zaburu 45:6

E ka biɲɛw daa ka di, u be ele masa jugu dusu sɔgɔ. Siyaw be ben e kɔrɔ.

Zaburu 72:11

Masacɛw bɛɛ bena u kunbiri gwan a kɔrɔ, siyaw bɛɛ bena baara kɛ a ye.

Zaburu 72:17

Masacɛ tɔgɔ ka to yen kudayi, a tɔgɔ ka to waati bɛɛ i ko tile. Siyaw bɛɛ ka Ala daali ko a ka olu ta ɲa i ko a ye masacɛ ta ɲa cogo min na.

Zaburu 8:6

I y'a kɛ a lɔyɔrɔ ma se i ta ma. I ye nɔɔrɔ ni karama la a kan.

Ezayi 16:5

i ka ɲumanya barika la, Dawuda kɔmɔgɔ bena masasigilan sɔrɔ, sigilan nin be barika sɔrɔ ka mɛn fana. A bena kiti tigɛ ni tilenninya ye, tilenninya bena kɛ a ka jɔɔrɔnako ye.»

Ezayi 60:12

«Ni siya min, walima jamana min banna ka baara kɛ i ye, ale be halaki, a bena cɛn pewu.

Ezayi 9:6

A ka fanga bena boɲa, a ka masaya hɛrɛ tena ban. A bena to Dawuda ka masasigilan kan masaya la. A bena o masaya sabati, ka barika don a la tiɲɛ, ni tilenninya la kabini sisan ni tuma bɛɛ. Masaba, Setigi bena o kɛ bari a jijanin lo o kama.

Ezayi 9:7

Matigi ye kuma dɔ fɔ Yakuba kɔmɔgɔw kama, o koo kɛra Isirayɛli mara la.

Daniyɛli 2:35

O la, a yɔrɔ min ye nigɛ ye wo, bɔgɔ wo, zira wo, warigwɛ wo, sanu wo, a bɛɛ mugumugura ɲɔgɔn fɛ, ka kɛ i n'a fɔ sumanɲaga. Fɔɲɔ y'a bɛɛ ta ka taga, hali a nɔɔ ma ye. Nga kabakuru min tun ye jaa nin gosi, ale boɲana ka kɛ kuluba ye ka dugukolo bɛɛ fa.

Daniyɛli 2:37

Ele, masacɛ! Masaw ka masa! Sankolotigi Ala ye masaya d'i ma, ka setigiya ni fanga ani tɔgɔba d'i ma.

Daniyɛli 2:44

«Ayiwa, o masa nunu ka tile la, Sankolotigi Ala ben'a kɛ masacɛ wɛrɛ be wili min ka masaya tena nagasi abada, a ka masaya tena bɔ a bolo ka di siya wɛrɛ ma. Ale bena masa tɔ nunu bɛɛ ka koo nagasi ka ban pewu. Ale bena to a ka masaya la tuma bɛɛ.

Daniyɛli 3:4

O tuma na, dalaminɛ pɛrɛnna kosɔbɛ ko: «Maraw bɛɛ kɔnɔ mɔgɔw, ni siyaw bɛɛ, a ɲininin b'aw fɛ ko

Daniyɛli 4:3

Ne ye cii bila ka Babilɔni lɔnnikɛlaw bɛɛ wele waasa ka siko nin kɔrɔ fɔ n ye.

Daniyɛli 6:26

O kɔ, masacɛ Dariyusi ye sɛbɛ ci siyaw bɛɛ ma, maraw bɛɛ kɔnɔ dugukolo faan bɛɛ la ko: «Hɛrɛ ka kɛ aw ye kosɔbɛ!

Daniyɛli 7:18

Nga Fɛɛn bɛɛ kuntigi ka jama bena masaya sɔrɔ min tena bɔsi u la abada.›

Daniyɛli 7:27

Mara minw bɛɛ be dugukolo kan, olu ka masaya, n'u ka fanga, n'u ka boɲa bena di Fɛɛn bɛɛ kuntigi ka jama ma. O jama nin ka masaya bena kɛ waati bɛɛ koo ye. Faamaw bɛɛ bena baara kɛ o ye, ani ka mɛnni kɛ o fɛ.›

Abidiyasi 1:21

Sesɔrɔbagaw bena yɛlɛ *Siyɔn kulu kunna ka edɔmuw ka mara kiti. Masaya bena kɛ Masaba ta ye!

