Daniyɛli 6:25 - ALA KA KUMA

²⁵ O tuma na, masacɛ y'a fɔ ko mɔgɔ minw tun ye Daniyɛli jalaki, k'u ka na n'u ye k'u fili jaraw fɛ dingɛ nin kɔnɔ, olu n'u ka musow n'u deenw. U y'u fili dingɛ kɔnɔ, sanni u ka se dingɛ daan na, jaraw girinna u kan k'u kolow karikari.

Jula NT of Côte d’Ivoire

²⁵ Masacɛ ko, ko mɔgɔ minw ka Daniyɛli jaraki, ko o ye na ni olugu ye, ani o ta musow ni o ta denw bɛɛ, ka na o bɛɛ firi dinga kɔnɔ jaraw fɛ. O ka o firi dinga kɔnɔ minkɛ, hali o ma dinga kɔnɔnɔyɔrɔ yɛrɛ sɔrɔ, jaraw benna o kan ka o kolow bɛɛ ɲɔɲɔ.

Daniyɛli 6:25 Iomraidhean Croise

Ɛsidarasi 4:17

Masacɛ y'u jaabi ko: «Ne be e, lasigiden Ereyumu fo, ni sɛbɛnnikɛla Simusayi ani aw tɔɲɔgɔn minw be Samari ani Efarati baji kɔfɛ.

Ɛsitɛri 3:12

U ye masacɛ ka sɛbɛnnikɛlaw wele kalo fɔlɔ nin tile tan ni sabanan loon. Olu ye sɛbɛ nunu sɛbɛn, ka kɛɲɛ ni Aman ka fɔta bɛɛ ye, k'u ci masacɛ ka dakɔrɔsigiw, n'a ka maraw kɔnɔ lasigidenw bɛɛ, ani siyaw bɛɛ kuntigiw ma, ka kɛɲɛ ni mara bɛɛ ka siyakan sɛbɛncogo ye. Sɛbɛ nunu sɛbɛnna ni masacɛ Sɛrisɛsi tɔgɔ ye k'a ka bololanigɛ kɛ ka taamasiɲɛ la u kan.

Ɛsitɛri 7:10

Aman tun ye lɔgɔ min lalaga Maridose faga kama, u y'ale yɛrɛ le dulon o kan. O kɔ, masacɛ dusu sumana.

Ɛsitɛri 8:9

O waati yɛrɛ la, u ye masacɛ ka sɛbɛnnikɛlaw wele. U ye batakiw sɛbɛn, ka kɛɲɛ ni Maridose ka fɔta bɛɛ ye, saan nin kalo sabanan tile mugan ni saba loon, min ye *Siwan kalo ye, k'u ci zuwifuw ni masacɛ ka dakɔrɔsigiw ma, ni masacɛ ka lasigidenw, an'a ka mara kɛmɛ ni mugan ni wolonwula kuntigiw ma, k'a ta Ɛndi jamana na fɔɔ ka ta'a bila Etiyopi jamana na. U y'a sɛbɛn ka kɛɲɛ ni mara kelen kelen bɛɛ ka siyakan n'u ka sɛbɛnni kɛcogo ye, ka zuwifuw ta sɛbɛn ka kɛɲɛ n'u ka kaan sɛbɛncogo ye fana.

Zaburu 7:15

A filɛ, mɔgɔjugu b'a la k'a ka baarajugu labɛn. A be miiri kojugu la, o la, a fana be kokolon kɛ.

Zaburu 9:16

Siyaw ye dingɛ minw sogi, u benna olu le kɔnɔ. U ye jɔɔ minw la dogo la, u minɛna olu le kɔnɔ.

Zanaw 11:8

Mɔgɔtilennin be kisi tɔɔrɔ ma, mɔgɔjugu le b'o tɔɔrɔ sɔrɔ a nɔɔ na.

Daniyɛli 3:4

O tuma na, dalaminɛ pɛrɛnna kosɔbɛ ko: «Maraw bɛɛ kɔnɔ mɔgɔw, ni siyaw bɛɛ, a ɲininin b'aw fɛ ko

Daniyɛli 4:1

«Ne tun be n ka soo, n hakili siginin, n tun be hɛrɛ la n ka masalu kɔnɔ.

Sariya 19:19

a tun b'a fɛ fɛɛn min ka kɛ a tɔɲɔgɔn nin na, aw bena o kɛ ale yɛrɛ la. O la, aw bena kojugu bɔ aw cɛma.

Piy fɔlɔ 1:2

Faa Ala y'aw woloma kabini fɔlɔ, k'aw kɛ a taw ye Nii Senuman barika la, waasa aw ka mɛnni kɛ Yezu Krista fɛ ani ka saniya a joli bɔnnin na. Ala ka nɛɛma ni hɛrɛ kɛ aw ye tuma bɛɛ.

Piy 2nan 1:2

An ka Ala n'an Matigi Yezu lɔnko kama, u ka nɛɛma ni hɛrɛ kɛ aw ye kosɔbɛ.

Zude 1:2

Ala ka makari ni kanuya ani hɛrɛ ka kɛ aw ye kosɔbɛ.