Daniyɛli 6:13 - ALA KA KUMA

¹³ O la, u tagara masacɛ fɛ ka sariya nin koo fɔ a ye ko: «Masa, e ma sariya sigi k'a fɔ ko tile bi saba kɔnɔ, ko ni mɔgɔ o mɔgɔ ye fɛɛn wɛrɛ bato, walima ka mɔgɔ dɔ bato min be danna ele la, k'o tigi bena fili jaraw ma u ka dingɛ kɔnɔ wa?» Masacɛ y'u jaabi ko: «Jaati! Ka kɛɲɛ ni mɛdiw ni pɛrɛsiw ka sariya ye, min te se ka bɔ yen.»

Jula NT of Côte d’Ivoire

¹³ O tagara masacɛ fɛ, ka taga o sariya ko fɔ a ye. O ko: «Masacɛ, i ma sariya dɔ sigi ko fɔ ka taga se tere bisaba ma, ko ni mɔgɔ o mɔgɔ ka ala wɛrɛ daari, walama ka mɔgɔ wɛrɛ daari, ni ele kelen tɛ, ko o tigi ka kan ka firi jaraw ta dinga kɔnɔ wa?» Masacɛ ko: «A sɛbɛra ten le; Mɛdikaw ni Pɛrɛsikaw ta sariya lo, a tɛ se ka yɛlɛma.»

Daniyɛli 6:13 Iomraidhean Croise

Ɛsitɛri 3:8

O kɔ, Aman y'a fɔ masacɛ Sɛrisɛsi ye ko: «Siya dɔ be i ka jama cɛma min be danna tɔw la, u yɛrɛkɛnin be i ka maraw bɛɛ la, u ka landa ni tɔw ta te kelen ye. U te ele masacɛ ka sariya bato. Kuun t'a la i k'o siya nin to ɲasuma na.

Daniyɛli 1:6

O mɔgɔ nunu cɛma, Zuda kɔmɔgɔw kanbelen dɔw tun be yen: Daniyɛli, ni Ananiya, ni Mikayɛli ani Azariya.

Daniyɛli 2:25

Ariyɔki teliyara ka don ni Daniyɛli ye masacɛ fɛ k'a fɔ a ye ko: «Masacɛ, mɔgɔ minw minɛna Zuda mara la ka na, ne ye cɛɛ dɔ sɔrɔ olu cɛma min be se k'i ka siko kɔrɔ fɔ i ye.»

Daniyɛli 3:11

Ko ni mɔgɔ min ma biri k'a bato, k'o tigi bena fili dibi tasumaman kɔnɔ wa?

Daniyɛli 3:12

Ayiwa, Zuwifu dɔw be yan, Sadiraki, ni Mesaki ani Abɛdenego, i ye Babilɔni mara ka koow ɲamɔgɔya kalifa minw ma, u ma sɔn i darakan na. Batofɛn minw b'i fɛ, u te olu batora, i ye jaa sanulaman min dilan, u ma sɔn k'o bato.»

Daniyɛli 3:8

O tuma na, Babilɔnika dɔw gwɛrɛla janko ka Zuwifuw jalaki.

Daniyɛli 5:13

U nana ni Daniyɛli ye masacɛ fɛ. Masacɛ y'a ɲininga ko: «N facɛ ka masaya tile la, a bɔra ni mɔgɔ minw ye Zuda mara la ka na n'u ye yan, Daniyɛli tɔgɔla min tun b'u cɛma, o ye e le ye sɔbɛ la wa?

Kɛwalew 17:7

Zasɔn le y'u ka jatigi ye. O mɔgɔ nunu si te an ka Ɔrɔmu masacɛba ka sariyaw fɛ. U ko masacɛba wɛrɛ be yen, k'o tɔgɔ ko Yezu.»

Kɛwalew 5:29

O la, Piyɛri ni ciden tɔw y'u jaabi ko: «Anw te se ka ban Ala sago la ka adamadenw ta kɛ.