Mise 4:7

Tɔɔ bena sɔrɔ senkelenninw na. Minw tun gwɛnna ka taga fɔɔ yɔrɔjan, n bena olu kɛ siya barikaman ye. Masaba bena kɛ u ka masa ye *Siyɔn kulu kan k'a ta o waati ma, ni tuma bɛɛ.

Matiyu 11:27

O kɔ, a y'a fɔ mɔgɔw ye ko: «N Faa Ala ye fɛɛn bɛɛ di n ma. Mɔgɔ si te Dencɛ lɔn n'a Faa dɔrɔn tɛ, mɔgɔ si te Faa fana lɔn fɔɔ Dencɛ kelenpe. Ni Dencɛ b'a fɛ mɔgɔ min k'a Faa lɔn, o tigi ben'a lɔn.

Matiyu 28:18

Yezu gwɛrɛla u la k'a fɔ u ye ko: «Ala ye sebagaya bɛɛ di ne ma sankolo la ani dugukolo kan.

Luka 1:33

A bena sigi masaya la Isirayɛlidenw kunna fɔɔ tuma bɛɛ, a ka masaya tena ban abada.»

Luka 10:22

O kɔ, a y'a fɔ mɔgɔw ye ko: «N Faa ye fɛɛn bɛɛ di ne ma. Mɔgɔ si te Dencɛ lɔn n'a Faa dɔrɔn tɛ, mɔgɔ si te Faa fana lɔn, fɔɔ Dencɛ kelenpe. Ni Dencɛ b'a fɛ ko mɔgɔ min k'a Faa lɔn, o tigi ben'a lɔn.»

Yuhana 12:34

Jama y'a fɔ a ye ko: «An y'a mɛn sariya la ko Ala ka Mɔgɔ wolomanin nin bena to yen kudayi, e do b'a fɔ cogo di ko Mɔgɔ Dencɛ ka kan ka kɔrɔta sanfɛ? Jɔn le y'o Mɔgɔ Dencɛ ye?»

Yuhana 3:35

Faa b'a Deen kanu fɔɔ a ye fɛɛnw bɛɛ don a bolo.

Heburuw 12:28

Ayiwa, Ala bena sigiyɔrɔ d'an ma min te se ka cɛn, o la, an k'a fo k'a bato, ka kɛɲɛ n'a yɛrɛ sago ye, ni yɛrɛmajigi ni siranya ye.

Piy fɔlɔ 3:22

ale min tagara arijana na ka to Ala kinibolo la. Mɛlɛkɛw ni setigiw, ani fangatigi minw b'o yɔrɔ la, u bɛɛ majiginin be ale ye.

Yirari 1:6

k'an kɛ masadenw ni sarakalasebagaw ye, a Faa Ala ɲakɔrɔ. O tuma na, see ye ale ta ye, boɲa ka la a tɔgɔ kan waati bɛɛ. Amiina.

Yirari 11:15

Mɛlɛkɛ wolonwulanan y'a ka buru fiyɛ, kumakanbabaw bɔra sankolo la ka to k'a fɔ ko: «Sisan, diɲɛ ka masaya kɛra an Matigi n'a ka Mɔgɔ wolomanin ta ye. A bena to masaya la tuma bɛɛ.»

Yirari 17:14

U bena Sagaden nin kɛlɛ. Nga Sagaden bena se u kɔrɔ, bari ale ye matigiw ka Matigi ye, ani masaw ka Masa. Sagaden n'a ka mɔgɔ weleninw, n'a ka wolomaninw, ni kantigiw, u bɛɛ bena see sɔrɔ.»

Yirari 3:21

Ni min ye see sɔrɔ, o tigi bena sigi ni ne ye n ka masaya la, i n'a fɔ ne ye see sɔrɔ ka sigi ni n Faa ye a ka masaya la cogo min na.