Daniyɛli 6:5 - ALA KA KUMA

⁵ Ayiwa, ɲamɔgɔ tɔɔ nunu, ani marakuntigiw tun be sɔɔn ɲinina k'a la Daniyɛli kan jamana ka koo dɔw faan fɛ. Nga u ma se ka koo si sɔrɔ Daniyɛli ye min cɛn, walima a ka filiyɔrɔ dɔ, bari mɔgɔtilennin tun lo. O la, u ma se ka filiyɔrɔ sɔrɔ a la, u ma se k'a jalaki.

Jula NT of Côte d’Ivoire

⁵ Ayiwa, kuntigiba tɔw ni fagamaw k’a ye ten minkɛ, o ka kɛ sababu dɔ ɲini ye, o bɛ se ka Daniyɛli jaraki ni min ye a ta kuntigiya baara ko ra, ka o fɔ masacɛ ye. Nka o ma jarakiyɔrɔ si sɔrɔ, o ma foyi ye Daniyɛli ta baara ra, sabu Daniyɛli tun terennin lo fɛn bɛɛ ra, firiyɔrɔ tun tɛ a ta baara ra, a tun tɛ ko bɛnbari kɛ fana.

Daniyɛli 6:5 Iomraidhean Croise

Ɛsitɛri 3:8

O kɔ, Aman y'a fɔ masacɛ Sɛrisɛsi ye ko: «Siya dɔ be i ka jama cɛma min be danna tɔw la, u yɛrɛkɛnin be i ka maraw bɛɛ la, u ka landa ni tɔw ta te kelen ye. U te ele masacɛ ka sariya bato. Kuun t'a la i k'o siya nin to ɲasuma na.

Zaburu 37:32

Mɔgɔjugu be mɔgɔtilennin dɛndɛ, a b'a fɛ k'a faga,

Yeremi 29:7

Ne y'aw bɔ ka taga dugu min kɔnɔ, aw k'o ɲa ɲini. Aw ka ne daali a ye. Bari n'a ɲana, aw fana ta le ɲana.›

Sam fɔlɔ 24:17

Dawuda tilara o kuma fɔli la Sayuli ye tuma min na, Sayuli y'a fɔ ko: «Ne dencɛ Dawuda, ele lo wa?» O kɔ, a kasira kosɔbɛ.

Sam fɔlɔ 29:3

Filisiw ka ɲamɔgɔw ye ɲiningali kɛ ko: «Eburu nunu be mun le kɛra yan?» Akisi y'u jaabi ko: «Isirayɛlidenw ka masacɛ Sayuli ka baaradenkɔrɔ Dawuda lo. A be ni ne ye a sera saan kelen, walima fila. Ne ma jalakiyɔrɔ si ye a la kabini a sera ne fɛ fɔɔ ka na se bii ma.»